انا شاب فى ال27 من عمرى مشكلتى انى نفسى احب واتحب لان عمرى ما حبيت انا حتى عمرى ما عاكست ومش عارف لو جيت اتعرف على بنت اتعرف عليها ازاى واقولها ايه انا حاسس انى خجول وانى عديم الثقه بنفسى ودى حاجه مصعبه عليا الموضوع اكتر ومش عارف هل انا كده عشان بشرتى سمرا ولا عشان عشت فى مشاكل كبيره من صغرى اول المشاكل دى ان اهلى اتوفو انا بجد نفسى اتعرف على واحده تحتوينى وتعوضنى عن الاسى اللى عشته فى حياتى كمان بحس انى محرج من نبره صوتى انا مش عارف اعرض المشكله دى على شخص لانى اتعودت اكتم زعلى انا بجد فى قمه الاحباط ونفسى الاقى حل للمشكله دى ارجوكم حد يساعدنى
انا مثلك ولكنني مختلف عنك في شئ وهو انني اترك كل شئ في قدر لله ان اراد الله لي شيئا فسيكون والصبر لان الله يحب الصابرين انصحك اذا كنت تعمل فحاول التعرف في النترنت او الاستعانة باحد اقاربك وبطبيعة الحال يجب عليك ان تتعرف علي شريكتك وتحبها وتشعر بحبها تجاهك واتمني لك التوفيق
الكويس فى الموضوع انك قدرت تحدد مشكلتك بالظبط مبدأيا ات قدرت تفهم انك عشان تقدر ترتبط لازم تبقى شخصية تخلى اللى عايز ترتبط بيها تقتنع بيك وبانك تكون الشخصية اللى تخليها تقرر بحسم وبسهولة انها تشاركها حياتها .. اولا حتى عشان نفسك كمان مش عشان اى حد تانى كان المفروض من زمان تعالج مشكلتك بثقتك فى نفسك لكن الاوان لسا مفاتش يعنى هحاول اقتح عليك بعض الاقتراحات ممكن حاجة فيهم تساعدك ، اولا انت راجل ومن اهم الحجات اللى تخلى اى رجل عندو ثقة فى نفسو قدرتو العضلية وشكل جسمو ، ابدا روح جيم من دلوقتى وابنى جسم حلو الجيم مش بس بيعمل عضلات الجيم بيعلم الصبر والعزيمة والرياضة بشكل عام بتحسسك بان حياتك بتتحرك وهتحسسك بقيمة نفسك واد ايه انت هتتحول لشخص ايجابى وشخصية قوية وطموحة لما تبدأ تمارس اللعبة دى .. تانى حاجة حقك انك ميعجبش صوتك او طريقة كلامك ودى كمان حاجة تقدر تغيرها ، اتفرج على افلام اجنبى كتير بالرغم من انها لغة مختلفة لكن هتتعلم منهم حاجة كتير فى اسلوب الكلام حاول تقلد وتجرب مرة ورا التانية لحد متقدر تعمل لنفسك اسلوب يليق بشخصيتك .. تالت حاجة بتقول ان بشرتك سمرا .. انا معاك ان العيون الزرقاء بتعمل فى الناس عمايل غريبة 😀 .. لكن هقولك على سر انا كمان بشرتى سمرا لكن اتعلمت ان الشخصية بتبان حلوة مش لما عنيك تبقى زرقاء ، الشخصية بتبقى حلوة لما تبقى كلك على بعضك لايق على نفسك .. بمعنى لون بشرتك لما تلبس عليه طقم مناسب ليه مع شخصية مناسبها ليها ساعتها هتبقى تلاقى لنفسك جاذبية مختلفة وسط اللى حواليك زيى كدا 😀 .. دى مجرد اقتراحات ليك عشان تخلى حياتك تختلف يارب اكون افادتك !
اخي العزيز انت احسن من غيرك من الشباب التافهين الغير اخلاقيين بالمرة قل الحمدلله على النعمة اللي انت فيها وصدقني البنات ماوراءهن الا الهم والغم والمشاكل والبلاوي والفضائح اقولها لك عن تجربة حقيقية حصلت معي عرفت بنات كثيرات من جنسيات مختلفة واشكال والوان مختلفة سوا عبر الهاتف اوالموبايل اوالنت وكل وسائل التواصل كانت مرحلة شباب وطيش وتهور ومراهقة ولكن الحمدلله توبت الى الله عزوجل واقلعت عن المحرمات والمعاصي وعرفت طريق الهداية والاستقامة وتزوجت ابنةالحلال الصالحة مراتي ام عيالي عوضتنى عن كل مافات من عمري ولقيت معها كل الخيروالرضاوالسعادةوراحةالبال والاستقرار في حياتي اتمنى انك تعرف طعم السعادة وتدور لك على ابنة الحلال اللي تشاركك حياتك ونشاءالله هتلاقي وربنا بيكرمك بكل الخير اكثرمن الدعاءلخالقك عزوجل وحافظ على دينك واخلاقك وتربيتك واجتهد في حياتك واشتغل وكون نفسك والتوفيق والنجاح بيدالله عزوجل صدقنى الدنيا لسه بخير وفي بنات كويسات ومحترمات يريدن العفاف والستر ابحث عنهن وهتلاقي من اراد الحلال وسعى فيه ربنا بيوفقه ويكرمه اتمنى لك دوام التوفيق والسعادة ونشاءالله نسمع عنك اخبار سارة وسعيدة تشرح القلب بانك لقيت ابنة الحلال اللي عاوز ترتبط بها وفقك الله يااخي العزيز ويسر امرك واكرمك من واسع كرمه وفضله