مشاكل الشباب قبل الزواج

عايز اصارحها عشان اعرف اتقدملها

اضيف بتاريخ: Friday, January 21st, 2011 في 05:14

كلمات مشاكل وحلول: البنات, الزواج, بنت, كلية, مشاكل الشباب

13 رد to “عايز اصارحها عشان اعرف اتقدملها”

1. Soloma

   

   15/06/2012 at 19:03

   بسم الله الرحمن الرحيم
   بص……أنا ولد….يعنى إحنا زى بعض..وفاهمك جدا..عايزك تقرا كلامى ده كويس أوى
   أولا عايزك تفكر فى الموضوع كويس مع نفسك…..إتأكد من مشاعرك ناحيتها وكده….وطبعا إنتا معرف أهلك إن فى واحدة إنتا معجب بيها..تعقد نيتك وتتاكد منها وتروح تقول لأهلك إنك هتروح تصارحها..وبعدها..عايزك كده تصلى إستخارة
   صلاة الإستخارة لازم تعملها فى موضوع زى ده….لإنه موضوع مصيرى…مش لازم يجيلك رؤية فى المنام بعد الصلاة دى…..لأ….يا إما ربنا ييسرلك الموضوع ده…يا إما لأ…تلاقى الموضوع مش ماشى من عند ربنا لوحده كده
   صلاة الإستخارة صحيح عبارة عن ركعتين عاديين جدا…وبعد متسلم فى الأخر….تقول دعاء الإستخارة….دور عليه ع النت واحفظه….أو إسأل والدك أكيد عارفه

   تروح الكلية….حاول تروح تكلمها بحيث إن ميكونش فى ناس كتيرة شايفاكوا…مفيش تجمع ولا كده….لإنها هتتحرج وهتخاف من كلام الناس عليها إنهم شايفينها واقفة مع ولد….وممكن حد يتكلم عليها بطريقة مش لطيفة وانتا أكيد مترضاش كده ليها

   كلامك معاها تكون إنتا محضره مع نفسك قبلها وحافظ إنتا هتقول إيه…..و وانتا بتكلمها إوعى تبينلها إنك خايف أو مكسوف….رجلك ممكن تترعش …بس إوعى تبينلها كده أبدا….بينلها إنك جرئ
   وتحاول فى نص كلامك كده تضحكها مرة واحدة عشان تكسر التوتر فى الكلام….بس متحاولش تكتر من الضحك أوى….مرة واحدة حلوة جداااااااااا
   متروحش تقولها أنا بحبك…..بالراااااااحة…..الكلمة دى تقيييييلة أوى …خليها بعد الإرتباط
   قولها إنك بصراحة معجب بيها …..ومتقفش عند كده عشان ممكن تتكسف وتمشى عشان إنتا موضحتش إنتا عايز إيه…..قولها : أنا معجب بيكى ومش بقول كده والله عشان أصاحبك…لا أبدا….أنا فى دماغى إرتباط رسمى لو انتى موافقة طبعا……وكده يعنى….حاول تبينلها إنك جد…مش تافه

   بس أولا و أخيرا عشان ربنا يباركلك……حافظ على صلاتك…..يعنى متجيش تصلى إستخارة وتقول يا رب…وانتا مبتصليش الفرض
   صلى الفروض اللى عليك ربنا هيحبك….ولو ليك نصيب فيها ربنا هيوفقك معاها إن شاء الله….ولو ملكش نصيب معاها….فافتكر الاية اللى بتقول
   (ولا تمدن عينيك إلى ما متعنا به أزواجا منهم زهرة الحياة الدنيا وما عند الله خير وأبقى)

   و مـــــــا عنـــــد الله خيــــــــر و أبـــــــــقى

   وربنا معاك إن شاء الله
2. ولية تعرف اسمى

   

   13/10/2011 at 13:05

   بص انا بنت يعنى هى ممكن توقفها فى اى حتة وتقول لها انك بتحبها وعايز تتجوزة وانك هتخلى بالك منها وكل الكلام دى واكتب لها رقمك على ايديها وسبها وامشى وشوف وادعيلى ومتنساش تعزمنى على الفرح
3. koky

