بسم الله الرحمن الرحيم
انا شاب عندي 23 سنة لسة في كلية كنت بحب بنت من تاني سنةة في الكلية بس هي اكمنها جميلة جدا كان عندي تردد دائم انها مش حتوافق خصوصا انها مكنتش بتكلم حد اوي وانا كمان كنت مرتبط الاول بعدها سيبت البنت الي ارتبط بيها مع انه كان قصة حب قوية جدا بس لان الانسان بيحب بجد سيبتها وحبقي اكتب سيبتها ليه تحب المهم انا فضلت ماشي في الدنيا دي لوحدي لحد اما حصل ظروف عرفتني علي البنت الي زي القمر دي المهم بقينا اصحاب بجد بنت تقريبا كاملة متدينة تقريبا وفيها كل صفات الي بيحلم بيها اي شاب من الجمال والادب وطريقة التفكير المهم المشكلة دلوقتي خايف ارتبط بيها خصوصا اني فاضلي سنة في الكلية يعني لسة مكونتش نفسي والله اعلم ممكن كمان البس 3 سنين جيش يعني حعطلها معايا خصوصا انها اصغر سنة نفس سن حبيبتي القديمة الي سبتها لنفس السبب انها فضلها سنة والحياة حتبقي احلي لو سيبتها اه حتشتمني شوية بس كدة احسن ليها انها ترتبط وتتجوز انا مش بارد بس بردو بفكر لو دي اختي يبقي الاحسن لها انها تتجوز بدل متستني كان بتاع 5 سنين ولا حاجة بس هي متعرفش اكيد عشان كدة زمانها بتسب ميت تيت والاعمال بنيات المهم البنت دي بجد حموت وانها تعرف بس اني بحبها وممكن اعمل اي حاجة عشانها بس انا عشان قررت اني مكلمش اي بنت في حب غير في خطوبة يعني لازم يبقي حب رسمي عشان محدش يزعل من حد في الاخر وفي نفس الوقت انا مش جاهز للخطوبة يعني معيييش حتي اكل نفسي عشان اجيب شقة اه ولدي ممكن يساعدني في كل حاجة بس انا كمان مقدرش اروح اخش بيت ناس واطلب ايد بنتهم وانا باخد مصروف وانا كمان عارف ان البنت دي مبتتعترفش بلحب وكلام المراهقين ده انا كمان زيها بس اعمل ايه نفسي حد يقولي اعمل ايه اروحلها واقولها اني معجب بيها وزي متيجي تيجي طب ولو وقبلت الحب الحب ده اخريته ايه ولو اتقدمتلها حتستني 4 سنين طبعا الاولي كانت حتستي 7 فحاستحرمت فسيبتها وال4 سنين كتير اوي في نفس الوقت مش قادر اخش اكلمها في الموضوع وانا مش جاهز وبصارحة تعبت مش عايزها تضيع مني مش عارف يا ريت حد يقولي اي رد بس يحط نفسه مكاني وبجد لو حد قالي متقوليش حاجة لها عشان سبب مقنع انا حقتنع ان شاء الله
مشاكل الزواج
بحبها وخايف تضيع مني بس مش جاهز
اضيف بتاريخ: Thursday, May 31st, 2018 في 08:00
كلمات مشاكل وحلول: الخطوبة, الكلية, بنت, حب, شاب, قصة حب
انت شاب كويس ومحترم وتفكر بعقل ومنطق احيك على هذة الاخلاق ودي التربية اللي انت عليها لكن مايمنعش انك تصارح البنت بحقيقة مشاعرك لها ورغبتك الجادة في الارتباط بها واترك الباقي على ربنا عزوجل طالما انك تريد الحلال فصدقني ربك سوف يسهل الامور عليك ويؤفقك ولاتتردد ابدا في مصارحتها بحقيقة مشاعرك الصادقة لانو البنت هتعرف منين انك تحبها ومافيش بنت تقولك انها تحبك من نفسها سوا من خلال نظرات الاعجاب بينكما لازم تكون المبادرة من الراجل ده الصح اللي مفروض تعمله اماترددك هذا فسوف يضيع منك البنت فعلا وممكن يخطبها احد تلاقي نفسك في دوامة من الحرمان والعذاب بضياعها منك لو فعلا تحب البنت صارحها بحقيقة مشاعرك ورغبتك في التعرف على اهلها علشان تطمن انك مش بتلعب زي الشباب الاخرين مايعملوا مع البنات وهي تكلم اهلها امها او ابوها وتقول لهم في شاب زميلي في الكلية عاوز يجيكم ويتعرف عليكم وهم عارفين الباقي واللي فيه الخير ربنا يقدمه لكم ويجعله من نصيبك ومسالة 4سنوات ماتفرقش تقدروا تعملوا خطوبة وتكون خلالها خلصت خدمة في الجيش وكونت نفسك وتزوجتم وربنا يؤفقك ويسعدك ان شاء الله