السلام عليكم ورحمة الله وبركاتة
اخوانى
انا عندى موضوع ومش هنقول مشكلة انا شاب عندى 30سنة مش مرتبط تعرفت على انسانة صديقة لجارتنا عمرها حوالى 27 سنة طريقة التعارف كانت عن طريق الحديث من خلال صديقتها عنها اقسم لكم بالله انى تعلقت بها بدون ان اراها هو اللى عرفتو عنها انها كانت بتحكى مع شاب مسيحى وانا بصراحة لما عرفت قلت ازاى بتحكى مع شاب مسيحى لازم تقطع علاقتها بيه المهم انا كمان تعرفت عليها ودار الكلام بينا فى الموضوع ده ونصحتها من الكلام معاه وكانت تقلى والله هو انسان محترم ومؤدب وما تعدا حدودو معاى وسالتها انتى بتحبيه انكرت وقالت انو احنا اخوة بس مش اكتر الا انا مكنتش مصدق نهائى ابدا لانو مجرد انى كنت افتح الموضوع تقلى ده خط احمر ومهتمة بيه جدا لدرجة تخلى اى انسان يشك انو في بينهم علاقة لايمكن تكون اخوية فى بعض الايام لما كان يغيب عنها ومايحكيش معاها كان ممكن يغمى عليها كنت استغرب واسال صديقتها تقلى عشان فلان محكاش معاها حصلها كدا بصراحة الموضوع شغلنى جدا وعزمت على انها لازم تبعد عنو لانو وقتها كنت انا كمان حبيتها جدا جدا وبدا اهتمامى يزيد بيها وقيت معرفشى انام الا ان اتصلت عليها ولو راحت اى مكان اكون متابعها بالتلفون وهى بدات تحس بكدا
المهم اعترفنا لبعض بالحب اللى بينا وهى اللى اعترفت بالاول واخدنا الفترة الاولانية نحب بعض بجنون انا وهى واتفقت معاى على انو رح تنسى كل حاجة وهتعيش ليه انا بس وكانت تقلى انا بعمرى مش هلاقى انسان زيك يحبنى كدا ويكون معاى فى كل همومى ومشاكلى ويخاف عليه
ووعدتنى انها رح تمسح اميلو ورقم تلفونه وكل شى وعشنا زى السمن على عسل الا انا كنت شاكك انها لسه بتحكى معاه
فعلا انا كان الشك قاتلنى بس كنت مش قادر اقلها انتى بتحكى معاه وانا متاكد بس معنديش الدليل ويعلم الله انى حبيتها واخلصت لها اقسم بالله وتمنيتها شريكة حياتى لانو كان فيها صفات حميدة كتيروعزمت الامر على انها تكون زوجتى يعنى حبى لها مش تسليه ولا اى كلام
المهم سالتها انتى لسه بتحكى معاه قالت لا انا من اخر مرة حكيت معاه فيه بعد مشكلتنا انا وانته عنو وخلاص كل واحد فينا فى حالو
برضو مش مصدق انا بفهم فى نظام الهكر شويه يعنى مش كتير ومش بستخدمو والله العظيم فى ايذاء اى انسان رحت عملت هكرعلى جهازها وكانت المفاجئة اللى قتلتنى شفت محادثات بينهم كانت بتاريخ حديث جدا طبعا على جهازها وصفحت الفيس بتاعها والاميل والله يا جماعة اقسم بالله وقت ما شفت الحجات دى حسيت انو روحى هتطلع منى ليه لانو والله والله والله اخلصت لها وحبيتها بصدق
اتصلت على تلفونها بعد السلام قلتلها انا هسالك سؤال بس تجوبى وتحكىى بوضوح قالت خير
قلتلها انتى بتكلمى فلان قالت لا
قلتلها كزابة
قالت ليه بتكزبنى قلتلها لانو انتى خدعتينى وخنتينى وانا عندى الدليل
طبعا ثارت عليه وازى تحكى والخ…
المهم قلتلها وريتها الدليل انهارت وراحت فى البكاء الشديد وفضلت تبكى بدموع فظيعه وتطلب السماح منى وانا اقلها احنا لازم نبعد عن بعض الخيانة اللى حصلت منك عملت حاجز كبير وهى تسرخ وتقول لا انا اموت من غيرك والله انا انتحر لو انته سبتنى وبعدين اعترفت بكل حاجة وقالت لى انا صح حبيته طبعا بتحكى وهى واقعه من البكاء وقالت لى مقدرتش انساه بس والله ماحبيتو زى حبك ولاحسيتو زيك لانو معندوش الحب الجرىء ومعندوش الرجولة ولاالحنية ولا الاخلاص اللى شفتهم فيك واحتوائك ليه ولاكان بيهتم بيه زيك ولاتخيلتو فى يوم انو يكون زوجى زيك انته الزوج والحبيب والاخ والصديق انته اللى كل حاجة بدنيتى انته لو بعدت انا والله هضيع والله هضيع ابوس ايدك لالا ما تسبنيش انا هعيش خدامة تحت رجليك والله يا جماعه اندبحت وكان موقف صعب عليه جدا لانو انا مش قاسى القلب ولكن ندمها وبكائها مهما وصفت لكم كان اكبر من فعلتها ظلت اكثر من يومين على الحال ده وكانت فى حال اعياء شديدوانا سبتها ورحت مكان بعيد قلت اختفى عشان انسى ولما حاولت الوصول ليه والله ماهانت عليه وكلمتها وشفتها والله عيونها تورمت من البكاء اقسم لكم انها نزلت تبوس رجلى عشان اسامحها انا مرضتش اخليها تتزلل اكتر من كدا وقلتلها انا مسامح فى حقى بس اللى بينا خلاص مات ومش هينفع نرجع تانى لانو الخيانة صعبة كل ابن خطاء بس لما تجيك خيانة من شخص حبيته واخلصت له اظن انها قاتلة وتفقدك الثقة فى كل اللى حوليك
المهم انا مش عارف اعمل ايه وساعدونى الله يخليكم ساعدونى
ارجع ولا ابعد ملحوظة : والله تلفونى ما بيبطل رن من تلفونها ان قلت لكم يجى اكتر من 100 اتصال فى اليوم الواحد هتكزبونى على كم رسالة غير جارتنا اللى كل مرة فى الطالعه والنازلة وحكتلى انها عرفت كل حاجة وقلتلى هى بتموت تكلمنى بس انا حبيتها والله وهقدر انى ابعد عنها
