انا عندي مشاكل كتير من يوم متجوزت من سته سنوات بين اهلي وزوجتي واعترف ان مشاكل اهلي اخدتني من زواجي اهتميت بمشاكلهم اكتر من بيتي ومن مراتي وصلنا لمرحلة اطلقنا فيها وبعد الطلاق حسيت اني عاوزها ومقدرش استغني عنها لاني بحبها مشفتش ولا حسيت بده الا بعد الطلاق هي كمان بتحبني قوي وعاوزاني بس مترددة في الرجوع مشاكلي انا اني غيور جدا لدرجة الشك رغم ثقتي فيها مبقدرش امنع نفسي اني اخنقها لان شغلي بره مصر بقعد عدة شهور واجي شهر كل شوية كنتي فين قابلتي مين متكلمتيش مع حد مين اللي مسجلاهم علي الموبايل مش عاوزها تخرج الا معايا مش عاوزها تجيب حتي حاجة او تعمل حاجة في البيت الا وانا موجود من الاخر عاوزها محبوسة لحد مرجع اجازة عشان ابقي مطمن اكتشفت كل ده بعد الطلاق وصارحتها بكل ده فعلا بس هي خايفة من الطلاق تاني وخاصة اني ساعه الطلاق اهنتها في شرفها بغير وجه حق بس كانت اعصابي تعبانة جدا ومتوتر ومبقتش عارف بعمل اي ولا بقول اي مهم وصلنا انها حتعمل عمرة بعد ما اسافر عشان تستخير ربنا فيا غروري تقريبا هو اللي مش مخليني متقبل الوضع ده مع انه كويس ليا قبل منها مش قادر اتقبل وسئلت نفسي عرفت اني محتاج برده اعرف كل حاجة عنها مش عاوز تفضل مش علي زمتي ومقدرش اعرف منها حاجة برده مصر اخنقها محتار تعبان نفسيا جدا قدامي في مصر اسبوع واسافر وارجع في شهر تسعه مش عارف حقدر استحمل كل ده من غيرها من غير متكون مراتي من غير معرف اخبارها مش عارف مع انها وعدتني انها حتكون علي اتصال بس انا كنت مستني بعد مصارحتها باخطائي ووعدتها باني حتغير انها ترجعلي علي الرغم اني معترض علي بعض تصرفاتها بس قولت لما اتغير انا وابقي كويس معاها هي كمان حتحاول ترضيني مش عارف اعمل اي
