السلام عليكم جميع الاصدقاء ياريت الاقي عندكوا الحل لاني بصراحة تعبت انا اتقدمت لبنت مكنتش نعرفها قعدت معاها عجبتني جدا وبعدها بيوم سافرت وبعدها كلمنا بعض تلفونات ونت لمدة 6 شهور حبينا بعض لدرجة العشق فقلت نخطبها امها طلبت شقة بالقاهرة وفي منطقة معينة يعني حوالي 370 الف جنية علي العلم اننا من بلد ريف انا وهي وعندي شقة فوق بيتنا وجاهزة من كل شيء وهما مصممين علي طلبهم حتي لو هما هيدفعوا ثمن الشقة وانا مقدرش ادفع ثمن شقة حاليا ولا اقدر اتجوز بعيد عن اهلي لاني كبير البيت اعمل ايه البنت متمسكة بيا جدا ومش عارف اتصرف ازاي الرجاء افادتي وشكرا لكل الردود مقدما
اخي العزيز كوتك مش قادر على دفع شراء تلك الشقة التي طلبها اهل خطيبتك وظروفك لاتسمح انك تترك اهلك وتسكن بعيدا عنهم فانصحك بفسخ الخطوبة من البنت دي والظاهر انو اهلها عايزين يجي يسكنوا معاكم وفي الاخريظلوا يزلولك بانهم اصحاب الشقة وانهم اللي اشتروها ودفعو ثمنها وتبدا في عيشة المشاكل والخلافات معهم والتي لن تنتهي وانت تقول معك شقة فوق بيت اهلك وجاهزة خلاص افهم خطيبتك بكلهذا لوكانت فعلا تحبك هنوافق نعيش معك وهتقنع اهلها لكن ظاهر انها زيهم كدا ومتفقة مع اهلها في كل شي بلاش منها واتركها وانهي تلك الخطوبة وربنا بيكرمك بخيرمنها ان شاء الله
طلاما شقتك موجودة فوق بيتكم يبقي مفيش حاجة تعيبك .. وبتقول هما عاوزين شقة وممكن يدفعوا ثمنها اللي عاوز الكحل يتكحل خليهم يشتروها ايه المشكلة واتجوزها فيها وجهز شقتك فوق بيتكم لاي غرض لو حصل خلافات تجيب زوجتك اللي بتقول بتحبكوتكون اتجوزت ومليت ايدك منها حصل مشاكل تجيبها شقتك لكن لو هيدفعوك ثمنها اخلع هو حد لاقي ياكل ف الزمن دا .. وربنا يسعدك
اولا قول لاهل زوجتك انك لاتملك المال الان ودعونا نعجل بالزواج وبعد الزواج الملم فلوس واشترى الشقه
هم اصلا عايزينك تشترى الشقه شكلهم عشان يسيبو الريف ويجو يسكونو معاكم يعنى عاملنك امل ومصلحه عشان يعيشو برا الريف
لو مارضيوس قولهم خلاص شوفو عريس لبنتكم غنى يشتريلها شقه زى دي
صدقنى حيقتنعو وو حيخافو تفركش الخطوبه وحيجوزك البنت
الكلام ده بس لتهديد مش جد
ولا تعبرهم واياك تخليهم يمشوا كلمتهم عليك حتى لو اضطريت تفسخ الخطوبه وهى فعلا لو بتحبك وعايزاك ساعتها مش هيقدروا يفرضوا حاجه عليها ولا عليك لكن هى تكلمك وتقولك خلاص بقى ياحبيب قلبى إعمل اللى اهلى عايزينه عشان الجوازه تمشى ساعتها اعرف انها متفقه معاهم فى كل شئ حتى فى كلامها معاك كل يوم عشان تعلقك بيها..الهدف من ده كله ابعادك عن أهلك ونصيحتى ليك لو أهلك ناس طيبين وهترتاح معاهم خلاص اسكن معاهم ولو كانوا غير كده يبقى أسكن بعيد عنهم احسن عشان المشاكل وقبل ما تفكر تجيب واحده تحطها مع اهلك فى البيت تاكد انها بنت ناس وكويسه عشان متعملش لك مشاكل معاهم