السلام عليكم ورحمه الله وبركاته
انا (م) بحب واحده من زمان انا وهى بنحب بعض من اكتر من 3 سنين واجهتنا مشاكل كتير بس الحمد لله كنا مع بعض بنقدر عليها بحسها جنبى على طول ولما تحتاج حد مش بتلجا لحد غيرى كتير بتقولى انت بابا وبحب خوفك عليا وغيرتك واكتر حاجه بتحبها فيا زى ما بتقول ان لما تغلط تيجى تحكيلى وازعق فيها واهم حاجه ان اسامحها ولو مسمحتهاش قبل ما تخلص المكالمه يبقى ممكن تموت نفسها انا بعاقبها ان ممكن ااخر مسامحتى ليها لحد اخر الليل بس وبعدين اكلمها واقولها سامحتك بتكون طايره من الفرح وانا كمان بكون مبسوط جدا من فرحها.
من شهر فات عملت حاجه غلط انها كلمت شخص على الفيس بوك محكتليش غير بعد اسبوع ساعتها انا فضلت 3 ايام مكلمهاش وترن عليا ومردش لما كلمتها قولت ليها ان دى اخر مره تحصل الحاجه دى على الفيس
اول امبارح بتقولى الحساب بتاعها على الفيس بوك مش عايز يفتح انا اخدت منها الباسوورد وجربت وعرفت افتحه لسه هقفل وصلت رساله من نفس الشخص اللى زعلت بسبب انها كلمته معملتش اى حاجه غير ان هزقته الاول وبعدين كلمتها واول ما فتحت عليا قولت ليها مش عايز اكلمك تانى وافتحى صفحتك وانت تفهمى فعلا فهمت وعرفت ان انا عرفت وابتدت ترن وانا مش برد طبعا
ابتدت تبعت رسايل اعتذار وانها مش عارفه حصل كيف انها كلمته تانى مع العلم ان الشخص ده استحاله ترتبط بيه نظرا لبعده واختلاف العادات والثقافات بينهم ابتدت كمان فى رسايلها تطلب منى السماح مش اكتر من كده وقالت” والله مكنش فى اى حاجه بينا وانى عارف ان عمره ما يكون فى حاجه وانها مش بتحب حد غيرى بس هى عارفه ان غلط ان هى كلمته تانى” قالت” سامحنى وهمشى خلاص لو انت مش عايزنى تانى سامح بنتك يا بابا قبل ما تمشى وتبعد” بصراحه انا بضعف جدا قصاد دمعتها اللى بحس بيها من بعيد بس المره دى مضعفتش بعتلها رساله وقلت ليها “مش بمزاجك تفضلى او تمشى انا هاخد وقت افكر شويه ما بين 15 او 20 يوم وبعدها اقرر انا هعمل ايه فى علاقتنا” طبعا اختيارى للفتره دى كمده للعقاب مش للتفكير وبس كمان انا عيد ميلادى فى الايام الجايه دى وانا كتبتلها “انت مش هتكونى معايا فى عيد ميلادى ولا هقبل منك هديه ولا هسامحك الا بعده وبعد التفكير” لكن برضه محتاج حل اوصل ليه
ارجع اسامحها زى ما بعمل مع لفت انتباهها ان ممكن لو حصلت اى حاجه تانى هتنهى العلاقه بينا
ولا متنازلش عن حقى فى الاخلاص منها زى ما انا مخلص ليها ومرجعش ليها تانى
#فكروا_معايا
#دول_3_سنين
