مشاكل الشباب قبل الزواج

خاطب بس مش قادر انسى خطيبتي الاولى

اضيف بتاريخ: Wednesday, March 16th, 2011 في 09:09

كلمات مشاكل وحلول: الخطوبة, خاطب, مخطوبة, مشاكل الشباب, مشاكل الشباب قبل الزواج

28 رد to “خاطب بس مش قادر انسى خطيبتي الاولى”

1. جمال حسام

   

   10/05/2022 at 13:46

   عندى مشكله ومحتاج رأيكم ومساعدتكم

   كنت بحب بنت قريبتى وكنت بحبها اوى كنا بنتكلم من ورا امها فتره وامها عرفت ومنعتها تكلمنى وعملتى حظر على كل مواقع التواصل والبنت محاولتش تكلمنى من اى مكان تانى بعيد عن امها وتطمن عليا او انى ابقى حته واحشها بالعكس كل ما كنت ببعتلها صديق او صديقه تسمع سيرتى تعمل حظر ليهم وتفهمهم انها مش عايزانى وتطلب من اى حد ببعته يكملها عشان يقولها انى لسه بحبها ومقدرش اعيش من غيرها وكده ولسه بحبها وعايزها تطلب منهم يقولولى مبعتش حد يكلمنى واقفل الموضوع
   ده نهائي المهم انى دلوقتى خاطب وخطيبتى بقالها سنين من قبل ما نتخطب بتحبنى اوى المهم انى لو سبتها هتموت دى حاجه من غير مبالغه متأكد منها عشان اتخانقنا مره وسبتها يومين من غير ما اكلمها قعدت ليل نهار تعيط وكنت هترمى نفسها من البلكونه لما حست انى هسبها اخواتها اتصلوا بيا وقالولى وهما ناس متدينيين مش هيكدبوا المهم انى مش مرتاح معاها ومش شايفها زوجه مثاليه ليا ومش مرتاح معاها ومش شايف انها عوض ربنا ومعترض على القدر والنصيب ده عشان معملتش حاجه ف حياتى عشان يبقا ده حظى لا جمال ولا بعض من الخُلق ولما بتتعصب بتشتم المهم انى حاسس بالفرق بينها وبين خطيبتى او حبيبتى الاولى هى بصراحه بتتعامل بطيبه وحنيه معايا وبتسمع كلامى وعلى طول بتجبلى هدايا المهم انى لسه بحب حبيبتى الاولى جداً ومش ببطل تفكير فيها خالص وعايز اسيب خطيبتى بس ضميرى معذبنى وخايف لتعمل حاجه ف نفسها نفسي اسيبها بجد عشان مش حابب اكمل مع شخص مش شايف نفسي معاه وبحب حبيبتى الاولى وجدها كلمنى وقالى انها عايزانى معرفش قالى كده عشان هو طول عمره بيحبنى وعايزنى ليها ولا هى فعلاً عايزانى
2. حمودى

   

   30/11/2016 at 12:57

   الغريب فى الموضوع انك لم تذكر انها ندمانه . وانها كانت متسرعه فى رفضها ليك وانها تتمنى عودتك لها . ولكن الواضح انها لا زالت لا تكن لك اى مشاعر وان الموضوع من طرف واحد . وعشان كده انصحك متعملش في خطيبتك التانيه نفس اللى اتعمل فيك . وبردو ماتكملش معاها غصب عنك عشان ميبقاش ظلم اكبر . شيل الاولى من حساباتك فى الارتباط وما اقدرش اقولك انساها لأن قلبنا مش بزرار . اكتم حبها فى قلبك وتعامل مع التانيه بواقعيه وفتش على الحلو فيها وايجابياتها وقرر قبل الارتباط .
3. الطير المجروح

   

   17/11/2013 at 04:58

   لاتنظر الى الماضى فتحزن ولاتخاف من الحاضر فتفشل وانظر الى ربك لتفلح
4. المدمن الذكى

   

