انا بحب اخت صحبي كنت بروح عندهم كتير لكن كنت بعاملها زي اختي بالظبط وكنت بخاف عليها جدا وطبعا بحكم العلاقه اللي بينا وبين اخوها كنت بروح وبسهر معاهم كتير وكنا بنتكلم ف كل حاجه كأني كنت واحد منهم مش حد غريب وبعدين كان بيحصلها مشاكل كتير بسبب ان كان ليها واحده صاحبتها مش كويسه وبتكلم شباب كتير فكانت بتجيب سيرتها دايما للشباب اللي بتكلمهم فكنت بتدخل زي اخوها وكانت بتفضل انها تحكيلي بدل ما تحكي لاخوها لان اخوها عصبي شويه ومش بيعرف يتعامل مع المشاكل اللي زي دي وكنا بنتكلم مع بعض في التليفون كاصحاب واخوات لحد ما اتعلقنا ببعض جدا وحبينا بعض اتحايلت عليها كتير اني اقول لاخوها عشان مش اخسره او ميفكرش اني خونته بس هيا كانت دايما تقولي لاء انا اللي هقوله وفضلنا فتره كده لحد ما حصلت المشكله ان واحد راح لاخوها وقالو اننا بنتكلم وجت طبعا هيا قالتلي متقولش اننا كنا بنتكلم وكده واخوها لما سألها قالتله لاء محصلش وكذلك الامر انا بس طبعا هو زعل مني ع الكلام اللي اتقال وانا مبقتش اروح عندهم خالص واهله كمان بيقولوها لو هو جه واتقدملك احنا مش هنوافق عليه _ المشكله اني بحبها جدا وهيا كمان بتحبني اوي واصعب مافي الامر ان محدش بيشجعني اني اخطبها لان ناس كتير اتكلمت عليها وع سمعتها بس كله طبعا كدب لاني عارف كل حاجه عنها وعارف ان هيا محترمه جدا لكن سمعتها باظت وخصوصا اننا ف قريه وكمان اني في كلية هندسه وهيا دبلوم – بجد مش عارف اعمل ايه ولا اتصرف ازاي ؟؟
انت كداب ماتقولش الحقيقة اكيد في حاجة حصلت بينك وبين البنت اكبر من كده مش مجرد ان واحد شافكم تتكلموا راح قال لاخوها الافضل انك تحترم نفسك وتنسحب من حياة البنت دي واهلها لوكنت فعلا تريد لهاالخير وتقدر صاحبك اخوها
يا اخى دي لو من نصيبك لو وقف العالم كله قدامك هتاخدها فارجوك ركز علي الشهاده والشغل هما الاهم
وبالنسبه للمشكله دي خلي واحد صاحبك مقرب منك انت واخوها يشرح الموضوع لاخوها وياريت لو شرحت الموضوع انت بنفسك وحاول تفهمه انك كلمتها كام مره وبسبب المشاكل بس وانك اعجبت بيها بعد كده لانك لقتها محترمه
بس لازم تتدخل علشان تنقذ سمعتها ولو قدام اهلها لازم تخرج من صمتك وتصرف قدامهم كراجل يتحمل مسئوليه هتكبر في نظر الكل جرأ نفسك وكل شئ هيهون احسن ماتندم طول عمرك ان جتك فرصه وضيعتها
ويمكن لو فضلت ساكت تخسرها فعلا بس لازم تعرف انها لو نصيبك وربنا كتبها ليك هتتجوزها
وعسى ان تكرهوا شيئا وهو خيرا لكم وعسى ان تحبوا شيئا وهو شرا لكم
عفوا الشخص ده عرف ازاي انكم بتكلموا بعض