انا خاطب زميلة لي في العمل منذ 3 سنين وكل واحد فينا الأن عمره 32 سنة …لكن طوال ال 3 سنين اشعر اني لا احبها ولا اري انها مناسبة لي وحدثت مشاكل بيننا كثيييييييرة جدا وكلما اقاطعها اشعر انني مستريح نفسيا إلا أنها لا تستطيع تحمل الفراق ثم تكلمني في الهاتف او العمل ..احيانا تشعر انني شخص لا أطاق واحيانا تخبرني انها تحبني…االمهم انه في اخر ايامنا حدث بيننا تقبيل واحضان وحاجات زي كده يعني…..اكون بعدها كاره نفسي وكاره العيشة واللي عايشينها بس هي كانت بتحب كده وتطلب كده وانا كنت اتجنب خلوتنا واتجنب الكلام معها بشكل عاطفي علشان ده بيعطي الفرصة للأمور الزفت دي…انا الأن بشطب في الشقة استعدادا للزواج مع اني بقول في نفسي اننا هنتجوز وهنطلق لان انا مش مستريح معها ولا عاجبني اسلوبها….المهم حصلت مشكلة بيني وبينها من قريب فهي اتنرفزت وقالتلي والله انا بكرهك ومش طايقاك , وانا قلت لها والله وانا كمان …قالت لي شوف لك حل وكلم اخواتي وانهي الموضوع فقلت لها : هوانا هاجي بعد 3 سنين وافسخ الخطوبة( مع اني من جواي مش حابب الجوازة دي بس بقول تتم علشان خاطر ال3 سنين وموضوع التقبيل والأحضان والحاجات الزفت دي) ؟؟؟؟؟ اهي جوازة زي اي جوازة بقه وخلاص …لا فيهاا الفة ولا مودة ولا محبة…فما استحملتش الكلمة ورمت لي الدبلة ومشت…مع انها قلعت الدبلة مرة وز2 و3 قبل كده….المهم انا مش عاوز ارجع الدبلة والخطوبة تاني وناس كتيييير كلموني وقال لي حرام عليك ….انت ضيعت من عمرها 3 سنين…..بس انا مش عارف اعمل ايه؟؟؟هل اكمل الزواج علشان انا خايف من الذنب وانا مش حاببها وحاسس انها مش هي دي اللي انا عاوزها ؟ ولا اكمل فسخ الخطوبة,,
مشاكل الشباب قبل الزواج
خاطب من 3 سنين وعاوز افسخ الخطوبة
اضيف بتاريخ: Friday, September 1st, 2017 في 02:58
كلمات مشاكل وحلول: الخطوبة, بنت, شاب, فسخ الخطوبة
افسخ الخطوبة محدش مجبر يكمل جوازة علشان جبر الخواطر وفي الاخر تجيبوا عيال وتعقدوهم في حياتهم ولا تظلم نفسك ولا تظلمها سيبها واللي ضاع من عمرك مش قد اللي ها يضيع لو فضلت معاها
نعم حرام عليك 3سنوات من الخطوبة مع البنت وتجي عاوز تفسخ الخطوبة بكل بساطة وهي لو كانت ماتحبكش ماسمحت بالقبل والاحضان بينكما ولكانها تحبك فعلا وكل ماصدرمنها بيكون لحظة زعل اوخصام بسبب قلة اهتمامك بها وعدم سؤالك عنها وليه جاي بعد الثلاث سنين وتقول انك مش عاوزها ولاتحبها ولاهي المناسبة لي هذا ظلم منك لها وربنا بيحاسبك عليه استمر معها في الخطوبة وصدقني بعد الزواج هتلاقي انك تحبها فعلا فالحب الحقيقي ياتي بعد الزواج وده حصل معي شخصيا ومااقولك هذا الاعن تجربة حقيقية وسوف تذكر كلامي هذا وتفتكرني بكل الخير لاني نصحتك واريد لك الخير والسعادة مع الانسانة اللي تستاهلك وتقدرك وتسعدك في حياتك