عايز اتقدم لواحدة وخايف اتأخر

السلام عليكم ، انا طالب في اول سنة في هندسة و عايز اتقدم لبنت معايا في السكشن ، هي ما تعرفش اني عايز اتقدملها اصلا ، مجرد الحوار اللي دار بيننا هو انها طلبت مني حاجات في الدراسة علي الماسنجر في آخر الترم الاول و كان حصل موقف مش لطيف قدامي بخصوصها ف اديتلها نصيحة و هي الحمد لله تقبلتها ، انا كنت ناوي اتقدملها بعد نهاية الترم التاني بس المشكلة اني لسة في اول سنة دراسة في الجامعة و لسة معايا اربع سنين و كمان لسة فيه جيش ، ووالدي ووالدتي متوفيين و مش عارف اذا كنت هاقدر اجمع مبلغ في فترة مناسبة ، مع اني نويت اني هاشتغل اي حاجة اثناء الدراسة في السنين الجاية بس دا مش هيبقي كافي ، وكمان انا ما اعرفش ايه هي روتينات التقدم لخطوبة واحدة ، و خايف لاتأخر ، كمان علشان تبقوا فاهمين انا انطوائي جدا بس الحمد لله لما باحس ان فيه حاجة غلط باحاول اغيرها حتي لو كان صعب اني اتكلم

مشاكل وحلول ذات صلة

• اتصرف ازاي مع خطيبتي قبل الزواج
• احب بنت عمى ولكن اسرتى ترفض لسنها وكليتها
• اسيب حب عمرى وارضى ابويا بأى جوازة؟
• هل اعتبر خائنة لحبيبي الحالي
• عايز ارجع تاني اكلمها وافاتحها في الخطوبة
• سلمت نفسي لشهوتي
• تأخير الارتباط الرسمي بدون سبب