انا شاب عمرى 19 سنة اهلى كانو قافلين علية من صغرى مشع ارف اصاحب حد من صغرى حتى فى الدراسة بكون فى حالى اتبهدلت فى حاياتى كثير ضعيف الشخصية حاولت كثير اصاحب حد ماحدش عاوز يصاحبنى حتى اقاربى ماليش اخوات حتى مع اهلى مافيش مجالات اتكلم فيها مشعارف اعمل اية حاولت كثير احتك بحد فى المعهد لاكن الناس كانو بيتجنبونى مشعارف اعمل اية.
مشاكل الشباب النفسية
انطوائي ومش عارف اتواصل مع الناس
اضيف بتاريخ: Friday, July 22nd, 2011 في 16:43
كلمات مشاكل وحلول: مشاكل الشباب, مشاكل الشباب النفسية
اولا قول يااااااااااارب قدرني علي مصاعب الدنيا وما فيهاعلي فكره مش انتا لوحدك الي كده اغلبيه الناس تعبانه نفسياالمهم حاول تطلع من جو الوحده والكابه ابصط حاجه تعملها اطلع شم هوه وفكر مع نفسك شويه انا ايه الي خلاني كده وقول لنفسك انا هغير من نفسي باالفعل انا هاخد خطوه وهتحده صعوباط الدنا دي كلها مهما حصل وانسا الجو القديم الي كنت عيشو وربنا معاك طول منتا بتلجالو حل مناسب حسب التصويت وانت ما هوه رايك
التواصل مع الناس شي محبوب وجميل والحياةلاطعم لهابدون الناس ولاتسمى حياة اجعل لك اصدقاءوزملاء تزورهم ويزورك وتخرج معهم ويسالون عنك وتسال عنهم واحذرمن العزلةوالانطواية تسبب لك الامراض والاكتاب وقد تدمرحياتك وفتش عن الخلل قديكون فيك انت مش في ناس وتداراكه واعمل على تحسين ظروف حياتك وتغييرنمطها للافضل وربي يوفقك ويزيل عنك ماانت فيه
هى القصة ومافيها ان ليك وجه نظر بس مش اكتر يعنى مش بتكلم حد مالكش كلام معاة طبيعى ومش بطول فى الكلام خير الكلام ماقل ودل ؟بس فية ابتسامة عادية فية احترام للاخر فية سؤال وفية اجابة .وبالنسبة لصحابك مش ترمى نفسك على حد انو يصاحبك مفيش حد من غير صحاب استحالة بس يريت تكون مستقل بذاتك ولو مفيش كلام تتكلم وعايز تتكلم وخلاص لتحسين وضعك صدقنى فكر كويس يا يكون موضوع مثير ومش فية تناقض كتير لو كدة اتكلم غير كدة السكوت احسن كده تحافظ على نفسك شوية وبعدين مش دورك انك تتكلم على طول مش انتة المندوب بتاع صحابك وتكون اجابى فى مشاكلك ومشاكل اى حد يهمك وتود الا تعرفو بكلمة مش اكتر مش تنفض وتقعد ماتكلمش فلان سنة مثلا وبعدها عايزه يشوفك ياخدك بالحضن فية ناس انته لازم تسئل عنهم وفية ناس لازم هما يسئلو عنك مش تخلطالامور ببعضها ومفيش حد كامل الا محمد عليه افضل الصلاة والسلام انى بعثت لاكمال مكارم الاخلاق محمد ابن عبدالله صلوات الله علية
السيد المحترم جد لنفسك عمل ولو بسيط ليكون لك دور فى المجتمع وستجد الناس تود ان تتقرب منك ولاكن اياك والكبرياء لاانك ستهد ما بنيته
هقولك انا عن نفسى فى نوعية من الناس بتجاهلهم ومش بحب اصاحبهم .. ازاى .. لو هتصاحب ناس يا اما تبقى زى دماغهم يا اما تفك منهم .. يعنى متصاحبش حد صايع اوى وتعمل فيها المنصح الامين اكيد هيتخنق منك والعكس صحيح .. تانى حاجه لازم تكون مميز يعنى اعمل مواقف جريئه مع اصحابك خليك جدع معاهم اى حد منهم فى مشكله خليك اول واحد يقف جنبه .. الخلاصه راجع نفسك اوقات كتير بنكتشف ان المشكله اصلا فينا .. واخيرا الانطوائيه مش دايما عيب اوقات كتير بتكون ميزه .. خلى كلامك قليل فى المفيد .. متبالغش فى انفعالاتك .. ومتاخدش الدنيا افش ..صدقنى هتجيب نتيجة معاك
