مشاكل الشباب مع البنات

هل فهمتني غلط وافتكرتني بعاكسها

بحب واحدة حب كبير جدا اول مرة شوفتها كانت فى درس فمشيت وراها عشان اعرف بيتها فين بس كانت بتوه منى لحد ما عرفت بيتها فين فبقيت كل يوم بروح هناك يمكن اشوفها و ساعات كنت بشوفها و ساعات تانية اكتر ما بشوفهاش و استمريت على الحال دا لأكتر من شهر او شهرين لحد ما فى يوم قررت انى اروح اقولها انى بحبها بس لما كنت بقف أدامها مبعرفش اعمل ايه فمبقولهاش و بمشى بس انهاردا قررت جوا نفسى انى مش همشى من هناك غير لما اقولها فرحت و وقفت مستنيها اكتر من ساعة لحد ما هى جت و كانت معاها صاحبتها و صاحبتها دى مش بتسبها غير لما توصلها لحد باب البيت فمكنش أدامى حل غير انى اندهلها و هى مع صاحبتها المهم لما هى جت اترددت كتير عشان اقولها بس اول ما عدت من ادامى قمت منادى عليها و فضلت انادى بس هى ما بصتش وراها حتى و دخلت بيت صاحبتها و قفلت البوابة و طلعوا الدور الاول تقريبا وكان فيه شباك باصص على الدور دا فلما جيت ابص عليه من بعيد قامت قفلت الشباك جامد فمبئتش عارف اعمل ايه فكتبت على ورقة ( يحبك يا *** ) و قعدت مستنيها تنزل فوقفت فى جنب عشان محدش يقولى حاجة او كدة يعنى المهم هى نزلت و انا كنت بعيد شوية فمعرفتش اوريها الورقة زى ما كان فى دماغى فقعدت واقف مش عارف اعمل ايه فقعدت افكر شوية و قولت فى نفسى يعنى هو دا اخر الحب الكبير اللى انا حبيته فجت فى دماغى فكرة كتبت على كذا ورقة كلمة ( بحبك ) ولزقت الورق دا فى كل الادوار إلا الدور الأخير ( اللى هى ساكنة فىه ) و لما روحت لقيتها كاتبة فى الفيس و عاملة تاج لصاحبتها اللى كانت معاها و كتبت ( انتى الى فى وجودك امان ) فدا معناه ان هى فهمتنى غلط و افتكرتنى بعاكسها و مش عارف اعمل ايه دلوقتى فبرأيكوا اعمل ايه