   

   24/07/2011 at 23:19

   ممكن تخلي اختك او مامتك تكلمها و تعرف رايها و تفهمها ظروفك لان ممكن يكون في حد من أريبها عايز يتقدم لها و مش من الصح ان تستني لحد سنة 4 و ترجع تندم اعرف دلوقت عشان متعلقش نفسك بحاجة
4. لللل

   

   10/07/2011 at 00:05

   أنا برأيي أنو تحكي مع أصدقاءك البنات و هن يحكو معها
5. rose

   

   08/03/2011 at 04:34

   السلام عليكم …رايي انك تحاول تكلمها او تلفت انتباهها لكن متخليش بينكم وسيط وخاصه البنات عشان هتحس انك بتكلم البنات فتبعد عنك وتخاف لالتزامهاوانت صاحب عزه نفس واذا استصعب عليك الامر خش البيت من بابه علي طول بس طبعاحاول تسال عن اهلها طالما عرفت بيتهاولعلمك شاب بظروفك ديه في الزمن ده يعتبر لأطه.وبعدين الخطوبه مفهاش مشكله وانت لسه في تانيه بالعكس دي هتساعدكم تعرفوا بعض اكتر وهتبقي حافز ليك في دراستك بدل ماتضيع وقت في التفكير (ياتري الظروف مخبيه ايه اكلمها ولالأ ارتبط بيها ولالأ….)توكل علي الله بس صلي الاول صلاه استخاره وادعي ربنا يوضحلك الخير
6. نهال

   

   06/02/2011 at 20:17

   بص انت متحاولش تدخل حد فى الموضوع ليبوظلك الدنيا انت الى لازم تتكلم معاها بنفسك بس حاول تكون بطريقه متحسسهاش انك بتعاكسها عشان متخسرهاش وربنا يوفقك يارب ان شاء الله
7. mmm

   

   26/01/2011 at 18:37

   تكلم مع وحده من صديقاتهاو اذا صار و اتكلمتوا اتكلم معاها به جديه و قول الها انك حبيت فيها اخلاقها و الادبها و كمان كلمت ابوك عنها , و شوف ايش راح تقول لك
8. توتا

   

   22/01/2011 at 22:31

   بص انت شوف واحدة صاحبتها واتكلم معاها قولها انك عاوز تتكلم مع البنت اللى بتحبها دى فى موضوع مهم ولو وافقت قولها ظروفك بظبط بس الاول كلم والدك لو هما وافقوا على خطوبة بس باباك هيوافق يروح لو وافق يبقى اتكلم معاها بصراحة وقولها انا اتكلمت مع والدى بس خايف نيجى نتقدم اهلك ميوفقوش على الخطوبة دلوقتى والكلام بئة هيجيب بعضة بس لازم تبقى مرتب كل حاجة مع والدك الاول عشان متكدبش عليها فى اى حاجة وربنا يوفق
9. همسه

   

   22/01/2011 at 02:11

   انا شايفه انك تبعتهلها واحده ملتزمه من زمايلك تقولها انك بتحبها وعاوز تخطبها ولوينفع اهلها يوافقو عليك مستعد تتقدم فى اى وقت يحددوه وتخلى زميلتك تفهمها ظروفك كويس وانك محرج تكلمها بنفسك عشان متفهمش غلط وانك مستنيها تفهم من اهلها ان كانو حيوافقو ولا لاء على ظروفك وكل شىء قسمه ونصيب بس عشان متحسش انك قصرت فى اى شىءوبالطريقه دى انت حتعجبها لانك انسان محترم وملتزم لان البنت الملتزمه تحب دايما ترتبط بشاب ملتزم وابن حلال زيك ربنا يسعدك اتوكل على الله
10. صلوا على نبيكم محمد(مسلمه

    