اشر كل من ساهم فى حل المشكلة بس انا عاوز اوضح المشكلة اكتر المشكلة انى مشعارف اصاحب مش لاقى حد اتكلم معاة مش عارف اتواصل مع الناس ياريت حل للمشكلة الصحاب بيبيعوا بعض لاكن انا عاوز اشترى صديق شكراا
السلام عليكم ورحمة الله وبركاته
بص أخى الكريم عشان تطلع من الحالة إللى إنت فيها مش هاتيجى مرة واحدة
عايزة صبر منك لإنك إنت زى ماتكون وقعت فى حفرة تتعب عشان تخرج منها
لازم تعرف إن ناس كتير حصل معاهم نفس إللى حصل معاك
ولازم تعرف إن ده مش مرض نفسى ولا حاجة دى زى مثلا إنت حاجة مش متعود عليها
عشان تبقى إنسان إجتماعى لازم تكون إنسان اولا واثق من نفسه جامد جدى
تانى حاجة بقى ماتخليش الوحدة إللى إنت كنت فيها تخرجك من الواقع لأن ده شئ فيه خطورة على تفكيرك
بص للحياة بشكل حلو طول مانت ليك رب وهو الله سبحانه وتعالى فعيش متفائل لان ربك رحيم ولطيف وكريم
ما تتعقدش مثلا من موقف حصل معاك أو أو أو
طبيعة الناس تفكيرها بيتغير عنك لما إنت بتتغير
بص خليك قوى ماحدش يهمك فى الدنيا دى غير ربنا يعنى تخاف منه وحده بس وتعمل لربنا عدد لا نهائى من الحسابات
ومالكش دعوة برضك من كلام الناس عيش على طبيعتك نهائيا تماما
وتوكل على الحى الذى لا يموت فى كل شئ إنت هتعمله
معلش هتاخد معاك شوية وقت بس هتحس بالسعادة لما تخف وهتشوف الفرق وإن شاء الله إللى فيه الخير يقدمه ربنا سبحانه وتعالى
والسلام عليكم ورحمة الله وبركاته
ركز في كليمات الاغنيه دي هتستفاد منها كتير وربنا معاك متحاولش تبقى اى حد تانى غير نفسك
YEAH
دور بنفسك جوا نفسك
متكسلش قوم قلب و دور هتلاقى ميزتك
صدقنى هـ هـ هتلافى ميزتك
دور بنفسك جوا نفسك
متحاولش تبقى حد تانى غير نفسك خليك واثق فى نفسك
قوم دور بنفسك جوا نفسك هتلاقى حاجة محدش فيها هينافسك
متحاولش تبقى اى حد تانى غير نفسك
دور بنفسك جوا نفسك متكسلش وقوم قلب ودور هتلاقى ميزتك
ميزتك فى صوتك او فى رسمك
متستبعدش تبقى ميزتك حركة بيعملها جسمك او فكرة fantastic فى مخك
ممكن تكون كمان مميز فى الطب والحساب او ميزتك نفسك فى طبخك
ممكن ميزاتك تطلع فى لوحة او كتاب ممكن تكون ميزتك لياقتك
ميزتك انك قلب ميت تقدر تضرب كل الناس ( بادى جارد )
او تكون ميزتك سياستك
ميزتك انك رومانسى ومأفور فى الاحساس او تكون ميزتك فراستك
ممكن ميزتك تكون قلب ابيض او حنون ممكن تكون ميزتك حماشتك
فى ناس تعرف تفصل لبس الناس بكل احساس مهما كانت خامة قماشتك
وناس بضربة فاس تحول تربة قلقاس (او اناناس) بفضل ربى مش بفضلك
ولو فى يوم لبس قضية فى ناس ميزتها هى (هى ايه ) ميزتها انها تجيب برأتك
بس ركز فى اللى جى
لا ركز
محدش عجبه حاله حالة غيره اللى بتحلاله
دايما شرقى بيغرب وايسر نفسه يبقى ايمن
التخين بيخسس والتانى رفيع نفسه يبقى يتخن
اسمر بيفتح ابيض نفسه يبقى بلاك فحما
من خلفله بنت بيزعل نفسه يخلف واد
ايون ايون ايون
