انا عندى 24 سنه وما ليش علاقه ببنات خالص واسرتى واهلى عايزين يفرحوا بيا وبيقولولى اخطب قريبتى وهى بنت محترمه ولكن مش حلوه ؟
انا مش عارف اعمل ايه ؟؟
مشاكل الشباب قبل الزواج
اهلى عايزين يفرحوا بيا وبيقولولى اخطب بنت مش حلوة
اضيف بتاريخ: Saturday, November 18th, 2017 في 21:00
اخي العزيز انا مش هكدب عليك واكون مثالي… وهقولك ان فعلا لازم تكون علي الاقل قابل شكلها بالنسبة لك ،،،، لكن اقول ان الشكل عمره ماكان مقياس بجد … اولا شوف اولاوياتك في البنت اية يعني مثلا الشكل او الجسم او الاخلاق او الدين والتربية او التعليم الي اخره
شوف اخي اية اللي ممكن تتغاضي عنه مقابل صفات احلي وشوف اية اللي مش ممكن تتغاضي عنه ولازم يكون موجود وعد مميزاتها و صفاتها مقابل عيوبها واوعي تكون مفكر ان فيه بنت كامله او انسان كامل ….لا والله الكمال لله وحده….. وكل بنت بتشوف انت مناسب لها ولا لا
واعرف ان اللي باقي هو الدين و الاخلاق …. فلو عملت كدا وعجبتك صفاتها واستريحت فاخطبها وتوكل علي الله ،،، لكن اذا عملت كدا و لم تقتنع فبلاش تخطبها لانك عمرك ماهتقتنع بيها …. وصلي استخارة وربنا هيقدملك كل خير وربنا يسعدك ويكرمك بالزوجة الصالحة