   16/08/2012 at 05:32

   انا زيك بالضبط فى الموضوع دة خطيبتى عملت كدة معايا بعد الحب والعطاء واجات كتير جدا وللعلم انها اقل منى فى المستوة الاجتماعى والمالى والتعليم بص انا حبيتها بجنون وهى كانت مخطوبة قبل كدة مرتين وانا التالت الحمد لله انى سيبتها انتة عارف بعدها لما ركزت فشغالى لاقيت نفسى انسان ناجح جدا جدا فوق ما اى حد يتصور حاول تنسها وانا دلوقتى بدور على بنت الحلال انسانة تقدر قيمة الحب للمحبوب
5. القط

   

   28/02/2012 at 00:03

   يا اخى انتا ما حبتهاش انتا اتعودت عليها ولكن
   البنت دى عنيها زيغة علشان لو انت اول حب بجد كانت حبتك
   ونصيحه من اخوك خد اللى تحبك و ما تخدش اللى تحبها
   علشان فى نوع من النساء لما بتعرف ان جوزها بيحبها بتسود عشتة
6. yasmin

   

   15/11/2011 at 20:47

   حاول تنساه خطبتك الاولي واعرف قيمت اللي بيحبك
7. القلب الحزين

   

   07/11/2011 at 21:08

   الله يصبرك لاني واقع بنفس المشكلة ولكني وصلت الى نتيجة انه يجب ان انسى الي باعني واخلص للي اشتراني
8. المهتدي بالله

   

   01/10/2011 at 14:20

   السلام عليكم ورحمة الله وبركاته
   “ما أصاب من مصيبة في الارض ولا في انفسكم الا في كتاب من قبل ان نبرأها”
   يا أخي أنا لن أقول لك كما يقول لك الاخوه الذي باعك بيعه وكلام من هذا القبيل لاني لا أعرف ملابسات فسخ الخطبه من قبل خطيبتك.واعلم أن الخطبه ما هي الا وعد بالزواج ويجوز الرجوع فيهامن أحد الطرفين . أليس أفضل لك أن تفسخ الخطبه الآن أم تتزوج انسانه لا تحبك أترضاها على نفسك وعلى كرامتك أن تتزوج واحده لا تحبك ولا تطيق العيش معك أم تتزوج واحده تتمنى لك الرضى لكي ترضى.
   يا أخي عجبالأمر الانسان فالممنوع دائما مرغوب.
   لا تفكر مطلقا في خطيبتك السابقه واذا تذكرتها تذكر أنها فسخت الخطبه وحتى بدون أن تبدي لك أسباب الفسخ حتى على الاقل لكي تستريح نفسك ( كان ممكن تقوللك انها لم تستريح أو لم يحدث توافق عاطفي تذكر لك السبب ولا تتركك هكذا في مهب الريح فريسة للفكر والارق والألام).
   عزيزي فكر في الانسانه التي معك والتي تريد ان تمنحك الحب والحنان وحاول ان تحبها واني والله لأشتم رائحة الخير فيها ( عندي احساس بالبلدي كده ان جزمتها أحسن من خطيبتك الاولى)
   واعلم أن الحب الحقيقي يأتي بعد الزواج وبالعشره الطيبه والموده والرحمه والعطاء ومعاني أخرى كثيره.
   عزيزي الحياه لا تقف على أحد انسى الماضي وعش حياتك وكن على ثقه بما عند الله
   “ولا تحسبوه شرا لكم بل هو خير لكم”
9. مريم

   

   19/09/2011 at 11:20

   ضدقني هذا ليس حب حقيقي كما ذكرتَ الحب الحقيقي متبادل وأقوى لانه متبادل تظن انك تحبها لانها كما قلت اول انسانة و ومشاعرك اول ماطلعت طلعت ليها هى
10. فرى مختصر فريدة

    

    29/03/2011 at 21:23

    الى يبع مرة يبع الف مرة وهى بعتك وانت متظلمش خطبتك اظن واضح الكلام
11. حورية

    

