خطيبتي عصبية ومستفزة ومفيش تفاهم بيننا

انا شاب ٢٦سنه وخاطب بنت ٢١سنه بقالنا سنتين مخطوبين اول الخطوبه كنا كويسين جدا اول ٦شهور تحديدا بعد كده بدأت المشاكل تدريجيا كنا ممكن الاول كل فتره مشكله وفضل الوضوع يزيد لدرجه حاليا بقينا بنتخانق يوميا احنا بنحب بعض ومشكلنا بتبقي علي حجات تفها جدا بس هيا دايما محسساني اني مش بحبها دي الاول ولا انا كمان حاسس انها بتحبني ذي الاول الاهتمام قل الاول كنت بتصل بيها كل ساعتين تلاته ولو غبت عنها تتصل هيا واو كنت عبت شويه كتير كانت تقلب الدنيا عليا كنت بفرح بده اوي طبعا ده مع الوقت فضل يقل يقل لغايه ما اتمحا كانت الاول تحب تعمل كل حاجه تفرحني او تلقيها تسعدني دلوقتي بقت في التراوه زي ما بيقولو وده قلقني جدا وفي الاخر ترجع تشتكي هيا من قله الاهتام وانا اتكلمت معاه مليون مره براحه وبلزوق وبلحب بلخناق ومفيش فايده دايما محسساني اني مش فارق معاها لما ازعل منها في حاجه متتصلش بعديه تعتزر او حتي تعمل اي حاجه تلفت النظر لا تسبني انا لغايه ما انا الي اتصل يوم اتنين تلاته ولما اقولها ليه تقولي انت الراجل انت الي تتصل وتسأل وقليل جدا او نادرا هو حصل بس مرات تتعد علي صوابع الايد الواحده انها تعترف بغلطها وتتصل هيا .
عصبيه وبتكلمني بأسلوب استفزازي مع انها مكنتش كده في الاول بحس سعات كتير اوي انها سبب الي بتعمله ده مستكتره نفسها عليا مع العلم اني مش وحش شكلا او مظهرا تعليم اقل منها بس الحمد لله بطور نفسي واتعلمت حجات كتير اوي بره التعليم زيي زي اي واحد معاه تعليم عالي يعني التفكير مقارب لتفكيرها بعرف اجاريها في دراستها وفي وقت الامتحانات مش بسبها ابدا بذاكرلها والله كأني انا الي داخل الامتحان بجبلها هدايا كتير ومواسم ومش بخلي نفسها في حاجه والله لو طلبه للبن العصفور بجبهولها بس عيبي اني بتخنق بسرعه وهيا بتقعد تدوس علي الحته دي بستحمل مره واتنين وتلاته بس بعد كده بنفجر او بتكلم بس طبعا بيبقي بخنقه جوايا وهيا عايزه دايما ابقي الساكت الي يستحمل الي ميضيقش الي ميزعلش وصلت لدرجه اني عملت ده وبقيت انسان بارد بس المشكله انها هيا الي بتنكد علي اقل حاجه اتفه حاجه اخر حاجه انا في الشغل ومعيش رصيد وكنا بنتكلم علي الواتس النت فصل عندها ومش عارف اوصلها تاني يوم تكلمني انت هتفضل كده الاهتمام مش بيطلب وكلام كتير اوي زي الزفت اقولها النت عندك فصل ومعيش رصيد ترد بطريقه استفزازيه المهم علشان مطولش عليكم هيا عايزاني انا الي اعمل كل حاجه وفي نفس الوقت مزعلش من اي حاجه تعملها او اشتكي لانها اصلا مش بتقتنع بإي حاجه بقولها عليها
ايه الحل اعمل ايه
طيب انا علطان ولا هيا كده
انا بقيت اشك في نفسي

مشاكل وحلول ذات صلة

• استخرت الله بحبيبتي وحصلت بعض العقبات
• خطيبى عايز يعمل معايا علاقة وانا خايفة
• هل اعتبر خائنة لحبيبي الحالي
• مضايق ان خطيبتى مش حاسة بيا
• بحب شاب خاطب بنت تانية وبفكر اصارحه
• رجع يتدخل في حياتي وعاوز يتقدملي
• افترقنا وهو عاوز يخطب من اول وجديد