انا شاب عمري 24 سنه من عائله ميسورة الحال وبدا أهلى يطلبوني بالزواج وانا عندي فعلا الرغبه بس بخاف كل ما الموضوع ده يجي وبتيجي فى دماغي حاجات كتير انى هفشل فى العلاقه بخصوص حجم القضيب انا روحت لدكتور وقالى أعمل تحليل هرمونات والنتيجه كانت 3.88ng/ml total testosterone والنسبه الطبيعيه بتكون بين 3.0-10 أما free testosterone كانت 13.0pg/ml والنسبه بتكون بين 10 _50pg/ml والدكتور لما شاف التحليل قالى تمام انته فى النسبه الطبيعيه مع العلم انى عرفت ان افضل الاوقات ال بيكون مستوي التستيرون عالى هي فى الصباح وكان التحليل ده الساعه 8 بالليل بعد يوم عمل طويل وشاق وقالت للدكتور ممكن اعمل تحليل وكده علشان الانجاب قال ملوش داعي لان ده بيعتمد تدخل فني المعمل والنتايج مابتبقاش سليمه وبالنسبه لحجم العضو عندي هو 11_12 طول عند الانتصاب والدكتور قال ليه ان حجم الخصيتان عندك لاكبير ولا صغير (وسط ) ياجماعه دلونى ارجوكم لان انا قرايت على النت موضوع من يومين قلقني حاله اسمها متلازمة كالمان وفيها الاعضاء الذكريه بتكون مش كبيره وده ممكن يجيب عقم وانا بحب الاطفال جدا وكذا فرصه تضيع ليه فى الزواج بسبب خوفى مع ان الدكتور قالى اتكل على الله وتزوج ولو حصل مشاكل بعد الزواج أحنا مع بعض ومتقلقش من حاجه ياريت تردو عليه
شوف يااخي بالرعم انني مش دكتور لكنني اعرف احسن من اي دكتور في الحاجات دي كل التحاليل التي ذكرتها توكد انك سليم ومايمنعش انك تتزوج ليه خائف وقلق من الناحية دي توكل على الله عزوجل وتزوج يابن الناس واستمتع بحياتك مثل بقية الشباب ومسالة طول القضيب كويس جدا 11- 12 سم وموضوع متلازمة كالمان التي قراتها دي لاتنطبق عليك وفيها اشياء مبالغ فيها جدا وزي ماقال لك الطبيب توكل على الله وتزوج ولوحصل شي معاك بامكانك الرجوع اليه وربنا مايجيب حاجة وحشة ويكرمك بابنة الحلال اللي تستاهلك وتسعدك طوال حياتك