    18/03/2011 at 05:55

    وعليكم السلام ورحمة الله وبركاته أولا نود أن نهنئك على الخطوبة وربنا يتمملك بخير ثانيا نحن لانريد أن نعيب في خطيبتك السابقة وأرجو من الأخوة عدم فعل ذلك لأننا لانعلم ماهي ظروف البنت وماهي أسبابها لفسخ الخطوبة والله أعلم بحالها الآن ولكن الواقع والحقيقي في حياتك الآن هي إنسانة جديدة تحبك وتريد أن تشاركك حياتك فلا تخذلها وأترك لنفسك معها فرصة أن تنسيك خطيبتك السابقة وأعلم أن كل شيء في الدنيا تحت إرادة الله ثم المقدر والمكتوب يعني القسمة والنصيب فتوكل على الله ولا تنظر وراءك وأدعو أن الله يختارلك الأمر الصالح في كل أمورك
12. دموع في رداء الابتسامه

    

    18/03/2011 at 01:14

    اعتقد انك لو مكنتش شفتها زي ما انتا قولت كنت نسيتها صدقني انتا مش بتحبها انتا اتعودت عليها بس لانها اول انسانه في حياتك واتعلقت بيها وهي بعتك انساها وعيش حياتك مع خطيبتك التانيه اللي بتحبك وحرام تظلمها معاك فكر فيها هتلاقي نفسك نسيت الاولي هقولك علي حاجه اخيره وافهمها كويس جدا وفكر فيها لاتبيع من يحبك ولو لم يعطيك شئ ولا تشتري من لايحبك ولو اعطاك كل شئ
13. شمش

    

    17/03/2011 at 23:28

    اتقى الله فى بنات الناس الى انت بتحبها سبتك فى ادق الاوقات الى كنت انت بحاجة ليها ودى متنتظرش منها غير الخيانة بعد الزواج وزمبها اى البنت خطبتك الى وافقت عليك .ربنا يكرمك بالزواج الصالح ويرزقك بالذرية الصالحة
14. لؤلؤة

    

    17/03/2011 at 21:14

    انا رأي انك تشتري اللي اشترتك لأن اللي بيبيع اول مرة سهل يبيع تاني وانت اكيد هتنساها وحاول تعد تفكيرك عنها وتكتر من دعاءك لربنا انه يعينك لان البنت التانيه مش ذنبها انك تجرحها وعيش حياتك معاها عادي وحسسها ان هي اول حب في حياتك علشان متخسرش لتاني مرة وتذكر ان هي مش ذنبها اي حاجة
15. نور عيني

    

    17/03/2011 at 13:09

    اولا ازيك تانيا بص يابن الناس انا شفت حكايتك دى ومعجبنيش اللي انت بتعملو في نفسك دا ولعلمك مفيش حد بيموت من الحب وهيا بدل ماعملت كدا اكيد بتحب واحد تاني او كانت بتحب واحد وجرحها ومن ساعتها مش قادره تنسي ومش عارفه تحبك مش متخيله حد غيرو بمعني اصح انا بنت زيها ومجربه الاحساس دا فانت خليك مع خطيبتك اللي بتحبك وعايزاك وحتي لو الاوله دى قالتلك انا عايزاك ارفضها لانها بعتك من غير اى سبب صدقني دوس علي قلبك في الزمن اللي احنا فيه دا مفيش حب بجد
16. حياتى كلها لله

    

    17/03/2011 at 09:04

    يا اخى هي سابتك وباعتك وانت لسه شاريها كدا ماينفعش خلاص دة موضوع واتقفل انساها وعيش حياتك مش عشان هي ظلمتك وسابتك انت دلوقتى تظلم خطيبتك التانية لا حراااااام اتقي الله ومتفكرش فيها وخليك مع خطيبتك التانية وان شاء الله دى هي اللي هتسعدك وربنا يوفقك معاها وعايزة اقولك مجرد التفكير في واحدة تانية غير المرتبط بيها دة يعتبر خيانة حتى لو كان تفكير وبس راعي ربنا في خطيبتك وانسي خلاص اللي كنت خاطبها لان كل شيئ قسمة ونصيب وربنا يوفقك
17. asmaa rashwan

