انا شاب 18 سنه انا اشعر دائما اني مكروه لدي الناس واشعر بالعزله وانا ويد حلا يوجد سوي انا وامي فقط وابتعد عن الناس بلا مرر وللعلم انا كنت مريض بالاكتئاب والقلق والتوتر النففسي والاضطرا فى النوم واخذت ادويه وشفيت جزئيا وانا لا اتقرب للناس ولا احبهم والشعور بالوحده فوجت المتعه في الوحدة ولاجد حلا حتي تعاطيت مخدر الحشيش واصبح هو الحل لدي فااصبحت اتعاطاه فلا احس بشئ واصبحت انام بدون ان افكر في شئ واضحك علي اي شئ ولا اخرج من بيتي اصبحت محب للحاله الي انا فيها وانا ادخن بكميه كبيره ولكن عندما يزيل مفعول الحشيش ارجع كما بالسابق ولا اجد أى حلا لحالتي للان
مشاكل الشباب النفسية
اشعر دائما اني مكروه لدي الناس ووصلت للادمان
اضيف بتاريخ: Sunday, April 21st, 2013 في 21:15
كلمات مشاكل وحلول: شاب, علاج, مشاكل الشباب
انا انصحك الاكتار من الصلاة و الادعية و سوف ترى ان الله يفتح لك الطريق 🙂
انت محتاج تحضر كورسات تنمية بشريه لانى مدب تنميه بشريه وانت محتاج تعيد ثقتك بنفك لانك مش عندك ثقه بنفسك
اقولك شئ انا برده كنت بعاني من نفس المشكلة بس اقربت الي انا والناس حبوني فلا تضيع نفسك يا ابني فالحياة تسيطر عليك لا تخليها تسيطر عليك سيطر انت عليها
و الله كل الي صار فيك هو إبتعادك عن ربك
إرجع لربك و رح اتشوف الحياة كيف حتكون معاك
أخى العزيز…….
ليه عملت كدة فى نفسك ؟؟؟؟؟؟
ليه روحت من أولها على السكة ديه ؟؟؟؟؟؟
أنا ممكن أقولك الحشيش والتدخين زى مايمكن ليهم أحاسيس حلوة مزيفة أضرارهم زفت وأكتر من كدة وانت فى سن النمو الان يعنى محتاج لحاجة تزود نموك مش تأثر عليك بقية حياتك
بس أنا متأكد أنك للأسف مش حتقدر لكدة وهمتك حتضعف
أول طريقة ياأخى تشوفها ان شاء الله تروح لدكتور أو تصرح لوالديك بما هو فيك وتخحاول تبطل الحشيش بأى طريقة حرام عليك نفسك يأخى
ثانيا ليه متحاولش تقرب من صاحب أو صديق خاص ليك مش بقولك للناس كلها خد بالك من كلامى صاحب أو صديق ليك فقط يقربك من الدنيا تحبه وتفضفضله بما داخلك
ليه ماتحاولش تتصرف بطبيعتك مع الناس صدقنى حتلاقى الناس بتحبك وبتحب طبيعتك وحتقدرك
ليه ماطلعش خنقتك ديه فى هواياتك اللى بتحبها بدل الحشيش ده والادمان
طب فكر ياسيدى فى والدتك بلاش انت أنت متعرفش ان انت بتضيع والدتك قبل ما تضيع نفس؟؟؟
ليه متستكملش العلاج مع الدكتور مرة أخرى ؟؟؟؟؟؟؟؟؟؟؟؟؟؟
حازل صدقنى العزلة مبتضرش الا بصاحبها لوحدها تجيب الامراض النفسية كلها حاول تطلع مع الناس بهذا الاندماج وعيش بطبيعتك
وشكرا
والسلام عليكـــــــــــــــــــم
مشكلتك بالنسبة ﻷوحدة والعزلة مثليي فانا كنت مثلك تماما ولكن لقيت ان الحل الوحيد اني اشترك في نادي او رياضة او هواية احبها هتلاقي نفسك سعيد وانا جربت اشترك في اي حاجة او هواية اجتماعية وصلي واستغر ربنا وابمشكلة ان الحشيش مضر جدالا لازم تبعد عنه لانه ممكن يموتك اذكر ربنا ولو مش بتصلي صلي وله هترتاح جرب بس 😉
