انا عندى 22 سنة حبيت واحدة صاحبتى عندها 20 سنة كانت لسة خارجة من علاقة حب 4 سنين مع حبيبها لانه خانها و حبتنى بعد ما علاقتها انتهت بيه ب تلات شهور —-من اول يوم و انا خايف انها متكونش نسيت حبيبها الاولانى او انها متكونش حبانى بصدق مع العلم انها هى اللى فتحت معايا الكلام و بشوف فى عنيها و تصرفتها حب ليا ——-كذا مره حبيبها يحاول يرجعلها هى معاها و تقولى انها بتصده و فيه كذا واحد بيحبها برضه و ساعات لما تبقى عايزانى اغير تبعتلى كلامهم ليها ——انا قلقان من حوار علاقتها و حبها الاول و قلقان ن حوار الناس اللى حواليها —افيدونى البنت اللى فى الحالة دى بتتصرف ازاى عشان اعرف راسى من رجلى
فكر الاول كويس بعقلك وانت اللي في الموقف
ففي تفاصيل كتيرة تؤكد انها بتحبك ولا لأ
وجايز يكون انت جيت لها في وقت مليت فراغ هي حست بيه مرة واحده من حبها الاولاني
وبعدين مفيش واحده بتحب بصدق وتقول لحبيبها ان في كذا وكذا بيكلموني وحبيبي الاولاني عايز يرجع وبصده
لانها لو بتحبك اكيد هتخاف على مشاعرك انك ممكن تزعل من حاجه زي دي
والطبيعي انها متقولكش ده لان طالما بتحبك فالمفروض ان الحاجات دي متشغلش بالها
والحب مواقف بتحصل بين اثنين مش كلام