انا شاب معنديش اي تجربة عاطفية خالص وكنت بعتبر الجواز ده حاجه غير مهمه على الاطلاق بس في يوم وانا شغال شفت واحده زميله ومعرفش ايه اللي حصلي وقعت ومحدش سما عليا وحاولت اعرف هيا مين وعرفت انها محترمه جدا و عرفت برضو ان واحد زميلي متقدملها وهو يعتبر صاحبي فمارضتش اقف في طريقه وحاولت انسى الموضوع بس كنت كل ما اقابله اقوله ايه الاخبار وكأني كنت مستنيه يفشل عشان اروح مكانه وفعلا هو اتقدملها خلال سنة بدل المره تلات مرات بس اهلها مش موافقين عليه بس هيا موافقه وفي المره الاخيره هو قالها ربنا يوفقك والموضوع اتقفل. ولما كنت بقابله واسأله يقول لسه الموضوع شغال. ومكنتش اعرف انا حاجه خالص وبحسبها اتخطبتله. وفي يوم قابلتها في الشغل عرفت انها مش مخطوبه ولا حاجه. وبعدها شغلت تفكيري بطريقه بشعه وحاولت انساها واصلي واستخير ربنا ومفيش فايده فقررت اكلمها واطلب منها لأني مابحبش اللف والدوران ولا العط. فالمهم كلمتها وقولتلها اني معجب بيها وفوجئت انها هيا كمان معجبه بيا وموافقه اني اتقدملها. ولله الحمد انا معنديش حاجه اترفض عشانها فتقدمتلها واهلها وافقو على طول. وانا بحبها وهي بحس انها بتحبني وهيا بتقولي كده وانا جاهز للفرح والموضوع الحمد لله شبه كامل بس ساعات بقعد اقول هيا لو اهلها كانو وافقو على زميلي كان زمانها متجوزاه والبنات اليومين دول عايزين يتجوزو وخلاص وطبعا زميلي مقاطعني وبيدعي عليا. هل انا اتعديت على حق زميلي واحساسي انها متجوزاني وخلاص اي جوازه وواحد محترم وخلاص احساس هيموتني وانها كانت ممكن تتجوزو هو لو كان اهلها وافقو مش عارف اعمل ايه سألتها مره عليه وقالتلي ده موضوع منتهي وزعلت مني وكنت حاسس انها هتضيع مني وكنت هموت بس الحمد لله رجعنا لبعض بس كل فترة قلبي بياكلني اني مش اول واحد في حياتها زي ماهي اول واحده في حياتي
اولا- يااخي الزواج قسمة ونصيب وماحدش ياخذ الا نصيبه في هذة الحياة ثانيا – انت ماغلطتش ابدا ولاتعديت على حق زميلك ولاهم يحزنون هو تقدم لها واهلها رفضوه وخلاص وكل واحد راح لحال سبيله وانت جيت وخطبتها من اهلها والبنت واهلها وافقوا عليك ودا سنة الحياة ثالثا- انت خطيبها عاوزك تبطل التفكير اللي هيدمرك ويضيع البنت من ايدك اهتم بخطيبتك واحرص على مشاعرها واحترام رغباتها واياك والتكلم معها في موضوع زميلك والحديث عنه فالبنت مش عاوزه تذكره وماضي وراح وربنا يوفقكم ويسعدكم وعقبال مانفرح بكم قريبا ان شاءالله