بسم الله الرحمن الرحيم انا هحكى الموضوع كلو من الاول انا حالياً عندى 20 سنه الحكايه ان فى اول سنه دخلت فيها المدرسه الثانوى فى سنه اولى شوفت بنت عجبتنى جداً وحاولت اتكلم معاها لكنى كنت خجول وبخاف اكلم اى بنت وكده فمقدرتش اعمل حاجه وعدت سنه اولى وفى سنه تانيه اتكرر نفس الموضوع وبردو معرفتش اعمل حاجه وقبل ما سنه تانيه تخلص كان ليا واحد صاحبى بيكلم واحده صحبتها بس انا مكنتش اعرف انها صحبتها كنت فاكرها بنت من المدرسه عادى ولما شوفت البنت الى هو بيكلمها شوفت معاها البنت الى نفسى اكلمها قولت لصاحبى انى عوز اقرب من صاحبتها قالى مينفعش واعدنا نتكلم كتير وفى الاخر معملش حاجه بس عرفت اسمها وعدت سنه تانيه وفى الاجازه بتاعة اخر السنه لقيت اكونت بأسم البنت دي على الفيس مكنتش عارف اذا كانت هى ولا لا بس بعتلها اضافه واتكلمت معاها شويه لحد اما عرفت انها هى ساعتها كنت مبسوط جداً انى كلمتها وبعدين اتكلمنا مع بعض وصارحتها بالحقيقه هى صدقت بس خافت تكلمنى لحسن اجرحها خصوصا انها كانت لسه خارجه من علاقه بس الولد ده مكنش بيحبها المهم بعد اما قولتلها كده البنت قفلت الفيس لمده يومين وبعدين انا تعبت ودخلت المستشفى بسبب الموضوع ده واعدت يوم واحد وخرجت تانى يوم وبعدين لما فتحت الفيس كلمتها سألتنى مفتحتش ليه اليومين الى فاتو قولتلها الى حصل قالتلى الف سلامه عليك وراحت قافله وتانى يوم فتحت وكلمتها قالتلى انا مكنتش هفتح تانى بس لما عرفت انك دخلت المستشفى عشانى صعبت عليا وزعلت من نفسى طلبت منها رقمها رفضت طلبتو تانى رفضت وطلبتو المره التالته ادتهونى اتكلمنا مره واحده على الفون وكنا مرتاحين لبعض جداً وكانت خايفه جدا انها متكونش هى البنت الى انا بحبها وانا قولتلها تعالى نتقابل قالتلى انا رايحه انا وقريبتى نجيب لبس العيد ونزلنا واتقابلنا وكانت مبسوطه جدا وانا كمان كنت مبسوط جدا وفضلنا على كده لمده 9 شهور نتقابل ونتكلم فى الفون واوصلها المدرسه وكده اتقابلنا بالظبط 5 مرات خلال ال9 شهور لحد اما فى يوم صاحبتها الى هى بتكرهنى ومش بتحبنى خااااااالص الى هى بتكلم صحبى قالتلها هو مش بيحبك وانا هثبتلك راحت عملت اكونت على الفيس وكلمتنى بيه وقالتلى انا بنت وعوزه رقمك وكده روحت مديهولها وكلمتنى فى الفون انا معترف انى عملت غلط كبير جداً بس مكنش اصدى اعمل كده بس هو ده الى حصل لما البنت كلمتنى قولتلها انى مش مرتبط وان انتى اول واحده فى حياتى الى بحبها لما عرفت كده قالتلى ليه عملت فيا كده وسبنا بعض ومن بعد اما سبنا بعض انا مرطبتش بحد تانى خااااالص ولا هى وطول السنتين انا بحاول ارجعلها بس مكنتش بكلمها هى كنت بكلم صحبتها الى بتكرهنى ديه بس ساعتها مكنتش اعرف انها بتكرهنى كنت فاكرها عادى المهم كانت دايماً تقولى انها مش بتحبنى وانها مش عايزانى لحد اما فى مره فكرت انى اصارح مستر عندى فى المدرسه مستر بعزو زى اخوايا الكبير احنا