    21/01/2011 at 22:21

    انا من رايى انك تكلم بنت صاحبتها تقولها انك تريد الارتباط بيها بس المشكله لو قالتك انها موافقه وانت مش مستعد دلوقتى للخطوبه ولو قلت ليها انك تنتظر حتى سنه رابعه يمكن هتاخد الموضوع على انك بتقول كده علشان تتسلى معاه وبس لكن اعتقد ان الحل انك تكلم والدك انكم تربطوها بخاتم يعنى قرايه فاتحه دلوقتى وبس لغايه ما تخلص الكليه طالما انت جاهز يبقى مفيش مشكله وحكايه اهلها مش هيوافقوا دلوقتى بصراحه مش مقنعه لانك لو اتقدمت وشرحت وضعك المادى لهم وانك قادر على الزواج والموضوع انك منتظر لما تتخرج اكيد هيرحبوا بيك
11. الصقر

    

    21/01/2011 at 21:12

    مادامت زي ما بتقول بالمواصفات دية صدقني المحترمات كتير لكن المواصفات دية نادره فيهم بدليل ان اكيد معاك كتير في الجامعة محترمات …لازم تتحرك اتجاها باسرع وقت ممكن
    لانك لو ماتوفقتش لا قدر الله يبقى انت عملت اللي عليك ومش هتندم لانك اتحركت وعملت خطوه ايجابيه..طريقة التحرك انا لي راي تاني مادمت انت ماديا بفضل الله مرتاح ووالدك متفاهم تكلم معاه انه يروح يخطبها لك ((في كتير مخطوبين في الجامعه وبيكمله مع بعض الدراسه)) وخصوصا انك معندكش مشاكل الشباب اللي تعوقهم عن الزواج اولا الوظيفه ثانياالشقة مشكلة الملايين تعتبر معاك محلوله وبعدين سنه ونص مش مشكله خطوبه بس في تحركك مع والدك فيها مصداقيه وكده يبقى دخلت البيت من بابه ولم تقتحم صومعة هذة الفتاة عنوة…هذا راي
12. رشا السيد

    

    21/01/2011 at 15:45

    انتوا مش زمايل لو زمايل في نفس الجامعه عادي ممكن تكلمها بس بطريق لبقه شويه ماتدخلش في الموضوع علي طول تفهمها وجهه نظرك وعادي لو حصل خطوبه لحد ما اتخلص خطوبه سنتين مافيش مشكله صراحه الاول علشان تبقي خلصت تضميرك ربنابيقول اعقلها وتوكل فهمت صراحها الاول وسيب الباقي علي ربنا وهي حره مستريحالك حتوافق علي الخطوبه وتنستناك مش مستريحالك مافيش نصيب وماتزعلش البنات المحترمه كتير المهم تصرحها بانك معجب بيها وخاخد الموضوع جد وممكن تتقدملها بس الجواز لما اتخلص جامعه وتصارحهم بكدا علشان ممكن حد يسبقك وتقدم فحاول كلمها مش حيحصل حاجه فالاول والاخر انتوا زمايل
13. سيد العاطفى

    

    21/01/2011 at 13:49

    حاول تكلم واحدة من اللى معاكم فى الكليه وهى تكلمهالك وتعرفلك كل حاجه عنها وتقولك وانت هتعرف اذا كانت مرتبطة ولا لا وبتفكر ترتبط ايمتى؟ وموافقه على وضعك ه ولا لا؟وتعرف تفكيرها ازاى عن موضوع الحب والخطوبه والجواز؟ وتعرف نظام اهلها ايه فى الامور دى وكل حاجه والابنت اللى هتبعتها تكلمهالك هتيجى تقولك على كل حاجه وبعدها تقرر انت هتعمل ايه وربنا يوفقك ويجعلها من نصيبك
    ملحوظة)البنت اللى هتبعتهالها لازم تكون وحده الى حد ما قريبه منها وتكون واثق فيها جدآ والموضوع يبقى سر بينك وبينهاوما تخليهاش تقول لحبيبتك دى انك انت بالفعل يعنى تلمحلها بس
    ربنا يبسعدك ومن رضاه لا يحرمك وبارتباطك بالبنت دى يوعدك
    (سيد العاطفى)
    مصر–بنى سويف