أعشقها عشق الجنون وهي ذات بشرة سمراء لامعة وعيون ساحرة كالطفلة البريئة التي عندما أنظر إليها انسى الدنيا وما فيها أخترع اامشاكل فقط كي أتحدث معها واستمع اليها وهي تناقشني واتلذذ بعقلها الراجح الرزين وهي تحل لي المشكلة التي افتعلتها كي اتحدث معها. هي أكبر مني ب 15 سنة… نعم الرقم المكتوب صحيح كما قرأتموه 15 سنة فرق السن بيني وبينها هي دكتورة في مادة الفيزياء في تدرس في أحدى كليات القاهرة. مسيطرة على كامل تفكيري ( مش قادر انساها) أنا متأكد ان انا بحبها فعلا ً أنا مش مراهق عندي 31 سنة وهي 46 سنة بحبها ومستعد أعمل أي حاجة عشان أعيش الباقي من عمري معاها.. ابتدى إحساس حبي ليها من 7 سنين ومن 4سنين بس حاولت أفاتحها في الموضوع بشكل غير مباشر وهي فهمت لكن كان معنى كلامها الرفض بردو بشكل غير مباشر واتحججت بالعادات والتقاليد العقيمة بتاعتنا والمثل الخايب بتاع ((من همه اتجوز واحدة أد أمه))مثل ابن ***** واتحججت كمان ببنتها اللي عندها 10 سنين.. اها نسيت أقولكم انها ارملة من 8 سنين وعشان انا راجل مبحبش الزن الكتير قفلت عالموضوع لكن مش عارف انساها وحبي وشوقي ليها اني أشوفها واتكلم معاها كل يوم بيزيد لدرجة اني خطبت بعد كده مرتين بس محصلش نصيب.. وبالرغم ان البنتين اللي خطبتهم كانوا زي القمر لكن في عينيا هي أجمل منهم.. سافرت وسبت مصر كلها وبعدت عنها جايز أنساها بردوا مفيش فايدة…أنا قلبي بيتقطع والله من شوقي ليها أدعولي ان أقدر أنساها
توكل على الله اهمةشئ تكون واثق من نفسك حارب عشانها وارجع كرر طلبك لها بتصميم،،وصل استخارة قبلها واطلب منها كمان تصلي استخارة،،هي اعتراضها مش عليك كل خوفها كلام الناس لكن لوحست انك رجل ومايهمكش كلام الناس سواء الآن أو بعدالزواج وحسستها بده صدقني ستوافق
سهل جدا تقنعها إن شاء الله وقولها طالما ربنا محلل هذا الزواج يبقي ليه نهتم بكلام الناس ؟!! ،، وعرفها انك بتحبها من 8سنين ودي فترة طويلة تثبت انك بتحبها بجد وقولها انك موافق علي كل ظروفها و هي لما تلاقيك لسة بتحبها بعد الفترة دي هتلين إن شاء الله وهتفكر تاني وممكن تبعت حد من قرايبك او من ناحيتها عشان يقنعها ،بيك وانك بتحبها بجد ومن فترة طويلة ربنا يهديها ليك ويحببها فيك ويجعلها من نصيبك ويجمع بينكم في الخير ☺
انا رأيي انه طالما المشكلة الوحيدة انها مش موافقة عشان التقاليد يعني مش رفضاك انت شخصيا يبقي سهل انك تقنعها بحبك ليها وان اهم حاجة رأيكو انتو وسعادتكو مع بعض و الناس مش هيقولوا حاجة علي فكرة زواجكوا لأن كل واحد فيه اللي مكفيه وحتي لو اتكلموا هيبقي شوية وهيعدوا وهينسوا زي اي حاجة بتتنسي… لو بجد عايزها زوجة ليك يبقي اعرض عليها مرة كمان و حاول تقنعها واعطيها فرصة تفكر وقولها انك بتحبها بجد وانك مش قادر تكون مع واحدة غيرها وقولها تستخير ربنا وانت هتوافق علي اللي ربنا هيختاره لكوا بعد الاستخارة لأن ربنا هيختار لكو الخير طبعا … ومتستسلمش ربنا يوفقك ……ويجعلها من نصيبك يارب
