انا اسمى **** عندى 16 سنة , انا كنت فى مدرسة خاصة و انا شاطر بس مش بذاكر و عشان كده ابويا هيدخلنى دبلومة امريكية , المهم انا فضلت محتار و كانت مشاكلى ان ( بيقولوا ان بتوع الدبلومة مبينجحوش فى الجامعة , بتوع الدبلومة الامريكية فاشلين و مش محترمين , مش عايز اسيب مدرستى عشان ذكرياتى فيها و كل عيلتى حتى اختى اتخرجو منها و كلهم كانو خاصة مش دبلومة امريكية ” انا طول عمرى كنت ببقى عايز اعيش حياة تبقى شبه حياه ولاد خالتى يعنى نبقى كلنا زى بعض مع ان الدبلومة الامريكة ترفيه و كل حاجة و رحلات على طول بس انا كده نفسى ابقى زيهم مع ان هما اكبر منى ب 10 سنين ” , مش عايز اسيب صحابى و دى مشكلة مهمه ” انا كنت هادى جدا فى المدرسة زمان فا اصحابى مكنوش متعودين عليا مع انى كنت عكس كده فالبيت لكن انا كنت عايش فى دور واحد تانى هادى بقى و كده و ده ادى الى ان البنات مش بيكلمونى خالص غير بسيط يعنى مع ان كان فى كذه فرصة و كان فى واحدة معجبة بيا كمان , لحد اولى اعدادى بقيت عايز اظهر شخصيتى الحقيقية و اصحابى بقو بيحبونى اوى و بقت محبوب بس للاسف ملحقتش اغير فكرة البنات عنى انى مبتكلمش و كده يعنى , بس فى 3 من صحابى فى تالتة اعدادى و بعد ما بقيت اخد دروس معاهم اتغيرو شوية بقوا بيتريقوا عليا ساعات فا بيحرجوونى ” ممكن اكون حساس زيادة بس فى واحد تانى بقى بيتريقو عليه جامد جدا و بيخلو منظرو وحش اوى لكن الحمدلله انا مش زيو انا الى حد ما مش هفأ بينهم و مرة اتريقو عليا جامد شوية فا قمت ضربتهم جامد كلهم وبعد كده اتصالحنا بس ده مخلهمش يسكتوا ولا حتى لما مبردش عليهم لأن هما عندهم طفولة شوية فا هزارهم مش حلو مع ان دول بالذات عارفهم من اولى ابتدائى و كان نفسى نبقى اصحاب اكتر من كده بمستوى تانى بس انا كمان و مش لوحدى فى صحاب ليا تانيين رأيهم ان هما بتوع مصالحهم و هزارهم بقى تقيل و وحش بس هما كانوا بيمسكو فى نقط ضعفى عشان انا الدغ بس انا مش بضايق من لدغتى الا بس لو قريت ف وسط الفصل و عشان انا ودانى كانت مطرطقة و انا صغير و اتعدلت بس انا مرة حلقت على واحد فى بانت كبيرة شوية و هما طبعا اطفال فا بقو بيتريقو عليها و كمان سعات يضربونى عليها بصباعهم و دى كانت بتضايقنى جدا و بعدين ابتدوا يخترعوا نقط ضعف ليا كمان بإنهم يتريقو على طريقة كلامى مع ان طريقة كلامهم تضحك و هما اصلا فيهم تقريبا نفس نقط ضعفى و يمكن اكتر و فى واحد منهم بردو لما بيحلق بتبقى ودانو باينة كبيرة مع انه هو المتحكم اللى فيهم , فا المهم ما باقتش عارف اتعايش معاهم فى المدرسة خالص ولا فى دروس , بس امبارح ” و زى ما قولت كنت عايز اعيش حياة زى ولاد خالتى ” ” و هما ليهم صحاب كتير من و هما فى اولى ابتدائى و لحد دلوقتى معاهم ” فا امبارح نشروا صور عل فيسبوك ليهم هما و صحابهم و رحلاتهم وهما فى المدرسة و كده فا زعلت و قولت كان نفسى ابقى زيهم ” انا مش بحقد عليهم و الله انا بحبهم جدا و عشان كده نفسى ابقى زيهم لأنى شايف فيهم مثلى الاعلى ” , و دلوقتى زعلان جدا على نفسى لأن اصلا احد اسباب قبولى الدبلومة الامريكية انى ابعد عن المدرسة عشان انا اتعقدت من مشاكلى فيها , لكن دلوقتى عايز ارجعلها بس لمشكلة بردو ان ال3 دول هيبقو موجودين و بردو صورتى مش هتتغير عند البنات اما بالنسبة للتلاتة صحابى هما طيبين بس بتوع مصالحهم و اطفال مع ان انا كان نفسى ابقى مصاحبهم جدا من صغرى و نبقى على طول مع بعض زى ماولاد خالتى ما بيعملو بس للأسف بعد ما صاحبتهم و قربت منهم اوى اكتشفانهم مش كويسين خالص و بالنسبة لموضوع ان انا حساس فا الخلاصة ان انا ليا 3 صحاب تانيين فى نفس الفصل بس صحابى الاولانيين مش بيحبوهم ” بحس انهم بيغيرو منهم عشان هما مشهورين و محبوبين ” المهم على طول بنعد نتريق على بعض و مبزعلش الخلاصة ان انا برتاح اكتر مع صحابى التانيين مع انى ماقبلتهمش من صغرى زى التانيين لكن صحابى الاولانيين معدتى بتبقى وجعانى قبل ما اقابلهم ,, و فى نفس الوقت برضو صحابى الاولانيين عشان تبقو عارفين معروف عنهم ان هما اطفال جدا فى تعاملهم يعنى انا مش بدعى عليهم ,,, الموضوع ده مضايقنى جدا و تقريبا بيشغل بالى على طول ارجو الرد و اللى هيفدنى انى احس بارتياح و الله هدعيلة كل يوم فى صلاتى
والله العظيم ياابنى ماني فاهم حاجة من كل الذي قولته بس عاوزك تعرف امورغايبة عن ذهنك ولازم تحطها حلق في وذانك 1- عليك بحسن الاختيار للاصحاب والزملاء يكونوا رفقاءصالحين ونافعين 2- اترك رفقاءالسوءفلاخيرفيهم على الاطلاق 3- بالجدوالاجتهادوالمثابرة توصل لكل ماتتمنى ليه وتدركه 4- حسن الظن بالناس الاخرين واحترامهم وتقديرهم تكسب قلوبهم وتلاقي منهم كل الخيروالسعادة 5- ترك الغروروالتكبروالتعالي على الناس وخليك متواضع ولين الجانب وحسن المعاملة تبقي خيرمنهم كلهم 6-تفكيرك في البنات فسادخلق يدمرحياتك ويفسدعليك دينك ويوقعك في المهالك وطريق الرذيلةوالانحراف لااحد يرضى بان يكون حاله هكذا 7- اهتمامك بدراستك وتفوقك على الجميع يحقق لك كل ماترجوه ويوصلك الى هدفك المنشود 8- ابناءخالتك ليسوا باحسن منك وماوصلواليه ليس بدليل على ان تبنى حياتك عليه وتتمنى ان تكون مثلهم خليك واقعي وارضى بماقسمه الله لك وخلك احسن منهم بدينك واخلاقك وبتربيةاهلك لك واحترامك وتقديرك للاخرين 9- ماحدش يبقى زي التاني شيل الفكرة دي من دماغك خالص وركز في دراستك واختارالهدف والغاية التي تريدالوصول لها ونشاءالله تنجح في الوصول ليهاوتلاقي كل الخيروالسعادةفي حياتك