انا خاطب بقالى اكتر من سنة وبحب خطيبتى قوى وهى كمان بتحبنى والمفروض ان جوازنا بعد 5 شهور تقريبا المهم حصل بينا مشكله صغيرة وانتهت بأنها سمعت الكلام وعملت اللى يرضينى ، وبعدين اتصلت بيا قبل العصر وقالت لى : انا رايحة المدرسة ودى طبعا مدرسة الخطوط العربية يعنى بتفتح من قبل العصر المهم قلت لها : متروحيش فقالت لى : انا مش بآخد رأيك انا بس بعرفك وانا كده عملت اللى عليا وقفلت السكه فى وشى ، وى طبعا كانت أول مرة تعمل معايا كده من يوم معرفتها وانا متغرب هى بتعمل ليه كده مش عارف هل ده من حقها ؟ وهل انا مش من حقى انى اقولها متروحيش ؟ عايز اوضح حاجة هى طبعا كل ما اقولها على حاجة متعملهاش بتسمع الكلام وتعمل اللى انا عايزه حتى لو مش موافقه على اللى هى بتعمله بس المره دى مش عارف عملت كده ليه……انا دلوقتى مش عارف اقولها ايه ولا اعمل ايه فى المشكلة دى …..ارجوكوا حد يجاوبنى بسرعه ، اسف على الاطاله .
في فترة الخطوبه لك حق معرفة اين تذهب قبل ان تذهب
ولا يحق لك الرفض الا في حالات استثنائية كأن يكون المكان اللي تذهب له خطير وسيء السمعه او ان تخرج بمفردها في وقت متأخر من الليل مثلا
وهي مخطئة اكيد حينما اغلقت الهاتف في وجهك فذلك تصرف خطأ منها
وكل شيء بالتفاهم والحب
ياابني ليس من حقك منعها من الذهاب للمدرسة علشان تدرس وتتقوى في الخط والكتابة انت غلطان في الموضوع ده لانها ماعملتش حاجة غلط وخليك واثق فيها لانو الثقة مطلوبة منكما اثناء فترة الخطوبة واتصل عليها واعتذر لها علشان ماتزعلش منك وربنا يتمم لكم بالخير ويؤفقكم ويسعدكم في حياتكم الجاية
هو انت عشان خطبتها ها تلغي شخصيتها ايه المشكلة لماا تروح المدرسة العصر ولا المغرب.. شكلك مصري وخطيبتك اكيد في مصر فيعني لو خايف عليها ما تقلقش الحوادث والتحرشات وغيره بتحصل في اي وقت مش فارق عصر من صبح من ضهر .. يعني اكيد هي عندها وعي كفاية يخليها تعرف تتحاشى الحاجات اللي انت خايف منها عليها دي ازاي وعموما بطل تقهر نفسك وتخلق لنفسك هموم من لا شيء مش كفاية الغربة انت ليه غاوي نكد