عمر فارق السن مكان عاءق عن الزواج اخي اذا كانت تلك السيدة على خلق حميدة و كانت لها النية في تكوين أسرة سعيدة و قبلت الزواج بك فاتمنى من الله تعالى ان يساعدكما و لا تنسى ان رسول الله عليه أفضل الصلاة و السلام تزوج السيدة خديجة و هي اكبر و أغنى منه فارق السن يا اخي ليس بالمشكلة مادامت النية صادقة و أتمنى لك كل التوفيق
في واحد صاحبي شاب عمره 34سنة تعرف على ارملة اكبر منه في العمر 47سنة وهي دكتورة في الجامعة وعندها ولد يدرس في الخارج والشاب تعلق بها واغرم بتلك الارملة وعاوز يتزوجها تكلم معها وابدى رغبتها في الزواج منها وهي في البداية رفضت بحجة فارق السن بينهما والمستوى التعليمي وان اهله احتمال يرفضون زواجه منها لكن بعد فترة وافقت على طلبه وراح وتكلم مع اهله في الموضوع لكن اهله عارضوا ذلك الزواج واصروا على انه ينسى تلك الفكرة ولكن الشاب تجدى ارادة اهله واصرعلى زواجه من تلك الارملة وفعلا تزوج منها وذهب للعيش معها في الشقة التي تملكها وبعد فترة من الزواج لاحظ صاحبنا ان المدام الدكتورة المحترمة تتصرف وكانها فتاة مراهقة في العشرين من العمر تلبس ملابس لاتليق بعمرها ولا بمركزها ومكانتها كادكتورة في الجامعة تخرج مع صديقاتها وتسهرمعهن في الاسواق او في احد بيوتهن غيرمهتمة بكونها زوجة ولها زوج ينتظرها في البيت وتكلم معها في هذا الموضوع وابدت تذمرها من فرض سيطرته عليها وتدخله في حياتها الخاصة وبدات الخلافات والمشاكل تدخل حياتهما الزوجية وعندها بدا الزوج يشك في تصرفات زوجته الدكتورة وبدا يراقب تحركاتها عند الخروج وذات مرة اخبرته انها ذاهبة لزيارة احدى صديقاتها وهي في الحقيقة ذهبت لمقابلة احد الزملاء في الجامعة وراها زوجها مع ذلك الرجل في احد المطاعم وبعدهاذهبت معه الى بيته ولم ترجع الى زوجها الا في ساعة متاخرة من الليل وصاحبنا هذا مش عاوز يزعلها لانه واقع في حبها حتى الثمالة واخبرها انه مسافر لعند اهله في البلد التي اهله فيها وسوف يمكث عندهم ايام وهنا استغلت تلك الزوجة الفرصة وخلا لها الجو واحضرت العشيق لبيتها ليمارس معها الرذيلة في غياب زوجها ولما عاد الزوج اخبره احد الجيران انه راى رجل يتردد على شقته وعندها الزوج استغاظ غضبا وطفح الكيل به من تصرفات وفساد اخلاق زوجته الفاجرة وطلقها فورا بعد ان اعترفت له بالحقيقة وانها مارضيت بالزواج منه الا لكي تسلم من السنة الناس كونها ارملة وبلاراجل في حياتها ودي الحقيقة التي قالها الرجل صاحب تلك المشكلة وحاب الناس تعرفها وتاخذ العبرة والعظة مما حصل له في الحياة
اخي عاوزك تبعد عن تلك الارملة وتنساها للابد ولاتفكر في الزواج منها اولا- هي اكبر منك بفارق 15سنة وعندها بنت في سن المراهقة ثانيا- المراة دي اعلى منك درجة في التعليم معها دكتوارة في الفيزياء وتدرس في احدى الجامعات وانت لاتعليم ولاحتى شهادات عليا ثالثا- احتمال موكد اهلك يرفضون زواجك منها واستحالة يوافقون على طلبك الزواج من وحدة ارملة واكبرمنك بالعمر وعندها بنت دي الحقيقة التي لزوم تعرفها انصحك بتركها وقطع علاقتك بها للابد والايام كفيلة بتخليك تنساها تماما وفكر في الزواج من فتاة اصغر منك والبنات كثار وهتلاقي بنت الحلال الصالحة التي تستاهلك وتقدرمشاعرك وتسعدك في الحياة
الحب مش عيب فاتحها تاني واتجوزها والف مبروك