انا والحمد لله بعد ما اتخرجت من الكليه اتوظفت وظيفة محترمة جداً بقالي سنتين ، وبعد الظيفه اهلي نصحوني اني ادور علي بنت الحلال اللي هتكمل معايا مشوار حياتي … ففكرت في واحده زميلتي في الكلية كانت محترمه جدا وجميلة وفيها كل الصفات اللي يتمناها اي شاب ..
كنت بشوفها كتير في الكليه وكانت بتحب تبصلي وتتكلم مع اصحابها عليا لكن انا ايامها ما كنتش اقدر اقرب لها لاني مش هقدر اخطبها وانا لسه طالب.
ودلوقتي حاولت ارجع من تاني اشوفها لقيتها علي نفس الاسلوب لما كنا في الدراسة بتبتسملي كتير وتتكلم هي واصحابها يعني شكلها متقبلة الموضوع جدا ، فكرت فيها كتير ومع كتر التفكير والتركيز اتعلقت بيها جدا .. بعت لوالدها في البيت قال لنا لما البنت تخلص دراستها الاول علشان هي داخله علي امتحانات وكده ، وعرفت ان الخبر وصلها وانها كانت زعلانه جداً ان والدها ما وافقش اني اخطبها قبل الامتحانات
انا ما قدرتش اصبر بعد ما اتعلقت بيها وكمان انا خايف حد يتقدم لها قبلي وتضيع مني ..
لقيت صفحتها علي الفيس بوك وبعتلها مسجات بعرفها بنفسي واني عاوز اتقدم لها في البيت طبعا هي ما ردتش علي اي ماسج من حيائها لكن كانت بتحط بوستات علي صحفتها انها فرحانة وكده ،
لكن للاسف لسوء حظي ما كمتلش كلامي معاها -وانا متأكد انها كانت هترد لو انا كملت باصرار- ، وده لان كان عندي ظروف نفسية سيئة وسافرت لفترة وبعد ما رجعت لقيتها عملت لي حظر لما حست اني اهملتها..
طبعا كانت صدمتي كبيره وقعدت كذا يوم بفكر في الموقف ده لكني في نفس الوقت عذرتها لانها اكيد كانت بتتألم جداً من جواها وانا كنت كل ما بشوفها صدفه كنت بشوف في عينيها نظرات الحب بجد..
وانا دلوقتي محتار جدا يا تري انا كده خسرتها ، ولو رجعت اكلمها من تاني هل هتقبل ولا لاء ؟
مشاكل الشباب قبل الزواج
عايز ارجع تاني اكلمها وافاتحها في الخطوبة
اضيف بتاريخ: Tuesday, January 16th, 2018 في 17:50
كلمات مشاكل وحلول: الحب, الخطوبة, الدراسة, الكلية, بنت, شاب
ارى ان ترددك ده هيضيع منك البنت وتخسرهاللابد لوكنت فعلا تحبها وجاد في الارتباط بها تقدم لااهلها فورا واخطبها صدقني البنت محترمة ومؤدبة جدا واعتذرمنها لانك سافرت واهملتها وقولها الحقيقة وانو مافيش في حياتك غيرها ولاعمرك نسيتها ابدا وهتعرف هي انك فعلا تحبها ومتمسك بها وربنا يجعلها من نصيبك ويتمم لكم بالخير باذن الله
الافضل متكلمهاش هي في الموضوع لا انت تطلبها من اهلها احسن طبعا لك ولها وإن شاء الله يكون لك نصيب فيها
طيب ليه مش تطلبها كمان مرة من والدها يمكن دلوقتي يوافقوا عادي
وطالما انت بتحبها مش تضيعها من ايدك واتقدم بسرعة و عرفهم انك مصر عليها وربنا يكتبلكوا الخير