الموضوع هوا ان كان فيه بنت ساكنه معايا فى نفس العمارة بمعنى اصح كانوا مأجرين مننا شقة فى العمارة وكان دة من 15 سنه وهيا اتولدت فى الشقة دية وانا اعرفها من ساعتها و انا اكبر منها بتلت سنين وكانت جدتها ساكنة فى العمارة فكانت تقريبا كل يوم كانت بتنزلها ف انا كنت تقريبا بشوفها كل يوم بس نظرتى ليها كل مرحلة فى حياتى كانت بتختلف يعنى فى الابتدائى كانت نظرتى ليها عادية جدا بس لما وعيت شوية فى الاعدادى حسيت كدا ان انا ابدتيت اتشد ليها ولما وعيت خالص فى الثانوى حسيت ان انا الصراحة كدا بقيت مجنون بيها وحاليا هيا واهلها سابو العمارة وراحوا خدوا شقة تمليك والموضوع دة من اربع سنين و هيا فى اولى ثانوى وانا فى اولى طب حاليا المشكلة بقى ان انا خجول شوية يعنى فى خلال المدة دية انا مقدرتش اقرب منها خالص ولا حتى اكلمها لدرجة ان انا عملت فى يوم اميل بنت علشان اكلمها على الفيس واعرف عن شخصيتها اكتر واكتر وحصل واتكلمنا و من خلال كلامى معها اكتشف انها محترمة جدا وسألت عنها الناس قالولى عنها كل حاجة كويسه زائد انها جميلة جدا بزيادة مش فى نظرى بس دة فى نظر كل الناس ودة خلانى اتشد ليها اكتر واكتر وافكر فيها كتير جدا لدرجة انا بقيت خايف ان يجى حد قبل ويخدها وانا كمان متأكد انا هيا مش عارفة اصلا ان انا بفكر فيها التفكير دة كله واحتمال كبير تكون نسيتنى والموضوع دة مفيش حد يعرفة غيرى يعنى انا مفكرتش قبل كدا ان احكيه لحد و دية اول مرة ليا فا انا عايز طريقة احاول اقرب بيها منها حتى بس اخليها تعرف ان انا متشد لناحيتها وكدا ليس اكثر لان انا عارف ان لو انا عايزها فى الحلال مقدرش اقرب منها اكتر من كدا .