انسى انك ترضى بحالك دايما عاجبك حال الغير
مهما تكون حالتك دايما باصص للتغير
صدقنى لو بصيت جواك هتلاقى ياما كتير
قدرات مميزات ان كنت غنى او فقير
متقللش من نفسك ده انت لنفسك طاقة غير
هتحقق اللى فى نفسك واللى يمسك خلية يطير
ارضى ياابن ادم باللى اتقسم عليك
ولاونى عارفك مش هترضى غير بتراب فى عنيك
ربك ميز كل واحد منا بحاجة
فالناس فعلا لبعض دايما محتاجة
دور والقى ميزتك حاول حافظ عليها
طورها اتميز بيها حياتك هتلاقيها
فى الاول ماشية صح طول ما انت راضى بيها
ارضى بحياتك انت واقبلها باللى فيها
ده الرضى نعمة كبيرة احمد ربك عليها و خدها منى كلمة مافى حاجة بتساويها
حد يترجملى بيقول ايه الواد ده
اني اقولك عيقول متحاولش تبقى حد تانى تانى غير نفسك
خليك واثق فى نفسك واء ولا
قوم دور بنفسك جوا نفسك هتلاقى حاجة محدش فيها هينافسك
سواه سواه واه واه يا بوى
لو ملكش عازة مكنتش اتخلقت ولا اتحسدت من الناس ولا اترزقت
بص يا ريس هى كلمة ورد غطاها بس معلش استحملنى اصلها كلمة طويلة شوية
دور على المجالات الى انت بتحبها والهويات كمان حتلاقى ناس زيك كتير بيفكر زيك وبيحبوا الحجات الى انت بتجبها
2- اوعى فى يوم تقول على نفسك انك ضعيف الشخصية حتى لو انت عارف بينك وبين نفسك ان شخصيتك ضعيفة علشان كدة انت حتخلى اى حد يتحكم فيك
3- محدش بيختار اهلة ومش علشان الاهل عملوا فيك حاجة غلط ترمى اللوم عليهم .. ايوة انت مقلتش كدة بس اكيد بينك وبين نفسك بتلمهم ..بمجرد ان العقل بتاعك اشتغل انت مسؤل عن نفسك
4- واخبرا لو ملكش هويات كتيرة وبرضوا لسة متعرفش ناس كتير قول الحمد الله انت متعرفش انت مستخبيلك اية واحسنلك تكون وحيد فى الدنيا احسن ما تعرف واحد تصاحبة اوى اوى ويخونك او يبيعك فى الاخر حتقول ساعتها ياليت ما صحبنة
انا بقول انك لزم تخطلت بالناس بس وانت بتعمل دةمتبينش للناس انك محتاج ليهم يعنى صاحب واحد واتنين بس اختار صحاب كويسين مش شباب شيكى ميكى لا شباب محترمين ورجاله بمعنى الكلمه و حبه حبه هتتعرف فى المعهد فى الشغل كدة يعنى و متقولش على نفسك ضعيف علشان دة اصعب شئ بالنسبه للانسان حاول تكلم نفسك و تقول انا راجل و اثق فى نفسك جدا و اعرف ان الرجوله مش انك يكون عندك اصحاب الرجوله فى شخصيتك الى انت هتعرف تصلحها باذن الله
لا انا بقول حاول مرة واتنين وعشرة لانك لو دورت اكيد حتلاقى زى شخصيتك بس انت مين قال لك انك انت ضعيف الشخصية متقلشى على نفسك كدة عشان مش حيبقى عندك ثقة فى نفسك ولما تيجى تصاحب حد متحسسهوش بكدة ابدا لانك حتبقى لعبة فى ايدة وخليك جرىء انزل العب كورة خليك دايما متواصل مع الناس اكييييييييييييييييييييييييييييييييد حيبقالك صحاب وانت قاعد فى جماعة اتكلم هزر قول نكت اعزمهم على حاجة كدة يعنى خليك روش وموؤدب
