السلام عليكم ورحمه الله وبركاته
انا شاب عندى 24 سنه كنت احب فتاه وانفصلنا بسبب مشاكل عائليه وسبت الشغل اللى كنت شغال فيه وقتها مكنتش عارف حاجه ولا عاوز حاجه معينه
وعشت حوالى 4 شهور فى البيت ولا شغل ولا اى حاجه كنت منعزل عن كل حاجه . وبعد فتره تعبت وحسيت بتعب فى بطنى وان روحى بتروح منى روحت المستشفى الدكتور قالى معندكش حاجه شوي التهاب فى المعده بس عرفته اللى حصلى وان نبضات قلبى كانت سريعه جدا لدرجه انى قولت انى بموت قالى دا من المعده المهم انا برضو مرتحتش غير اما روحت عملت رسم قب وطلع كويس الحمد لله وبعدين تعبت بعد فتره تانى روحت لدكتور تانى عملى سونار على بطنى قوالى معدتك برضو وادانى علاج تانى مشى عليه وبعدين بقى يجيلى تفكير سلبى جدا ان من اقل حاجه انى هموت وانا ماشى وانا باكل وانا بشرب وانا ماشى وانا بصلى فى اى موفق فى اى وقت فى كل مكان واكتر مكان بحس فيه انى غرب فى البيت بحس انى غريب ومش مطمن فى المكان دا وبقيت من اقل حاجه يتهيقلى انى هموت بقيت عايش فى رعب من التفكير دا انا يعتبر بسبب التفكير دا انا مافيش دكتور فى اى تخصص الا ورحتله بسبب التفكير انى هموت من حاجه معينه اروح اكشف فيها تطلع كويسه الحمد لله وكنت كل مروح لدكتور يزعقلى يقولى انت 24 سنه وعامل كده فى نفسك انت يابنى مفكش حاجه حاسس انى خلاص هتجنن غير ان التفكير بيقولى انى قربت خلاص موت وفى شهر 12 اللى احنا فيه دا تعبت بجد مش عارف استمتع بحياتى ولا باى لحظه حلوه ولا فرحه حتى واى حاجه كان نفسى فيها او بحبها او طموح بقيت ابعد عننههم ومفكرش فيهم لمجرد ان التفكير بيقولى خلاص منت هتموت اصلاً
انا الحمد لله بصلى الفرد بفرده من زمان مش من دلوقتى الحمد لله وقريب من ربنا الحمد لله بس مش عارف فى ايه بالضبط نفسى حد يعرفنى فيا ايه كل مقول حد يقعد يقولى عندك حاله نفسيه . حاله نفسيه بس انا بحس بتعب فعلاً من جوايا مش عارف فيا ايه والتفكير هيجننى خلانى مبقتش عارف اركز فى شغلى بعد مرجت تانى ولا عارف افكر فى مستقبلى وخصوصا ان جيلى عقد شغل فى السعوديه وخايف اسافر من التفكير دا نفسى اعرف فيا ايه علشان تعبت اوى
ارجو الرد وشكرا
مشاكل الشباب النفسية
اعانى من الخوف بالموت واحباط وكسل
اضيف بتاريخ: Sunday, December 20th, 2015 في 20:37
كلمات مشاكل وحلول: الحب, شاب, فتاة
انت عندك اكتئاب بسبب الصدمة التي تعرضت لها
ووجع المعدة هو بسبب الاكتئاب عن تجربة
وانت تشعر بحرقة شديدة في المعدة وتشنج وبعد فترة مش حتقدر تنام لو قدر الله الا بمنومات
علاج معدتك ملعقة كبيرة عرقسوس مطحون في كاس ماء مغلي ثلاث مرات يوميا بشرط ان لا يكون عندك ضغط لانه بيرفع الضغط
مع الابتعاد عن البقوليات خصوصا العدس والملوخية والبامية والزيوت والحوارق والمخللات والموالح
وحتدعيلي
الظاهرانك لسه متعلق بالبنت اللي كنت تحبها وماخذه كل عقلك وتفكيرك وده السبب الحقيقى اللي تعاني منه اخي لاوم تعرف ان كل شي في الحياة قسمةونصيب وربنامقدرلكل واحدفيناقدره ونصيبه فلابد ان نرضى بقضاءالله وقدره علينا لاننامسلمين والبنت راحت لحال سبيلها اترك عنك الافكار السوده التي هتدمرحياتك وتجعلك انسان معقد في هالحياة التفت لروحك وفكر في حياتك لسه العمر قدامك طويل والبنات على قفامن يشيل هتلاقي بنت الحلال الصالحة اللي تحبهاوتحبك وتلاقي معهاكل الخيروالسعادة والاستقرار في حياتك حرام عليك اللي تعمله في نفسك وحرام عليك اهلك تعذبهم معاك هم عاوزينك تتزوج وتفرح مثل بقيةالشباب ويشوفوا اولادك ويفرحوالفرحك ليه تحرمهم من الشي ده عشان وحده بنت خلاص راحت وانتهى كل شي يربطك بها علاجك هوالزواج والاسراع به فورا كي ترتاح نفسيا ومعنويا وتنسى الماضي والتفكيرفيه نهايا وللابد والف من يتمناك يابن الناس بس انت تشطر واترك عنك الاوهام والوسواس التي في مخيلتك وارجع اشتغل دام جاك عقدعمل في السعودية اذهب وتوكل على الله واشتغل زي بقية الشباب ماتعمل وصدقنى السفروالغربة كفيلان ينسوك كل ماانت فيه من الاوهام والافكار الغيرمنطقية ولايرضى بها بشر وكلهاسنتين ولاثلاث تجمع لك فيهم قرشين ينفعوك لاجل الزواج والحياة كفاح تتطلب منك التضحيةوالاخلاص والجهد لتامين مستقبلك ومساعدةاهلك وربنا يهديك ويصلح حالك ويكرمك بكل الخير ويرزقك من اوسع ابوابه