الاتنين كنا عندو فى الدرس واتكلمنا فى الموضوع ده فى البيت عشان الدرس فى البيت المهم حكتلو وقالى لو انتا بتحبها استنى لحد اما تخلص دراستك وروح اخطبها انا الكلام عجبنى لكن انا عوز اسمعو منها هى عشان معلقش نفسى بحاجه وفى النهايه مش هتيجى فروحت مكلم صحبتها تانى راحت البنت الى بحبها راحت للمستر بتاعنا وقالت له انا عاوزاك تجيبو ونعد مع بعض ونشوف الموضوع ده لما روحت الدرس المستر قالى عوزك بعد الدرس قولت ماشى بعد الدرس لقتها اعده وانا روحت اعد جمبها بس بعيد عنها شويه وانا اعد باصصلها مباشر كده وهى عماله ترمى بعنيها شويه بعيد وشويه عليا وبعدين راحت قالت له بس هو كلم صاحبتى تانى راح المستر قالى عملت ليه كده قولتله عشان اعرف اذا كانت هتوافق عليا ولا لا فانا روحت سال البنت قولتلها لو اتقدمت هتوافقى قالتلى مقدرش اقول اه ومقدرش اقول لا قالت مانا ممكن اوافق ولما تروح لبابا يرفضك المستر قالى انتا كل اما تحاول تصلح الدنيا راحت البنت ردت قالت بينيلها اكتر وضحكو هما الاتنين عليا وبعدين البنت بتقولى انا الموضوع ده مش فى دماغى اصلا روحت قالها لو مش فى دماغك بجد بوصيلى فى عينى وقوليلى ان الموضوع ده مش فى دماغك فعلا راحت ضحكت وقالتلى مش هعمل كده انا روحت ضاحك وسكت وبعدين روحت قايم عشان امشى المستر قالى خلى بالك الشباك ده بيخلينى اشوف الناس الى نازله من عندى قولتله متخفش مش هكلمها راحت البنت ضحكت وروحت لابس الكوتش بتاعى ونازل ومن ساعتها وهى كل اما تيجى الدرس اول حاجه بتعملها بتبص على المكان الى بعد فيه فكرت فى مره وقولت لنفسى ممكن متكونش بتبص عليا وبتعمل كده عادى غيرت مكانى لقتها بتعمل نفس الموضوع ده دلوقتى بقا الى محيرنى انى خايف استنى لاخر السنه ولما اتقدملها تقول لباباها انها مش موافقه على اساس يعنى انها كده بتردلى الى عملتو فيها بس من خلال معرفتى بيها هى ممكن تعمل اى حاجه معايا الا انها تضحك عليا وهى مش اخلاقها انها تكدب عليا او تعلقنى بحاجه وكده يعنى فياريت اى حد شايف اى نتيجه من خلال الكلام ده يدينى رأيو لأنى بجد محتااااااار جداً وانا اسف انى طولت عليكم فى الكلام
ياحبيبي دي حركات بنات الظاهرانك غشيم اوووووووي وماتعرفش عن بنات حواءشي نهايا ثقف نفسك واقرالمزيدعن العايب وحيل ومكرودهاءالبنات وهتعرف صحةكلامي كل تصرفات البنت تقول انهاتحبك بجد بس انت للاسف رخم اوووي وقافل على نفسك البنات يحبو الكلام الرومنسي والغزل الشاعري والعواطف الجياشة مش تسبل لهاعيونك اوتقعد ترغي معهافي التلفون اوالموبايل لا البنت تبغا الشاب الجرئ الشجاع عشان تحس معه بالامان وتحب الشاب الشهم الكريم التقيل الذكي الحكيم مش الشاب البخيل اوالجبان اوالمتهوراوالغبي انته متردد ومرتبك وخايف وده يخلي البنت تقلق منك وتبعدعنك اكثر وربما تطلب انهاءالعلاقة نهايا لوانت فعلا تحبهاخليك راجل وروح اخطبهامن اهلهافورا وربي يسعدك ويجعلهامن نصيبك