بحبها ومش حستحمل تكون لغيرى

السلام عليكم ورحمة الله وبركاتة … انا شاب مصرى ابلغ من العمر 22 سنة فاضلى سنة واتخرج ابقى مهندس كمبيوتر …انا بحب انسانة مش مصرية تبلغ من العمر 20 سنة مهما قولت ومهما وصفت مش حقدر ققولكوا انا بحبها قد اية لقيت فيها كل حاجة بتمناها على خلق عالى وبنت ناس ومحترمة جدا لقيت فيها كل حاجة بدور عليها من جمال وادب واخلاق وبتصلى وعارفة ربنا وخلتينى اصلى واعمل حاجات كتير حلوة وبتخاف عليا وعلى مستقبلى التعليمى والوظيفى اكتر ما انا بخاف علية ومعاها وصلت لحاجات كتير حلوة بفضلها بعد ربنا طبعا واهلى بيبحبوها جدا والدتى بتعبرها زى بنتها واكتر وبعض من اهلها يعرفونى وبيحوبنى كتير الحمد لله دى حاجة من عند ربنا …انا متفق معاها على كل شئ وهيا مريحانى جدا عمرى ما حسيت انها طمعانة او بتحبى عشان مصلحة بلعكس حب صادق وخالى من اى شوائب وموافقة انها تيجي تعيش معايا في بلدي المهم تكون معايا في اي مكان بس المشكلة دلوقتى انى متفق معاها انى اول ما اخلص السنادى حاجيلها واتقدملها رسمى ان شاء الله بس حصل حاجة فى واحد اتقدملها ومامتها موافقة علية فهيا كلمتها قالتها معاكى لحد شهر واحد لو مجاش خلاص مع انها قاليلها تديها سنة ولو انا مجتش تعمل الى هيا عوزاة بصراحة انا تعبان جدا ومخنوق وبدعى فى كل صلاتى انها تكون من نصيبى مش نصيب حد تانى …معلش طولت عليكوا بس ياريت تعطوني حل اعمل ايه ولا هيا تعمل ايه؟؟؟؟؟!!!!!!!!!

مشاكل وحلول ذات صلة

• احببته ولكن عاداتى وتقاليدى ضد استمرار علاقتنا
• تعبت ومش قادره اقبل اي عريس يجيلي
• بحب خطيبي لكن الماضي شاغلني
• بنحب بعض بس خايفه منكملش سوا
• زعل مني وقاطعني وانا تعبانة من غيره
• خايفة من اخرة الحب والارتباط على النت
• هل اكلم اخو حبيبتي واقنعه بجدية علاقتنا