خطيبتي مش حاسسها

السلام عليكم ورحمه الله صادقائي الاعزاء.
انا شاب عمري 28 سنه خطبت انسانه بجد محترمه جدا وعلي قدر عااالي جدا من الاخلاق والدين اهلها ناس طيبين والبنت نفسها طيبه اوووي وكمان معلوماتها عن الامور الحياتيه قليله (خااام) المهم اتقدمتلها (صالونات) واستخرت ربنا مره واتنين وربنا سهل الامور وتمت الخطبه بعد يوم واتنين حسيت اني اتسرعت اوي ومش هيا دي اللي انا كنت راسمها في خيالي. المهم البنت اتعلقت بيا اووي وحبتني بجد واول انسان ادخل حياتها هوا انا انا طبعا مش حاسسها خااالص صليت استخاره تاني بس برضو محسيتش حاجه انا خايف اتسرع وافسخ الخطوبه اكسره قلب البنت (اهون عليا اني اعيش معاها متظاهر بالسعاده احسن من اني اكسر قلبها ) وفي نفس الوقت مش عايز اظلم نفسي لاني من النوعيه اللي مالهاش في كلام البنات ولا التعارف ولا الجو دا
افيدوووني افادكم الله

مشاكل وحلول ذات صلة

• كان نفسى اتستر واجيب اولاد زى اى بنت
• مش عارف احب خطیبتی بسبب ميولي
• لاني لسه متجوزش الناس بتعتبرني ناقصة
• محروم من الخطوبه والزواج بسبب اهلي
• خطيبى يهددنى بعدما وثقت فيه
• بحب اخو خطيبى
• اسيب حب عمرى وارضى ابويا بأى جوازة؟