السلام عليكم
بإختصار ودون الدخول فى تفاصيل
لى زميلة فى العمل لفتت إنتباهى للزواج منها .. تعرفت عليها لمدة 3 أشهر .. كنت اتخيلها بشخصية هادئة ورقيقة ووديعة وهى فعلا كذلك لكنها لمحت لى بخطأ أرتكبته مع شخص آخر المفروض غنه كان هيتقدملها الخطأ ده هو تمادى الشخص ده معاها زى تقبيله ليها ولمسه لبعض أجزاء من جسمها .. أنا فهمت كده من كلامها وتأكيدها كل شوية عليا إنى المفروض أحاسبها بعد معرفتى بيها لكن قبل كده لأ .. البنت عندها استعداد إنها تكون كويسة وحاسة دايما بالندم ونفسها تتوب توبة نصوحة وهى بتحبنى جدا وخايفة انى اسيبها .. بصراحة انا كل ما افتكر الموضوع ده بحس انى مخنوق ومتضايق .. انا عمرى ما عرفت بنات ومشيت معاهم ولا عمرى غلطت مع حد اكيد ربنا هيكافئنى باللى كان زىى برضه قبل الجواز .. هل ممكن اكون انا سبب ف توبتها .. انا مش بحبها اوى ولا بكرهها .. لو سيبتها مش هتأثر أوى ولا هنهار والكلام ده لكن هى ممكن تحصلها حاجة وفى نفس الوقت عاوز اصارحها بالنقطة دى ومش عارف اقولها ازى .. ساعات بقول ياريتها ما كانت لمحت ليا بكده .. انا شخص ملتزم الى حد كبير وعارف انى لو سترت عليها ربنا هيستر عليا فى الدنيا والآخرة بس مش انا مش بحبها زى ما هى بتحبنى .. انا حاسس إنى مخنوق جدا
