انهردة حبيت اتطرق لمشكلة كبيرة والاكبر ان محدش شايف انها مشكلة لكن فعلا دي مصيبة ان ليه دائما الشباب لما تيجي تتجوز بذات في مصر تاخد بنات اقل منهم تعليم واقل في الغنى ليه؟ ليه الشاب من دول مياخدش واحدة في نفس الغنى وفي نفس المرحلة التعليمية يعني الغني للغني والفقير للفقير وكمان في شباب كتير بيبصو للجميلة مش مهم الباقي. مش مثلا اخد واحدة فقيرة واعد صرف ع اللي جابوها وعليها ولا هيا تاخد واحد فقير وتعد تصرف عليه ايه وجهة نظركم انتوا؟؟
عايز الجد اغلب الشباب في مصر مايفكروش في الجواز ولا عاوزين تحمل المسوولية من اصله مقضين حياتهم في اللهو والصياعة والمعاكسات والتحرش وتعاطي الحشيش والبرشام مع الاسف د ا حال الغالبية من الشباب اليوم ويتعذرون بحجج واهية كغلاء المعيشة والمهور الخ مماجعل البنات يرفضن الزواج منهم ويفضلن الزواج من جنسيات اخرى سوا كان خليجي او اجنبي من بلاد بره المهم يكون مقتدر ماديا ومش مشكلة عندها فارق العمر او على دين اخر حتى المهم انه ميسور الحال ويوفرلها الحياة السعيدة اللي تحلم بها اعرف شباب مصريين عندهم اعلى الشهادات الجامعية وتجد الواحد منهم تجاوز سن 35الى 40 ولسه ماتزوج وعندما تساله ليه ماتزوجت لحد دلوقت يقولك وفين بنت الحلال مع انه يضع العراقيل امام طريق جوازه من غير مايدري اما يريدها موظفة او ملكة جمال او عندها فلوس ومايهتمش بالاصل في الزوجة انها تكون على دين وخلاق ومن اسرة محترمة
انت بكدا تظلم كل الشعب المصري وعايزك تعرف ان الفقر والغنى ده شئ بيد الخالق عزوجل جعله في الحياة بين الناس وهذا لحكمة يريدها الله عزوجل لاجل يعطف الغني على الفقير ولاجل يشتغل الفقير ويبحث له عن مصدررزقه بالحلال والزواج احد اسباب الرزق في الحياة يجد الشاب والبنت فيه الستر والعفاف وتكوين الاسرة وبناء اجيال تعمر هذة الحياة ولاهو حرام ولاعيب ان الشاب الغني يتزوج بنت فقيرة طالما انها بنت حلال كويسىة وعلى دين وخلاق واهلها ناس محترمة كذلك الشاب الفقير يتزوج من البنت الغنية طالما انها محترمة وعلى دين وخلاق بغض النظر عن موهلات التعليم والفوارق التعليمية المهم النصيب ماحدش عارف نصيبه فين ولا مع مين اتمنى تكون وضحت لك الصورة واقتنعت بكل ماقلته لك والله الموفق