    

    16/03/2011 at 22:42

    اصعب حاجة فى الدنيا انك تحب حد مبيحبكش وانك تحس ان الحياة هتوقف عليه بس ربنا لما بيحبنا بيكشفلنا حقيقتهم متفكرش فيها تانى وحاول تحب خطيبتك التانية ان شاء الله هتسعدك اكتر من الاولى
18. هدولة

    

    16/03/2011 at 22:41

    انا رائيي تعرف اليبب ليه تركتك ازا السبب منطقي اتفهمو وحلو ازا بدون سبب او سبب تافه انساها وارمي الماضي وعيش الحاضر الله معاك
19. بوسى كات

    

    16/03/2011 at 21:12

    السلام عليكم
    ممكن اسالك سؤال لوسمحت
    انت وانت خاطب خاطبتك التانيه كنت بتفكر فى الاولى
    لو الجواب اه
    اقدر اقولك ان مينفعش تظلم معاك واحده تانيه ده حرام وتعتبر خيانه ليها
    ويبقى من الاول على البر يبقى لازم تسيبها تكمل حياتها مع اللى يقدرها
    ولو كانت بتحبك هتتجرح شويه بس احسن ما تفضل طول عمرها مجروحه ومخدوعه
    وهيبقى ده احسن حل ليك وليها قبل ماتتجوزا وترتبطوا ببعض وبعدين فى الاخر تنفصلوا
    يبقى من الدايه احسن
    تانى حاجه
    لو انت مكنتش بتفكر فيها وبتحب التانيه
    بس بمجرد انك شفت الاولانيه فافتكرت حبك ليها وفضلت تفكر فيها
    ممكن ده يكون مجرد حنين للحب الاولانى لان الحب الاولانى صعب يتنشى بسرعه
    ومحتاج وقت شويه
    ثالثا دى نصيحه منى ليك
    اللى باعك بيعه واللى شرالك اشتريه انا عارفه ان ده صعب
    وبعدين هى سابتك من غير اى سبب يبقى ازاى تقدروا ترجعوا لبعض تانى وبعدين هتكمل معاها ازاى
    وهى جرحتك

    انا عارفه ان الكلام ده ممكن يكون صعب عليك
    بس اصبر ومتتسرعش فى قرارك وحرام تظلم خطيبتك التانيه فقرر من البدايه
    لانت عايزها ولا لاء
    انا اسفه على الاطاله
    واسفه لوكان كلامى هيزعل حضرتك
    ويارب اكون فديتك بحاجه
20. ماهى

    

    16/03/2011 at 21:02

    حرااااااااااام عليك خطيبتك ملهاش ذنب
21. مجهولة الهوية

    

    16/03/2011 at 19:57

    ده كله قدر ربنا اصبر واللي مقدروا ربنا حيعملوا
22. meeed0

    

    16/03/2011 at 19:26

    ما دام بتحبها زي ما بتقول
    حتى لو مرجعتوش لبعد
    تقبل على نفسك إذاي إنك تهين واحده تانيه مدام مشعرك مش ليها دي لخطبتك الاولانيه
    حبك للأولى كبير ماشي بس إنت بأختيارك ده جرحت التانيه وهيا ملهاش زمب في أي حاجه
    قولها وبعدين سبها لان ده حرام عليك
    أم بنسبه لخطبتك الاولانيه
    حاول تكلمها وتعرف ليه سبتك يمكن تكون معزوره أو بتحب حد تاني مثلا
    أو مبتحبكش برده
    ولو بتحبك وندمانه
    يبقى ترجعلها
    لكن لو مرجعتوش
    يبقى تردى بنصيبك وبلاش تنساها مع واحده تانيه لان بكده إنت بتخنها
    بتخون حبك القديم
    وبتخون حبك الجديد لان مشعرك كلها مش ليها
23. احمد

