انا خاطب من 5 سنين هى كانت حلوه معايا طول ال 4 سنين الخطوبة وبعدين جت فى اخر سنه واختها كانت مخطوبه لابن عمى وسابته وحصل مشاكل ومن ساعتها وهى متغيره اى كلمه كويسه تقولى مش قادره انطقها بحاول ومش عارفه بس بعد الجواز هتتغير وهع ف اقول كل حاجه انا مش عارف اعمل معاها ايه وجت مره واحده على مشكله وهى مش مشكله انا كنت باخد رايها فى موضوع يعنى هنعمل الفرح فين وكده قالت انها مش عاوزانى وخلاص كل شئ نصيب ستها تعبت ودخلت المستشفى وابوها تعب علشان الموضوع ده غيرت رايها وقالت هكمل بس وانا وافقت علشان بحبها وال 4 سنين مش شويه بس هى كلامها معايا عاوز تزهقنى مش بتكلمنى كلمه حلوه خالص بقولها انتى مش عاوزانى تقولى عاوزاك طيب بتعملى ليه كده تقولى مش عارف ايه اللى غيرك تقولى معرفش كل حاجه هتكون حلوه بعد الجواز حد يقولى اعمل ايه علشان انا بصراحه تعبت نفسيا والفرح المفروض فى شهر 7 كمان 3 شهور
هيا حاسه بعدم الثقه منك بما انو ابن عمك شيفاك شبهو بس انتا حاول تسدرجها ف الكلام وشوف هتقولك ايه ومش كل حاجه تحكم قلبك البت لما بتحس ان في حاجه بتروح من ايديها بتتمسك بيها اكتر حاول تخليها تثق فيك وحكم عواطفك شويه
كنت زيك قبل 18سنة خاطب بنت عمي وخلال فترة الخطوبة شعرت بانها متغيرة علي وماعاد تبادلني المشاعر والعواطف لانو فترة الخطوبة طالت 5شهور وحصلت لها ظروف منها مرض ابوها وطلاق اختها الكبرى من زوجها اثرعلى نفسيتها وصارت تطلب تاجيل الزواج ولكنها كل تكلمت معها تقول والله احبك واموت فيك لكن الظروف اقوى منى ومنك وصبرت وقدرت ظروفها ومازعلت منها ابدا حتى شفي ابوها عمي من مرضه واسترد عافيته وجينا نبارك لهم على خروجه وسلامته وعندما شافتني رايت الابتسامة والحب في عيونها وطلبت مني ان اتكلم معها على انفراد فطلعنا السطح بتاع بيتهم وهناك اعطتني قبلة حارة عرفت انها تحبني من كل قلبها وهي من طلب من ابوها ان يعجل بزواجنا قالت الحمدلله انك طلعت من المستشفى ورحعت لبيتك وابغاتعجل بزواجنا انا وابن عمي وفعلا تزوجنا في الموعد المحدد وعايشن في منتهى السعادةوالهناء وراحةالبال والاستقرار في حياتنا الزوجية مع اولادنا والحمدلله على كل حال
اخي اعتقد ان فسخ خطوبة اختها من ابن عمك موثر فيها وخايفة يحصل لها مثلما حصل مع اختها وايضا مرض ستها ودخولها المستشفى امر مش بالهين للفتاة لازم تلتمس الاعذار لخطيبتك وتقدر ظروفها وتحسن تعامل معها وترفق بحالها ولااري سبب مقنع انك تاجل الزواج منها او تفكرفي الغاه خلي الامور تمشي كالمعتاد وتكتمل فرحتكما في شهر 7 وربنا يتمم لكما بالخيرويسعدكمامعا في حياتكم الزوجية
انا بنت زيها وافهمها كل مالخطوبة تطول يجماعة بتبوخ وفرحة الوحدة بالخطوبة بتبدا تتناقص تدريجيا كل مالوقت يطول وكمان فسخ ابن عمك لخطوبته من اختها خلاها حسه بعدم الثقة وخايفة يحصل معاكم زيها فحاول على قد متقدر تعجل بالجواز وتفرحها وتخرجها وتغيرلها نفسيتها وبكده هترجعوا زى اول يوم فالخطوبة
بعد الصلاة والسلام على نبينا محمد . كل ما عليك فعله من وجهة نظرى ان تتكلم من اقرب الناس اليها وتعرف ان كان شىء ما يضايقها . وان عرفت هذا الشيء تكلم معها فيه وحاول ان تحل المشكلة . او ممكن تفاجئها بشيء لم تتخيله وعلى حسب مقدرتك حتى تجعلها سعيدة ومن ثم تتكلم معها وتعرف الموضوع منها بكل هدوء . ولكن لا يجب ان تتزوجوا لو المشكلة دى ماتحلتش ولو هى طريقتها فى المعاملة مرجعتش زى الاول واحسن لازم تاجل الزواج . وماتقولش ان بعد الزواج كل شيء هيتصلح هذا خطأ فبسبب هذه الجملة فكثير من الناس تطلقوا بعد الزواج ومنهم بعد انجاب اطفال وطبع ده هيأثر على الاطفال . واصلا ابغض شيء عند الله هو الطلاق . فيمكنك ان تأجل الفرح لحد ما تبقى كويسة فى التعامل لان التعامل اهم حاجة لو اتجوزتم هتبقوا على طول مع بعض فده بيزهق لو الاتنين فى اى مشكلة ما بنهم .
اخي العزيز ارى من الافضل انك تتركها وتفسخ الخطوبة دي لانها ماتستاهلك دي هي الحقيقة وحتى لو حصل وتزوجتم عمرها ماتتغير ولا يحصل انسجام او توافق بينكما وتعيشوا في مشاكل وخناقات مالها اول ولااخر وماجعلت الخطوبة الا لاجل التفاهم والارتياح من الطرفين وده لم يحصل بينكم فكيف تريده ان يحصل بعد الزواج بلاش توهم نفسك او تغالط روحك هتلاقي بنت الحلال اللي تستاهلك وتقدر مشاعرك وتسعدك