مدمر نفسيا و زهقت من الناس

بسم الله الرحمن الرحيم
انا اسمى **** 22 سنه فى كليه تربيه نوعيه فرقه تالته حاسب الى الاول انا شاب هادى جدا جدا جدا مليش كلام مع حد من وانا صغير لانى كنت فى قريه وانا متحضر شويه عنهم فا من وانا صغير متعود على كده حتى قرايبى مكنش في حد فى سني بس لما دخلت الثانوى عرفت 3 شباب واتخدعت فيهم وبرده مكنتش معاهم على طول علاقتى بالبنات كانت مفرفوضه تماما بس جيت فى 3 ثانوى عرفت واحده معلش طلعت زباله اخلاقيا واكيد فاهمنى دخلت الكليه وبقيت فى أولى وبرده نفس النظام مكونتش صداقات لانى خلاص فهمت الناس كويس جدا جدا جدا بقيت مش بروح على طول زهقت منها فى أول سنه ليا عدت السنه وانا معرفش حد معني اصح متكلمتش مع حد جيت قلت لانفسى لازم انجح ولو مش عايز اعرف حد وجيت الدفعه الجديده لقيت فيهم روح المشاركه شويه كنت عملت جروب للدفعه وشويه والكل اتقلب عليا مره واحده وعملوا جروب تانى وفعلا بعت انضمام ليه وشويه وطلعت منه بس حاليا مش عاييزين يضيفونى فيه فى اولى ال عدت السنه فيها كان واحد بيقولى تعالا معايا فى بنتين عايزينى اشرح ليهم حاجه ومكسوف اشرح ليهم لوحدى تعالى معايا رحت ويا رتنى ما رحت حبيت بنت منهم اتعرفت عليها عادى وشويه بقت بتعاملنى اخوها الكبير وكنا بنتكلم الليل كله ممكن من المغرب للفجر ولو قلت ليها انى بحبها الثقه هتروح وعلاقه هتدد وكده ال كان قالى تعالى اتفقت معاه نعمل حوار عشان تعرف انى بجبها رغم انها عارفه من عنيا بس رفضت ف الاخر رغم الاحترام الكبير ال بينا ولسه احيانا بتهتم بأخبارى ..بس انا معتش بكلم حد نهائى لوحدى تماما مليش اختلاط بأى حد فى الدنيا ((انا ناس كتير حاقدين عليا رغم ان فى ناس كتير فى الدفعه بنات كانوا بيحتاجونى فى شرح مواد وصلت لاشرح لى 12 بنت فى الكليه والشباب طبعا الشاطرين مضايقين منى ))
كنت عرفت بنت كنت بتكلم معاها على موضوع الحب ده فانا حبتها بس دلوقتى وصلت انى اانا معتش عايز حد نهاااائى لانى فهمت النااااس كلها وهحاول اتأقلم لوحدى بشتغل عامل ب 60 جنيه عشان اصرف على نفسى ايام الكليه ده غير ان فيه مشاكل عائليه كبيره جدا جدا جدا
واخلاقى كويسه والناس كلها بتحترمنى شخصيا ايا كان بس تعبى وهمومى فى يوم مشيت لقيت فرح شعبى دخلت فيه وقمت جايب بيره وشربت لحد لان كان مشكله فى البيت ومزاجى وحش وبرده قريب كان عارف واحد بيجيب بانجو خدنى معاه وشربت بانجو مع انى مش بشرب سجاير انا زهقت من الناس كلها الحل ال انا عايزه اعبد واعيش بعيد عن الناس كلها بس عايزه طريقه للتجاهل وطريقه للنسيان وطريقه للاستقامه ؟؟ انا بصلى بس مش ع طول ومش بعرف انام الا بالقران
يا ريت حلول منكم

مشاكل وحلول ذات صلة

• لو كان فعلا بيحبنى ليه كلم البنت التانيه
• بحبها ومستحرم اكلمها بسبب اخوها
• ابن عمتى بيحبنى جدا والمشكلة من ماما
• صاحبتى تعبت من تانيب الضمير
• كيف اعرف انه يحبنى وهل اجيب ليه هدية ولا اطنش
• بيحبنى لكن هيضيع مستقبلى
• بحب بنت معايا في الكلية وخايف تضيع مني ..