انت شاب عمرك 18 سنة انت في نعمة انت في سن نمو انت في سن جسمك يتبني طول بعرض انت في سن لازم تكون لوحدك شوية انت في سن حساس والدتك كان عليها تشد عليك مع انك فعلاً رجل يعتمد عليه ، الناس مش بيكرهوك هما يمكن واحد اتنين في نفس خطوة رجليك بصين لك مش معناها كره لإنك مختلف عنهم في الطول في المظهر في صوتك في اسلوبك مختلف مع اللي ماشي في الشارع أو في المترو ، مش مهم تقول نكتة سخيفة معجبتش زمايلك النكتة هي اللي سخيفة مش انت ، عايزك تركز على رد الفعل متبادرش بأي تصرف وتقنعهم بوجهة نظرك خليها تطلع لوحدها وانا عارف انك مش هتقول وكونك بتهرب من كلام الناس أحب اعرفك ان كلامهم لا بيقدم ولا يأخر انت بس خليك صادق وركز على رد الفعل هاتيجي منك تلقائي وخليك فاكر ان الانسان المكروه بجد هو المُدعي بإنه عمل كذا ويحشر نفسه هتشوف زمايلك يحكوا عن نفسهم ومغامرات دة مع البنات ودة يقول لك أبويا عنده شركة كبيرة وانا بشتغل فيها وغيرك بيدعي هاتعرف انه أقل منك مع ان اعظم انجاز في الدنيا بتيجي من ناس صادقة بتحب بعضها والمدعي دة مش بينجح اللي معاه والكراهية شايعة بينهم لان المجموعة دي شايفين انهم ناس غير عادية بس معملوش أقل حاجة عادية
لو انت بتكره واحد معين اظهر له الكره أو دور على صفاته الايجابية جايز مش بيحب يكلم الناس زيك جايز الكلمة اللي بتضايقك بتضايقه ومسألة حبك أو كرهك للناس دة قرارك انت
لاحظ انك ارتكبت غلطة واحدة بس عارف إيه هي ؟ انك انسحبت
واجه الناس بطبعهم هتلاقي نفسك خدت صفة تاخدك في دنيا تانية ونظرتك تختلف ، ممكن اتعلم لغة خصومي طريقتهم في الكلام بس اللي يعجبك انت وبينك وبين نفسك فكر كتير في حاجة واحدة والباقي انساه غمض عينيك وقول “انا احسن واحد في الدنيا” ارفع راسك متشبكش رجليك هتلاقي ثقتك زادت لان جسمك استخدم حركة مناسبة لإحساسك انك انسان جميل واحتمال هاعرف يعني إيه ابني مستقبلي عايزك في الفترة اللي جاية تعصر على نفسك لمونة عشان تتعلم ، إسمع حكاوي الناس وخد احسنها بس تكون فهمت كل حاجة ، فهمت ان فيه ناس كتيرة زيك واقل منك بيقعوا في الغلط ولإنهم بني آدمين ليهم نفس سماتك بس مبقوش وحوش عشان يبقوا مقبولين من المجتمع ، لأ .. عشان واثق من نفسه ورضى بقليله وعمل فترة تدريج ومال للحاجة اللي يحبها وفكر في الأيام الحلوة عمل الحاجات الكبيرة دي اللي انت باصصها وشايف انك ترسة جوه آلة الكلية بتاعتك او في مجتمع حتتك وشارعك ابداً انت لما تواجه نفسك هتعرف صفاتك الإيجابية هتعيش متوازن في الحياة بدل ما جسمك يقتب وعقلك أصغر طفل في الحضانة بسبب عدم مقاومتك للحشيش
على فكرة انت انسان كويس انا شفت فيلم المدمن للفنان احمد زكي الله يرحمه عرفت ان أهم سمة يتميز بيها الإنسان هي النسيان ، ليه نسيانك يخليك لوحدك وتتعاطى الحشيش ، ليه مش بتهجر اصحابك المعفنين اصحاب الدم التقيل ليه ؟اللي كلهم مدعين انهم حاجة كبيرة ، النسيان يخليك تبني علاقة جميلة مع الناس فتتبدل مكان الذكريات الأليمة حتى لو شايفها حلوة ، ودة يعلمك متفكرش فلان بجرح مر بيه فتبقى إنسان وراجل وتجربة الإدمان هاتخليك حساس مع الناس وتتحب واعدائك مش عايزك تكون نضيف وضيف خفيف ، واعرف ان اللي كراهية الناس لك مش هاتخليهم في أي مكانة لإنك لازم تواجههم بإنك في حياة كبيرة والفيلم علمني تكون إنسان متجرحش حد ودة كان شخصية احمد زكي في الفيلم ، والفيصل انك تقاوم الإدمان أي حد من قرايبك ماما أو دكتورة تعمل لك كشف مش بعيد غيرك يشوف فيك صفة كويسة على الأقل انت مش بتترسم على اصحابك وتتمنظر عليهم وترغي بأي كلام يقلل قيمتك بس بردك اعرف التصرفات الوحشة واتعلم من اخطاء غيرك هاتحس ان الأيام ادتك مناعة قوية وطمني عليك .. روح لدكتور يعالجك وماما تقف جنبك ع الأقل عشان يشوفوا انسان جميل زيك