انا خاطب بنت ملتزمة وبنت ناس مواظبة على الصلاة وقراءة القران مافيش خروج او فسح خالص حتى بعد ماخلصت مؤهلها المتوسط قعدت فى البيت تقريبا مانزلتش الشارع غير خمس او ست مرات فى اربع سنين كنت مابشكش فيها خالص بس لحد مرة كنا بنتكلم وبتسالنى كلام الحب بينا غلط ولا عادى وانها حاسة انها متلغبطة شوية .رديت وبقولها عادى احنا مخطوبين دة فية غيرنا بيتكلموا فى الحب والمشاعر من غير مايكون فية اى ارتباط رسمى.ومادام احنا مرتبطين يبقى دة وضع طبيعى بينا لقيتها بتسالنى طيب لو واحدة كانت على علاقة بشاب واتخطبت تقول لخطيبها ولا لا؟ قولتلها جاوبى انتى قالتى اكيد تقول عشان يبقى حياتهم مبنية على اساس سليم وهوا الصراحة…. بس بعدها اخدت الكلام عليها هيا وسالتها تقصد اية بالكلام دة زعلت جدا وخليتها تحلفلى بالله اكتر من مرة انها ماكنتش تقصد حاجة وانة مجرد سؤال جة فى بالها حتى انها ماتقصدش موقف شافتة مثلا من حد من قرايبها او صحباتها…اهدى شوية وارجع افكر تانى احلفها تزعل وتنهار فى العياط انى بقولها كدة وتحلفلى انها ماخبتش عنى حاجة وانة سؤال فى بالها وخلاص اهدى برضة وارجع تانى…..افيدونى بالله عليكم ليا حق فى الوساوس دى ولا لا؟؟؟؟؟ولو مش ليا حق وانا غلطان اطرد الوساوس دى ازاى
يااابني انت تقول ان خطيبتك ملتزمة وعلى دين وخلاق ومحافظة على صلاتها وتقراء القران فدي نعمة كبرى ربنا بعثها لك فاحمدالله عليها وليس من حقك ان تسالها عن حياتها في الماضي اوتحاول معرفته طالما انك واثق فيها وعارف اخلاقها وتربيتها بطل الشك اللي هيدمر حياتكم واهتم بخطيتك دي وعامليها كويس وربنا يتمم لكم بالخير وتفرحوا قريبا ان شاء الله وتمنى لكم الحياة السعيدة طوال العمر