مشاكل الشباب النفسية

اصابات جسدية سببتلي اليأس من الحياة

انا مشكلتي من اول ما فتحت عيني في الدنيا وانا عندي حرق بكامل ذراعي وايدي اليمني وكان مسببلي مشاكل نفسية شديدة والدكتور ساعتها قال لأهلي انه مع الوقت هيروح واهلي صدقوه وكل ما الوقت بيعدي وانا مستحمل علي امل لغاية مكبرت وبدات افهم وادرك العالم من حولي وقولتلهم اني عايز اروح لدكتور تجميل الكلام ده كنت في تالتة اعدادي و رحت دكتور نصب عليا واهلي عندهم جهل بالطب المهم شوهني اكتر ما كنت لدرجة اني مش قادر اكشف ايدي قدام اي حد في حين اني قبل كده كنت الي حدا ما بقدر البس نص كوم دلوقتي بقي من المستحيل اني اكشف ذراعي اليمين مما اضطرني اني علطول بلبس هدوم كوم شتا صيف واتحرمت من حاجات كتير في حياتي وافقدتني ثقتي بننفسي ومش عارف اعمل ايه ورحت لدكاترة تجميل كبار قلولي اني محتاج اكتر من عملية وتكلفتها كبيرة جدا علينا واحنا اسرة متوسطة مش عارف اعمل ايه وعندي احساس بالياس من الحياة وان حياتي ملهاش معني وخايف ده ياثر عليا في الزواج وان محدش يرضي بيا انا دلوقتي شاب في سنة رابعة في كلية قمة واغلب الناس متعرفش اللي حصلي وانا مبتكلمش مع حد في الموضوع ده بس قاريبي بيلحظو اني دايما بلبس كوم عالطول وساعاتع بيسالوني برد عليهم باي حاجة وببقي محرج جدا منهم قولولسي اعمل ايه علشان انا خلاص وصلت اني بدعي ربنا انه يفتكرني علشان استريح من الحياة اللي بتعذب فيها دي ومش عارف اعيشها علشان في حاجات عندي الامكانية المادية اني بعملها بس مبقدرش بسسبب ظروفي النفسية من الحرق