مشكلتى انا بقى انى بحب بنت جدا هيه بتحبنى برضه واتخطبنا والحمد لله هتقولى جميل وفين المشكله هقولك انا بقى المشكله ان الدنيا مش عارف معاندانا ولا ايه واتقفلت مره واحده كده ومشكلتى انى نفسى نتجوز فى اسرع وقت خلاص منها لله الفلوس اسؤ اختراع وف مصر الحياه عجيبه يااما تلاقى الى معاه معاه بزياده قوى وتسمع ملايين ومليارات متعرفش هيلحقو يصرفو الفلوس دى فين وامتى يااما الى معاه معاه الستر مفيش وسطيه خالص مش عارف الدنيا دى مبقتش فاهمها خالص ياريت الى فاهمها يفهمنى (بين الناس)
فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا ، يُرْسِلِ السَّمَاء عَلَيْكُم مِّدْرَارًا ، وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا (سورة نوح)
ادع فما لك إلا الدعاء . و لا يدري المرء أين خيره فلعل الله يخبئ لك ما هو أحسن.
شوف يااخي مشكلتك انت وخطيبتك ليست الاولى ولا الاخيرة فكثيرا من الشباب في مصر يعانون منها وللاسف الشديد بسبب الاوضاع الاقتصادية المتازمة وظروف المعيشة والبطالة وقلة الوظائف في البلد انت الان خطبت والف مبروك يابن الناس وربنا يتمم لكم بالخير ان شاء الله عايزك تتشطر وتبقى راجل وتجهزنفسك للزواج من دلوقت مايمنع انك تسافر برا مصر لاجل البحث لك عن فرص عمل مناسبة وتتحمل الغربة وتكافح وتصبر من اجل ترجع مصر وتتزوج من حبيبتك اللي منتظره رجوعك بفارغ الصبر كلها 2-الى 3سنوات وتكون جاهز ومستعد للزواج وتحمل اعباء الحياة الزوجية اعمل زي اخوك العبدلله تزوجت بنفسي واعتمدت على روحي واشتغلت وتغربت وكافحت حتى الحمدلله اكرمنى بالزواج من بنت الحلال اللي كنت خاطبها وعمري ما كسلت او انتظرت مساعدة من احد فلان او علان ابدا اعتمد على روحك واستعن بالله عزوجل وتوكل عليه وكافح واجتهد في هذة الحياة وربنا معاك ولن يخذلك او يضيعك ابدا تحياتي لك وتمنى لك كل الخير والتوفيق والسعادة