اخوتى انا اول مرة اكتب ف موقع لحل المشاكل بس انا تعبت بجد ومش قادر
بصراحه انا بحب بنت اصغر منى بسنتين وهى بتحبنى لدرجه لا توصف لدرجه انى بهينها سااعات كتير اوى وبجرح كرامتها وعمرها ما زعلت منى
كفايه انى اصالحها عليها بكلمتين تنسى كل اللى حصل انا نفسى لو مكانها مستحملش نص اللى عملته فيها حتى لو روحى وحياتى كلها متوقفه عند الشخص دة ب اختصار هى بتحبنى بجد بقالنا سنه ونص ع الحال دة
المشكله ان ليها اخت مخطوبه ل شاب اكبر منى بسنه ولكن الشاب دة انا اعرفه اصلا من زمان اوى وكان دايما فيه بينا مشاكل ومش بيحبنى اطلاقا وهو ميعرفش اصلا انى بكلم اخت خطيبته مع انى والله عمرى ما زعلته ولا ضايقته ولا عمرى عاملته وحش ب العكس دنا بحاول كتير اتقرب منه عشان الى بينا وكدة مع انه ميعرفش بس بردو هو يبينلى انه عادى بس هو بيكرهنى وانا عارف ومتاكد وسمعته ب ودانى هو ظروفه الماديه كويسه جدا واحسن منى بكتير اوى هو فى كليه محترمه وعاليه ب الفلوس واانا كمان ف نفس الكليه بس انا تعليم حكومى يعنى هو داخل كليه طب ب الفلوس خاصه انا ف كليه طب بمجموعى وخطيبته اللى اخت اللى بحبها بتحبه وهو مسيطر على عقل ابوها بما انه خطيبته هى الكبيرة واول فرحته ومعندهمش اخوات ولاد وانا دايما بعمل مشاكل مع اللى بحبها عشان ابعد عنها بسببه وهى دايما تقولى ملناش دعوة بيه احنا ممكن نبعد خالص بس متسبنيش وكدة وانا بجد مش عارف اعمل ايه مع العلم كمان ان هو ظروفه احسن منى كتير ماديا واللى بحبها ظروفهم قريبه من ظروفه وهما مستواهم عالى اوى عليا وانا مش عارف اعمل ايه خايف اكون عريس مش مناسب ف نظر والدها خصوصا لما يقارنها بظروف خطيب بنته التانيه الفرق شاسع مع العلم ان اللى بحبها دى ف نفس الكليه الحكوميه بتاعتى ومتوفقه وغاليه جدا عند والدها يمكن اغلى من اختها اللى مخطوبه بجد ساعدونى ربنا يخليكم قولولى اعمل ايه
مشاكل الزواج
خايف اكون عريس مش مناسب في نظر والدها
اضيف بتاريخ: Thursday, February 8th, 2018 في 14:22
كلمات مشاكل وحلول: الحب, بنت, حب, شاب, عريس, مخطوبة
اولا- زعلت منك لما انت تعامل البنت دي كده وهذا حرام هل ده جزاها انها حبتك واعطتك قلبها وفضلتك على كل الشباب اتقي الله في البنت اللي تحبها ولو كنت مش عاوزها صارحها بالحقيقة وبلاش تعلقها بك ثانيا- ترددك في انك تتقدم لااهلها سوف يخسرك البنت ويضيعها منك توكل على الله وتقدم لها واللي فيه الخير ربنا يكتبه لك ولاتستبق الاحداث وتظن تلك الظنون انو ابوها ممكن يرفضك طالما انك شاب كويس ومتعلم وعلى دين وخلاق وترغب في الحلال والبنت كمان تريدك وتقدر على اقناع ابوها لانو مايرفض لها طلب وغالية جدا عنده كما قلت فليه متردد وخايف كلهذا الخوف ثالثا- مالكش دعوة بخطيب اختها الكبيرة وانو في مشاكل بينكما فده لن يقدم او يؤخر في شي والكلمة الاولى والاخيرة هي لاهل البنت ابوها وربنا يجعلها من نصيبك ويؤفقكم ويسعدكم