أنا إنسان عادي جدا بحب واحدة وبأعشقها عشق جنون والله العظيم بأعشقها وعمري ما فكرت يوم طول علاقتنا مع بعض إني أخونها أو أفكر ف غيرهابس مشكلتب معاها الغيرة الشديدة. مش قادر أفكر أعمل معاها إيه… أولا شغلي جنب بيتها لزق وشايفاني طول الوقت وبأخرج معاها بقية اليوم يعني مفيش وقت بأقضيه بعيد عنها غير وقت النوم… هي ماكانتش كدة… في واحدة قريبتنا من سني تقريبا جت سكنت ف الشقة إللي تحتنا وهي متجوزة وجوزها مسافر للخارج… المهم الواحدة دي متربية معانا ف البيت وكنت بآعاملها والله زي أختي… المهم حبيبتي كانت عندنا ف البيت ولقيت قريبتي دي بتنادي عليا فقمت أرد عليها وكانت أمي هي إللي مخلياها تنادي عليا وفي اليوم دا بداية الخراب ع حياتي… إبتدى الشك واﻹتهام وبا إما أمشي قريبتي دي من البيت يا إما يكون في بينا علاقة…. والله العظيم بقيت أتلاشى ألمح قريبتي دي علشان ما أزعلش حبيبتي…. وهي مصممة إني علشان أثبتلها حبي لازم أطرد قريبتي دي من البيت يا إما إن في بينا علاقة ووالله العظيم والله العظيم أنا بريء من كل اﻹتهامات دي ومش عارف أعمل إيه… مع العلم إني ما أقدرش أستغنى عن حبيبتي…
انا فتاة واقول لك ان الغيرة فى اى بنت دليل على العشق والولع ، لكن صراحة انا لست مع فكرة طردك لقريبتك لانها فى النهاية انثى لا تجرحها فى كرامتها ابدا
وتزوج قريبتك وعيش بعيد ده دليل قوى على الحب الصادق لان الزواج مقبرة الحب
اخي لازم تعرف ان الغيرة شي طبيعي في بنات حواء دون استثناء وماتفعله حبيبتك دليل على حبها لك وخوفها عليك وعلى مستقبلها معك عايزك تطمنها انك مخلص لها تحبها اكثر من اي احد ثاني ومافيش بينك وبين قريبتك دي اي حاجة وتهتمي بالفتاة شوي وتحسسها وتعطيها الامان والثقة ونشاء الله تبطل غيرة وشك من ناحيتك والثقة مطلوبة بين اثنين يحبو بعض وانصحك بسرعة الزواج من الفتاة حتى تنتهي كل مشاكلكم والله يجمع بينكما على الخير ويتتم لكما عماقريب نشاء الله ويسترعليكم ويصلح احوالكم جميعا