اتعرفت من فترة على بنت حبيتها جداً وهي كمان حبتني وجبت اهلي واتقدمتلها واهلها ناس طيبيين وقبلوني وعشنا قصة حب جميلة جداً واتفقنا على كل حاجا ولما قرب معاد جوازنا اعترفتلي اعتراف كان اكبر صدمة بالنسبالي ان خوها الي عنده ١٠ سنين دا يبقى ابنها في الاساس وان هيا لما كانت عندها ١٤ سنة كان في شاب ساكن جمبها هي كانت بتحبه ولما عرفت انه خلاص هيعزل راحتله البيت علشان تودعه وضعفت قدامه وغلطت معاه وبعديها بقا يجيلها ترجيع ودوخة كتير والدورة اتأخرت عنها كتير وحست ان بطنها بتعلى شطت انها حامل فا خافت تقول لحد انها تعبانة وفضلت مكملة من في الحمل من غير ما تقول لحد ما بانت الفضيحة عليها والحمل واهلها علشان ناس طيبين جداً وبيخافوا ربنا خلوها تكمل في الحمل لحد ما ولدت وابوها علشان يستر عليها اضطر يكتب الولد بأسمه فبقا اخوها قدام الناس بس في الحقيقة هي امه شرعاً وانا دلوقتي محتار هل اتجوزها رغم الكارثة الي عملتها ولا اسيبها وافسخ الخطوبة
مش عاوزك تتسرع في الزواج منها قبل اتضاح الحقيقة لك فدا زواج مش لعب عيال فلابد ان تعرف هل البنت صادقة في كل ماقالته لك وتسال عنها وعن أهلها في المنطقة مثلا جيرانهم حتى تعرف الحقيقة ويطمن قلبك وبعدها تقدم على الزواج منها وأتمنى انها تكون فعلا صادقة في كل ماقالته لك وربنا يؤفقكم ويسعدكم في هذه الحياة
شوف يااخي ماحدش منا معصوم وخير الخطائين التوابين وهي اعترفت لك بالحقيقة ولم تخدعك او تغشك وعاوزه الحلال معاك فتوكل على الله وتزوج منها ولا تعايرها بالماضي وهتكون نعم الزوجة لك ولن تنسى لك تضحيتك معها وقال رسولنا الكريم – من سترملسما ستره الله يوم القيامة –
اتفق مع الاخ – ابو محمد- في كل ماقاله للاخ صاحب المشكلة وهذا هو الراي الصايب واحب ان اضيف على ماقال ان البنت فعلا صادقة وتريد الحلال والستر معك والا مااخبرتك بالحقيقة من اصلها فاستر عليها وتزوج بها وتكسب ثواب فيها عند الله عزوجل وربنا بيبارك لك فيها والرسول الكريم قال- من ستر مسلما سترة الله في الدنيا والاخرة – وقال ايضا – لايستر عبد عبدا في الدنيا الاستره الله يوم القيامة –
يااخي توكل علي الله عزوجل اذا كنت تحبها فصدقني كان ممكن ان تغشك والطفل مكتوب باسم ابيها فكان من الممكن الاتخبرك وفضلت اخبارك مع علمها انه احتمل كبير ان تخسرك لكن صدقني غيرها بنات كثير في هذا الزمان يرقعون ويغشون وكم من فتاه رقعت بكارتها وغشت زوجها وتزوجت فتوكل علي الله عزوجل واسترها والله عزوجل لن ينسي المعروف واذا تزوجتها ان شاء الله عزوجل فاياك وان تعايرهافكلنا نخطئ وصدقني اي امراه ستقدر تضحيتك وستعيش طول حياتها ترضيك عن أبي هريرة -رضي الله عنه- عن النبي – عليه الصلاة والسلام- أنه قال: (من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر على معسر يسر الله عليه في الدنيا والآخرة، ومن ستر مسلما ستره الله في الدنيا والآخرة)