مش قادر احس بيها ولا احبها

ولد 18 سنة اول سنة ليا فى الجامعة تعرفت على بنت زميلتى هيا الى عرفتنى عليها مقدرش انكر ان اعجبت بأخلاقها ورقتها وهيا كانت مؤدبة جدا
كان فى اعجاب خفيف من ناحيتى لكن هيا كانت معجبة بيا جدا . بدأت اتكلم معاها على الفيس خدنا اطار تانى وبدأنا موبيل تسأل عليا واسأل عليها وكدا
كل دا وانا من ناحيتى عااادى خالص مجرد زميلة .. لكن فى حاجة حصلت هيا جابتلى هدية فى الجامعة بمناسبة الفلانتين كانت قالتلى قبلها بيوم ان انا لو جبتلك هدية تخدها منى ولا لا فقولتها وانا اية الى هيخلينى مش اخدها . بس فجبتلى هدية صحابى شافو الهدية طبعا كلام كتير وان خلاص ارتبطنا ببعض مقدرش انكر انو كان يوم جميل اوى اوى وتقدر تقول من اجمل ايامى بس كتبت على الفيس ان دا يوم جمييل اوى بالنسبالى وكدا طبعا انا اتلخبطت هنا ومكنتش عارف اية الى بيحصل وكدا بس كنت عارف ان كدا خلاص ارتباط وانا كنت ضد ان انا ارتبط نهائى فى الوقت دا بس حصل خلاص .. ومن ساعتها موبيلات بليل بس انا عمرى ما قولتها بحبك وجت فى يوم بتقولى ممكن تشغلى اغنية اليسا (تعبت منك) بس فشغلتها وهيا كانت معايا على الخط سمعت كلام جرحنى اوى من الاغنية ووقفت بعد دقيقتين من الاغنية وقولتها حاجات غريبة زى انا ضد فكرة الارتباط وانا اساسا عندى مشاكل كتير فى العيلة ومينفعش ان ارتبط خالص بس دا مينكرش انى اعجبت بيكى جدا وانا خايف ارتبطت بيكى وبعد سنة تفشل وكدا وساعتها هتكرهينى وفجأة بدأت فى انهيار وبكت كتير اوى حولت اهديها واقولها انا جاى الجامعة بكرة ولزما اشوفك وكدا ( بعد المكالمة حسيت براحة انا قولت الجملتين دول بس بعدها حسيت ان انا انسان زبالة ان خليتها تعيط ) ورحت الجامعة وقعت معاها شوية وقولتها انا خايف ارتبطت بيكى وعلاقتنا تفشل زى معطم علاقات الجامعة قالتلى لا اية الى هيجيب مشاكل وكدا وفجأة بدأت بغضبها عليا انتا عارف كلامك امبارح يعنى اية يعنى بتقولى امشى بس بطريقة مهذبة انتا ازاى تعمل كدا وانتا وانتا … انا كنت حكيت لصحبى على الموضوع وفجأة دخل وقال بصى يا بنتى بيحبك بس هوا خايف ان العلاقة تفشل فى المستقبل وكدا وان انتى فى نفس سنة وهوا لسة مكونش نفسة ولسة قدامة جيش ويدور على شغل وووو انا فعلا كدا بس انا لسة مش الحب الى هوا انا لسة مش بحبها الحب 100% وفجأة بيقولى لزما تصالحها وتقولها بحبك وكدا انا كنت فى حالة زهول مش عارف اعمل اية انا كنت خلاص هفكرش بعد حوالى شهر ونصف بتمناها لانى عمرى ما كسرت قلب حد قبل كدا .. وبس هيا معايا دلوقتى ولسة بكلمها موبيل بليل وبشوفها فى الجامعة بس والله عمرى ما قعدت لوحدى معاها فى الجامعة لان مش حاسس ان فى ارتباط دى حكايتى اسئلتى بقى علشان تتدخل معايا فى صلب الموضوع
0 تفدر تقول من كتر خوفها عليها وحبها ليا اووووى بدأت انجذب ليها بس هيا دايما مش فى بالى دايما الى بيحب حد يكون فاكرة علطووول
0 الحاجات الى منعانى منها سنها قدى بالظبط وانا ضد الفكرة دى خالص تانى حاجة جسمها صغير اوى اوى بتعامل مع طفلة
0 هيا بنوتة خااام خااالص متعرفش حاجات كتير خالص مش مجنونة وانا كان من مواصفات البنوتة بتاعتى انها تكون مجنونة بعقل هيا مؤدبة بس
0 السطر دا غريب شوية بس لزما اكتبة فى اساسيات فى حياتنا بتقول خد الى يحبك متختش الى تحبة ( انا مش مقتنع بالمقولة دى ) تانى حاجة بيقولك طالما البنت مؤدبة يبقى خلاص ( بردو انا مش مقتنع بردو طب ما انا ممكن اقابل بنت مؤدبة ومجنونة )
انا تعبـــــــــــت جدا من كتر التفكير اسبها واجرحها دلوقتى ولا اسبها بعدين برجع واقول طب وتسبها لية طب ما انتا هتعلمها بس المشكلة دماغها مش زى دماااااغى فى حاجات كتير مش عارف بجد مش عارف اية الى حصل
0 المشكلة الاكبر انا انا وريت صورتها لماما وبتقولى دى بنت صغيرة خالص دى اختك( 5 ابتدائى) اطول منها بقى دى الى انتا عايز تتجوزها
بجد تعبت مع انى انا لو بحبها لا كان امى ولا اى حد لية دخل طالما دا اختييارى مش لاقى حل …. شكرا ارجو الرد

مشاكل وحلول ذات صلة

• افتكرتها بتحبني قالتلي معرفكش
• هو انا كدا مبقتش احب حبيبي عشان خنته
• استادي الجامعي ينظر الي كثيرا
• انا مريضة وممكن المرض يوقف بطريق حبي ليه
• يحبنى ويكذب على ولا اعرف لماذا
• ناوي اخطبها بس سني صغير شويه
• لو حبيبى مجاش هل اقبل العريس التانى