مشاكل الزواج

امي ترفض الموافقة على زواجي من حبيبتي

اضيف بتاريخ: Tuesday, March 6th, 2018 في 23:35

كلمات مشاكل وحلول: الجامعة, الحب, الخطبة, الزواج, حب, زواج, شاب, فتاة

3 رد to “امي ترفض الموافقة على زواجي من حبيبتي”

1. ابوالبتول

   

   27/08/2018 at 21:26

   مع احترامي لراي الاخ محمود في رده على مشكلتك دي الا انني اخالفه كثيرا ولااتفق معه في ماقال وسوف تجد الجواب الشافي لحل مشكلتك هذي في ردي الثاني اتمنى لك كل التوفيق والخير والسعادة وحسن الاختيار
2. ابوالبتول

   

   27/08/2018 at 21:18

   شوفي يااخي الفاضل المثل يقول – اكبرمنك بيوم يعرف عنك بسنة- وفي مثل اخر يقول- اسال مجرب ولاتسالش طبيب- والست الوالدة امك ربنا يحفظها لك اعرف منك في دي المسائل راحت لبيت اهل البنت وشافتهم وتقول ان البنت حلوة وجميلة لكن المشكلة فين في اهلها مارتاحتش امك لام البنت وده بيحصل كثيرا في العائلات يمكن حضرتك شايف ان البنت كويسة جدا ومحترمة وخلوقة لكن اهلها غير كلدا وده يااخي جوازه مش لعب عيال لازم تكون العيلة اللي تناسبهم كويسين وسمعتهم كويسة جدا ولاعندهم طمع وغرور ولايفكروا بالشكل ده اللي قالته امك عنهم من رايي انك تطيع الست امك وتكسب رضاها وتسمع كلامها وتصرف النظر عن البنت دي صدقني لاني مريت بمثل هذة التجربة في حياتي وعاندت اهلي وتزوجت من البنت اللي كنت احبها وفكرت انها هي الزوجة المناسبة لي وفي الاخر كانوا اهلها مثل اهل البنت صاحبتك قلبوا حياتنا الى جحيم ومشاكل لاتنتهي مماادى الى الطلاق بيننا بعد 2سنين من الزواج ولااريدك ان تكرر هذة الماساة ويحصل لك مثلما حصل معي اهلك هم الباقين لك وعمرهم مايتعوضوا لو خسرتهم لكن البنت تتعوض وهتلاقي احسن منها الف مرة والمستقبل قدامك وتلاقي بنت الحلال اللي تستاهلك وتسعدك طوال العمر والزواج في الاخر قسمة ونصيب ربنا يؤفقك ويسعدك
3. mohamed

   

   07/03/2018 at 07:57

   انا عايز اكلمك بصراحة بس يريت تحاول تفهمني .. انا لو ليا ام قالتلى كدا ..”امى شخصيا مش هتقول كدا” هقولها اخطبيهالي وملكيش دعوة , لأسباب كتيرة ! اولها ان احنا بشر مبنعرفش الغيب ووالدتك لما قالتلك كدا هيا مستخرتش ربنا الاول وقررت من نفسها , بص انا شفت ناس كتير اهاليهم ادخلو فى جوازهم بالطريقة دى بس بعد مكبرو وندمانين .. لانى ياما شفت مخطوبين او متجوزين فى اول حياتهم في خلافات ياما مبينهم بس مع الوقت المشاكل بتخليهم يفهمو دماغ بعض وبيرتاحو مع بعض .. فى المقابل اتنين طول فترة الخطوبة منسجمين اوى بس مخبيين جواهم عيوب مقرفة طلعت عليهم بلا بعد الجواز .. وانا والله العظيم اما يجيلي صاحب خاطب يحكيلى على مشكلة مقدرش اقولو سبها لانها كلمة فيها مسؤولية كبيرة وانا فعلا معرفش! انا انسان مش شايف الغيب على اساس ايه هقولو سبها ؟ جدتي مثلا قالت لأمى على عريس “لو خدتيه انا مش هدخلك بيت” وسبحان الله ! .. ابويا لما اتجوزها حصلت مشاكل بينه وبين جدتى ومدخلهاش البيت لحد مماتت !! .. فعامة انا شايف ان والدتك حطتك فى موقت صعب بشكل متسرع مع احترامى يعنى .. بص انا اعتراضى على اسلوب الرفض بس انا مش بقول انها غلطانه هيا عندها وجهة نظر , بصراحة الاهل الغير مريحين متعبين اوى ..لكن مينفعش ننهى الموضوع من اولو ولسا ملوش ملامح مين عارف مش جايز الخير فيها ؟ ليه تنهى الموضوع بتسرع ؟؟ مهو معلش يعنى ربنا عمل فترة الخطوبة اصلا ليه ؟ مهو عشان تعرف هل هتعرف تتعايش ولا لا مش فترة صرمحة هيا وخلاص ..بص انا رأيي تكلم والدتك تانى وتقنعها انك هتخطبها بس وهتطول فترة الخطوبة شوية .. والله لقيت البنت ليها شخصيتها وقرارتها الكويسة اللى تقدر تحددها معاك هتبقى حاجة كويسة جدا , اكيد طبعا هتسمع لأهلها فى حاجة او اتنين بس لو فى المجمع تقدروا تمشو فى الطريق سوا كمل يا حبيبي ليه لا؟؟ .. وبعدين قبل منسي لازم لازم لازم تصلى استخارة ومش واحدة .. عمر ابن الخطاب رضى الله عنه كان بيفضل شهر يصلى استخارات قبل القرار عشان زي مبقولك احنا منعرفش الغيب .. والاستخارة دى وهتقلبلك الدنيا على بعضيها وفى الاخر هتوصلك للى فيه خير ليك .. ربنا يوفقك ويارب تكون فهمتنى ..