انا عندي 18 سنه .. انا كونت في 3 اعدادي فاشل و مش بذاكر وجبت دراجات وحشه اوي .. جيت في 1 ثانوي حطيط في دماغي اني اكون شاطر واذاكر 24 ساعه عشان اثبت لأهلي اني اد المسؤوليه . فجئه لقيت في اول اسبوع معايه في المدرسه بنت زي القمر حلوه اوي كانت علي طول بتفضل تبص عليا كتير اوي وانا كونت ببص عليها اوي بس كونت اول ما اشوفها بتبص عليا بتكسف والف وشي لقيت نفسي مش بشيلها من دماغي خالص وبفكر فيها علي طول بطريقه غريبه ومبقتش انام واسهر افكر فيها وقولت لي صاحبتها اني معجب بيها اوي راحت عرفتها بس للآسف قالتلي هي مش بتبصلك ولا حاجه من دي قولت ممكن ! وانا متكلمتش معاها ولا مره , لقيتها بتبص برضو كتير اوي استغربت وجت في مره هي وصاحبتها نادوني بصيت عليهوم لقتها بتقولي تعالي وانا ولد من النوع اللي بيتكسف اوي سبتها ومشيت ومن ساعتها لقيتها مش بتبص عليا نهائي .وهي ارتبطت بزميلي في المدرسه ساعتها انا ادايقت وفضلت مروحش المدرسه واكتأبت و الكلام ده كله فضل يحصل لمده سننتين .. هي دلوقتي سابت زميلي ده ومش مرتبطه وانا بتمني اني اكلمها واعبرلها عن حبي ليها لكن للآسف انا خجول اوي لدرجه غريبه اوي , ممكن حد يساعدني ؟؟ الموضوع ده خله حالتي النفسيه صعبه اوي لآني بحبها اوي لدرجه الجنون.