    

    16/03/2011 at 17:36

    انصحك نصيحه لله وحده
    اوعى تفكر فى خطبتك الاولى لانها هى الى سبتك وكرمتك اهم من اى حاجه ونصيحه تانيه خلى بالك من خطبتك الى معاك دلوقتى وقرب منها لعلها هى دى الانسانه الى تسعدك وترضي ربنا فيك وتحبك والمثل الى بيقول خد الى بتحبك ومش تاخد الى بتحبها ده مثل صح
    ازاى تفكر فى وحده سبتك وباعتك وتسيب الانسانه الى خطبتها وتلاقيها بتحبك دلوقتى كمان وبعدين اصلا تفكريرك فى خطبتك الاول دى يعتبر اصلا خيانه لخطبتك دلوقتى
    انتى ترضلى ان خطبتك او مراتك تفكر فى واحد غيرك يبقه الى مش ترضيه على نفسك مش ترضيه على غيرك / ادعى ربنا انه يبعدك عنها ومش تفكر فيها واتكلم مع خطبتك وقرب منها وان شاء الله خير
    وتحياتى ليك وربنا يصلح حالك ان شاء الله
24. وفاء

    

    16/03/2011 at 17:06

    العقل اخى العزيز لان القلب لا يعرف الصح وربما تقع فى اخطاء لاتعرف عواقبهاولايرى فى الشخص الذى يحبه الى المميزات وليس به اى عيوب هذا رايى ولك انت ايضا راى
25. وفاء

    

    16/03/2011 at 17:03

    ااولا انت انسان مش بتعرف تحدد ايه الى عايزه وثانيا غير جدير لانك اذا كنت تحبها حقا لما ارتبطت باخرى فانت بهذا تعذب اخرى وربنا هيعقبك على كده وكمان لازم يكون عندك شخصية وكتير بيحب لكن فى الوقت المناسب بيلاقى الشخص المناسب الى يستهله وهذه تعتبر منك اهانة للاخرى فهى انسانة وثقت بيك بما عرفته عنك ارجو التفكير بالعقل وليس القلب
26. يارب صبرنى

    

    16/03/2011 at 16:34

    هو الاول انت لو هتموت على خطيبتك الاولى دى مترجعلهاش لانها مش بتحبك لو بتحبك عمرها مهتسيبك لكن فكر بعقلك الاول خطيبتك التانية دى محترمة وبنت ناس كويسين يعنى هتبقى زوجة صالحة ليك وام لاولادك بس انت اهم حاجة تصلى استخارة وتدعى ربنا يحببك في خطيبتك الاولى لو ليك نصيب فيها ودايما صلى قيام ليل وقول يارب حببنى فيها وحببها فيا واجمع بينا لى خير بس بالله عليك خلي نيتك انك مش تجرح حد ومتفكرش في الاولى دى كلنا بنحب حب اول ومش بيكمل عادة بس لازم نبص لقدام وان النصيب لازم نرضي بيه عشان ربنا الى كاتبهولنا
27. الحزينة

    

    16/03/2011 at 16:03

    مدام باعتك على طول كدة يبقى هيا ماكنتش بتحبك ويمكن ربناعمل كدة علشان ماتتظلمش معاها وانت ربناوفقك ببنت زى مابتقول اهلها كويسين يبقى استمر معاها وربنا ان شاءالله هيوفقك معاها وانت متفكرش في خطيبتك الولى لانها ماتستحقش التفكير بتاعك وحاول تفكر فى خطيبتك اللى معاك وان شاء الله ربنا يوفقك معاها وانت تستحق حد يحبك ويصونك ويخاف عليك وربنا يفرحك بخطيبتك
28. صحيحة

    

    16/03/2011 at 11:15

    انظر حولك هناك من يحبك
    ولا تنظر الي الماضي فهناك من يحبك بشكل غير عادي
    التفكير في الماضي هيأخرك مش هيقدمك