كنت اعرف بنت مطلقه لكنها حبينا بعض وكانت متدينه جدا وجوازها الاول اهلها غصبوها عليه وطلقت بعد شهر منه .. بعد ما تعرفت عليها ودخلنا فى قصه حب طلبت منى اتقدملها ووعدتها بكده وفضلت ااجل فى معاد الخطوبه وانى اروح لاهلها بسبب ظروفى الماديه وكانت راضيه ومستنيانى .. ولكن للاسف فى شخص قالى كلام عنها مش كويس ورحت اسأل عنها عند صديقه ليها كنت ضايفها على الفيس وعن اخلاقها وصاحبتها انكرت ده وفعلا اتاكدت ان كان كلام غلط .. لكن بعد فوات الاوان لان صاحبتها للاسف راحت قالتلها انى بقول كده .. وفوجئت انها جيه بتلومنى وبعدها عملتلى حظر على الفيس وغيرت رقمها كمان .. حبيت اصالحها وبعت حد ليها لكنها قالت لو عايزنى يجى يخطبنى زى اى حد ونسال عنه كمان .. وبقيت كل ما حاول اكلمها من حساب فيس تعملى حظر .. فانا محتار هل هيه اتغيرت من ناحيتى وبقت بتعتبرنى زى اى حد ولا ايه وهل حبها ليا راح بالحظر الكتير اللى بتعمله ليا .. وازاى لو بتحبنى تستحمل ما تكلمنيش لمده شهرين .. ياريت تفيدونى انا عايز اخطبها بس شرط تكون لسه بتحبنى مش اكون مجرد عريس