انا عارف ان الموضوع دا صعب بس عايز اقولك ان فيه حديث عن الرسول عليه الصلاة والسلام فيما معناه ________ ان من افضل الناس اقلهم شهرة اللى مش معروف وحط تحت دى 1000 خط ليها مميزات كتير والرسول عليه الصلاة والسلام نصح المسلمين انهم يكونى اقل كلام يسمع اكتر ما يتكلم يعنى دا حاجه كويسه انما ع الاصحاب الافضل انك متحولش تغير حياتك بالنسبه للشخصيه لان مع التغير دا هتفقد كتير من المبادء هتعمل حاجات علشان تثبت للاصحاب الجداد انك زيهم وفى الغالب انت هدور ع اصحاب بيخرجو ويشربو انت فاهمنى طبعا الان دا الجو اللى ناقص عندك بس فى الحقيقه انت فى غنى من دا كله وربنا يوفقك
انا كنت زيك ع فكره بس حاولت اقرب من الناس عن طريق هوايه تجمعنا او هدف الخ
بس اانا طبيعي اول حد بتعرف عليه ببقي خجوله بس مع وقت بتعود عليه حاول تشارك الناس الحواليك ف المواضيغ ال بيتكلمو فيها ف الهوايات
متغلش نفسك بالناس كثير خليك على طبيعتك كل انسان وله طبيعته كل التعليقات اللى سبقتنى جميله وكلها نصايح مفيده لكن لو مقدرتش يبقى متشغلش بالك اهم حاجه فى الدنيا علاقتك بربنا والله دى اهم حاجه فى دنيا تعرف لو علاقتك بربنا سليمه يعنى محافظ على الصلاه وتقرا قران وتقرا كتب دينيه يبقى كل مشاكلك حتتحل اهم حاجه انك تمشى صح وتخطط لحياتك صح وتطلب التوفيق من ربنا تعرف الناس حتجرى وراك امتى لما تكون شخصيه مهمه تثبت نفسك فى مستواك التعليمى تكون مميز فى عمل معين الناس بتحب وبتجرى ورارا الشخصيات دى لكن مش مهم انك يكون ليك صحاب كثير او بتضحك وتنكت كل ده كلام فارغ
صاحبي
يعني انت اكيد ليك ع الاقل حد ممكن تمشي معاه شويه يعني صاحبك مش اوي
انت قرب من صاحبك ده وخليه يكلمك عن صحابه وعن الوماقف اللى بتحصل معاهم
تمام وبعدين قوله لما تروح لصاحبك الفولانى خدنى معاك انا عاوز اشوفه
واحتك باصحاب صاحبك وخلى دمك خفيف كدا واطلع بافشات وافيهات ومتقعدتش ساكت علطول
وقلهم ايه رايك نلعب ماتش كورررررره في المكان الفولانى ايه رايكم تلعبوا معاى
حتى لو مش بتعرف تلعب اقف جون وخلاص هههه
اهم حاجه يبقي دمك خفيف ومتنكسفش انت وبتتكلم لانك راااااااجل 19 سنه
ربنا يكرمك
شوف يا إبني كل مشكلة وليها حل أنا عندي حلين 1-شوف دكتور نفسي والحالات دي بيكون ليها علاج بسهولة جدا مفيش مشكلة يعني…
2-لو متقدرش تروح لدكتور فحاول تقعد في وسط الناس حبة بحبة ومش شرط تتكلم معاهم ومرة في مرة هتلاقي نفسك بدأت تقول كلمة فكلمة وبعدين تفتح مواضيع بسهولة وتدريجيا أنا عارفة إنه صعب لكن الموضوع يستاهل المحاولة….
حاول تشغل وقتك في قراء كتب تثقيفية علشان تلاقي كلام تشارك بيه في أي مجلس أو تشارك في نشاط اجتماعي او في العاب جماعية بتحبها وهتلاقي نفسك فيها إن شاء الله
المهم انك تبعد تماما عن التعارف عن طريق الأنترنت لانه هيزيدك إنعزالا
أهلين وسهلين فيك قبل كل شي والحمدلله على كل حال هاذي مشكله بسيطه بس انت لاتكبرها براسك
واهم شي خليك واثق من نفسك ولاتصير حسااس بزيااده .
وانا أتشرف أكون صديق لك .
قبل كل حاجة متشيلش نفسك فوق قدرها لان الشيئ ده خارج عن إرادتك بس نصيحتى ليك حاول انك تكلم كتير متكونش حساس بدرجة زيادة عن اللزوم حاول تقرأ كتير وتفهم مواضيع اكتر واتناقش فيها مع اللى حواليك حاول تسأل عن اقاربك يعنى من الاخر متبينش ان شخصيتك ضعيفة وحاول تكون عضو فعال مع كل اللى حواليك