قريت فاتحة جواز صالونات .. وبعدين بنتعرفو على بعض شهر وانا حاسس اللى انا بوريها اعجابي بيها وهي لا … ممكن اطلب منها حاجة تنسي .. لما اعد اقولها فى كلام رومانسي تسكت وومكن فى الاخر تبعتلي رسالة زي ربنا يخليك ليا .. ولما بتعمل حاجة بتزلعني وابين اللى انا زعلت ولا تيجي تصالحني ولا حاجة بالعكس بتسألني انت زعلان من حاجة ولما باصرحها باللي عملتو زعلني تزعل هيا لا طبعا فى حاجات كتير مش عجباني زي العند مثلا .. كنت بفكر في يوم اسيبها امها واخوتها بيحبوني جدا واللى زود البله طينة ابوها الله يرحمه مات بعد قرايت الفاتحة باربعين يوم .. مش عارف وشي وحش ولا سلمني الراية دا خلاني اتراجع شوية عن اني اسيبها بس بتعذب فى فهم دماغها .. وهي بردة انا اول واحد تعرفو وا انا مش شاكك فيه هي باين عليها الاحترام بس قلبها متحجر وممكن تتوصف بعديمة الاحساس .. دي اعمل معاها اية اسيبها ولا اصبر عليها يمكن تحبني وتستغني عن كل كبريائها وعزة نفسها دي .. للعم انا شخصيتي قوية جدا بس انا مبحبش اكلمها فى اية حاجة دللوقتي علشان هيا متتخنقش مني .. انا قاري فاتحة بقالي شهرين لسة بدري على انها تقولي على احساسها ولا هي كدا باردة فعلا ؟؟؟ .. الظروف بالنسبة للعيتلين مناسبة جدا
كنت لسه هقولك شكلك اول واحد تعرفوا
ده طبيعي جدا
شهرين فتره قليله وبعدين كُلها لك في النهاية
اصبر عليها كتييير وفي الاخر هتلاقي فيضان مشاعر وسد بقى يا رومانسي
والله ساعتها هتزهق وتتمني الاول ههههههه هتحس بنعمة اللي انت فيه دلوقتي
اصبر عليها وراعي عدم خبرتها في انها تتعامل معاك ازاي خليك بسياستك دي
اما كونها انها مش بتصالحك فشكلها اصلا متعرفش انك زعلت
تقريبا هي بتتصرف بتلقائية وده مصلحه ليك الصراحة اريح كتييير
وبعدين يا سيدي ده انجاز انها تقولك(ربنا يخليك ليا)
انت بكده قطعت شوط كبير في الشهرين دول
ربنا يباركلك فيها