انا يا اخواتى حصل معى مشكلة فى فترة الخطوبة اتمنى انكم تسعدونى فيها وهى عندما طلبت انا اتزوج لم اطلب انسانة كاملة المواصفات بل طلبت الادب والعلم وحدث بامر الله خطوبة بينى وبين فتاة قبل ما اتعرف عليها قولت لاهلى هى مؤدبة قالو نعم طب وتعليمها قالو هى مش كملت تعليم قولت لهم مش مهم التعليم انا مش مهتاج شهادة اهم حاجة القراءة والكتابة وده شرط وسالت والدها عن سبب عدم تكملت التعليم قال هى مش مستجيبة للتعليم يعنى مش حبه وقلت له عن توفر القراء والكتابة قال لى انها تجيد القراءة والكتابة وقلت لها هل تجيدى القراءة والكتابة قالت نعم وقعدت ثلاثة ايام واستخرت اللله وتوكلت عليه وخطبت الفتاه اى نعم شلت فوق طاقتى فى العفش والشبكة بس انا قولت كله راجع لى بدل لقيت وحدة محترمة وتجيد القراة والكتابة طبعا انتم عارفين علشان لو حصل نصيب وانجبنا اطفال تبقى هى المساولة عن تعليمهم وبعد اسبوع من الخطوبة حصل كام موقف من الناس مش عجبنى وسالت الفتاة عن سبب رفدها للتعليم قالت لى لانها(لا تجيد القراة والكتابة) وكذبة على هى ووالدها بعد اسبوع خطوبة انا بصراحة مش عارف اتصرف ازاى خايف اظلمها بس ده مش حاجة هشتريها وتانى يوم ارجعها ده جواز وبصرحة انا مبقتش مرتاح ليه بعد ما كذبة على هى واهلها بالله عليكم قولو لى اتصرف ازاى بس مش اطلع انا الى غلطان علشان انا لو طلبت انى اسيبها هيقولو لى يبقى الشبكة من حقها انت مش ليك حاجة فيها وانا اتخدعت وعايز اجيب شبكتى اعمل ايه بالله عليكم دلونى !
عايز احكي قصة ابن خالي شاب مثلك اراد الزواج واهله اختاروا له بنت محترمة وعلى دين واخلاق لكنها مش متعلمة ولاتعرف القراءة والكتابة فرفض الزواج منها عشان كدا وراح وتزوج فتاة اخرى معها شهادة الدكتوارة وكانت للاسف بلادين ولاخلاق ولاتربية رغم ان اهله عارضوا زواجه من تلك الفتاة ونصحوه ولم يستمع لهم وبعد مرور 3سنوات من زواجهما جاني يشكو حاله معها وانها فتاة مش كويسة تخرج مع رفيقاتها بنات السوء وتدحن وتلبس عاري ولاتتغطي ابدا وكلما تكلم معها تتشاجر معه وتقلب حياته الى جحيم وتحمل الكثير منها حتى لايصغر في عيون اهله والناس وجات الطامة الكبرى اكتشف انها تخونه مع زميل لها في العمل وتخرج معه للاسواق والنادي وذات مرة اخبرته انها بتتاخرفي العمل وظل الشك يطارده حتى ذهب لمقر عملها لاجل يتاكد هل هي موجودة ام لا ولم يجدها فاخبرته احدى زميلاتها انها خرجت مع ذلك الشاب من فترة طويلة وعرف انها كاذبة وتخونه فقرر ان يطلقها وبعدما طلق رجع لااهله ليعيش معهم ونادم على مافعل بنفسه وعلى تفريطه بتلك الفتاة الصالحة المتدينة التي اكرمها الله بالزواج من احد الاثرياء وعايشة في منتهى السعادة والاستقرارفي حياتها الزوجية
يااخي اهم حاجة في الزوجة ان تكون على دين واخلاق وتربية ومن عيلة كويسة هذا هو الاصل في الزواج مسالة انها غير متعلمة او لاتعرف القراءة والكتابة فهذا لايوثر على زواجكما بامكانك تتعلم القراءة والكتابة في خلال اقل من شهر اوشهرين مش عاوزك تظلم البنت حرام قد تكون الظروف اجبرتها على عدم اكمال تعليمها او اهمال من اهلها وحرموها من الدراسة منذ الصغر توكل على الله واستمر معها وتلاقي الخير والرضاوالسعادة والاستقرار معها طوال عمرك صدقني كم من فتاة معها اعلى الشهادات العليا لكنها بلاين ولاخلاق ولاتقدر الحياة الزوجية وحياتها الزوجية فاشلة والعكس صحيح