مشكلتى انا شاب 21 من اسره متوسطه والحمد لله . انا كنت فى مرحلة الثانويه غير مهتم بأمر البنات وكنت رافض حاجه اسمها حب بالمره ودا من اللى كنت بشوفه من اصحابى اللى بيحبو انهم بيضحكو على البنات أو بيتسلو بيهم وانا كنت رافض الكلام ده لانى انا ليا اخوات وفى يوم من الايام هيكون ليا زوجه وبنات ان شاء الله .المهم خلصت المرحله الثانويه واول سنه فى الجامعه كان نفس الشعور لكن فى سنه تانيه كنت فى مركز تدريبى من مخلتف الاعمار فى بلدنا كنا حوالى 7 ولا و10 بنات المهم ان كانت فيه واحده من البنات دى جميله جدا ومن تعاملها محترمه وبما انى من بلدها وكنت صاحب اخوها دراسه فأنا عارف بأنهم ناس محترمين لكن انا اول ما شوفتها بصراحه كدا وحاجه غريبه اتشديت ليها مع انى كان فى دماغى انها مبتفكرش فى ارتباط او كده لانها من اسره ملتزمه انا كنت بكلم اصحابها عادى وهيا كمان بس كلام فى الدوره وكدا وانا كنت بدرس لاصحابها بدأت اركز فى عنيها او الفت انباهها فى اى حاجه ولما بكلمها فى اى حاجه كنت بميزها عن اصحابها فى التعامل فهيا بدأت تلاحظ باهتمام منى واصحابها كمان حسو بكدا المهم يوم بعد يوم كنا بنبص لبعض كدا وكنا مهتمين بالحاجه اللى بنعملها ولعند دلوقتى مكنش بينا حاجه وبعدها كدا حصل موقف كدا انها كانت بتعلق حاجه على الباب وكان فى شباب قاعدين فانا كنت واقف جنبها وقولتلها متبقيش ترفعى دراعك وولاد واقفين قالت حاضر ودخلت فى اوضه جنبنا ولما دخلت وراها راحت مبتسمه كدا ومن يومها واحنا مابينا اعجاب ويوم بعد يوم بدأ الاعجاب يزيد من بعض هيا عندها 17 سنه بس لأنى دى اول مره اعمل حاجه زى كدا او فى التفكير ده مش كنت عارف اصارحها بحبى ازاى لعند لما جه يوم كنا فيه فى برنامج تدريبى فى مركز مع ناس مختلفه ومنعرفهمش بس هيا مكنتش معانا فى اليوم ده ولما عرفت فى نفس اليوم قالتلى انت هتروح بكره قولتلها ان شاء الله ومروحتش لان كان ورايا امتحان لكن تانى يوم روحت وهيا كانت هناك بس دا بعد مارنت عليا من تلفون استاذ ليها من غير مايعرف فقعدنا مع بعض وجنبنا ناس وكنا بنتكلم عادى فبقولها انتى منوره على فكره وكدا يعنى المهم انا كل شويه ابص عليها بلهفه كدا فبتقولى انت عايز تقول حاجه قولتلها لا ليه ؟؟ انتى عايزه تقولى حاجه ؟؟؟ قالت لا عادى . بس بعد كدا كانت فى دكتوره بتتكلم فيها كتبتلى على ورقه ((على فكره انا جيت علشان انت جيت انهرده)) قولتلها وانا فرحان برضو من كدا .فبتقولى ممكن اطلب منك طلب ؟قولتلها اتفضلى ؟؟ فبتقولى ممكن متهزرش تانى مع البنات صحابى فى الدوره . قولتلها ليه يعنى هيا من اولها كدا مفيش ثقه .قاللتى لا مش حكاية ثقه بس دا بيزعلنى وبيضايقنى …. قولتلها وايه اللى يزعلك فى كدا قالت انت متعرفش يعنى قولتلها اعرف ايه قالتلى لما تقول انت الاول …فسكت شويه فبتقولى انت اصلا شكلك مش مهتم بالموضوع اصلا …… انا فاهم بس عامل فيها عبده الاهبل …… المهم قولتلها ومين قالك انا مش مهتم اللى انتى هتقوليه انا هقوله .. قالت متقول انت الاول قولتها اقول ايه ..قالتلى اربع حرووف وريحينى قومت كاتب ليها(( ب………ك))) راحت ماسكه الورقه وشاطبع عليها وكتبت (((بحبك)) ممكن تقولها روحت بصيت لها كدا وقولتلها انا بموت فيكى بصراحه هيا من نظرتى ليها كانت طاااااااااااايره من الفرحه وبعد ماخلصنا خرجنا وقفنا مع بعض شويه ولام روحنا وتجمعنا فى الدوره وكان معاها صحابها بس عاملين طول الوقت بصين لبعض ..عدت الايام وكنا بنتكلم موبايل فسألتها السؤال اللى كان لازم اسأله انتى كنتى مرتبطه قبل كده وكان ردها انا اول مره اعمل حاجه زى كده…… وبعد ايام فى ناس عرفت بالموضوع ده ومنهم اصحابى فجه مره واحد من اصحابى قالى ان كنت سامع من واحد انها ككانت بتكلم واحد اسمه كذا وان واحد شافهم واقفين مع بعض وقالى كمان على واحد تانى وتالت كمان …..المهم انا اضايقت قوى ((( لان كان هدفى اللى انا بحبها اول مره واخر مره اكون انا برضه اول واحد فى حياتها)))) بس انا من النوع الشكاك قوى فسألتها عن الشخص ده وانها كانت واقفه معاه ولا لا قالتلى والله عمره ماحصل وبعدين الولد ده كان عايز يكلمنى وبيقولى بحبك وعايز اتقدملك وانا خليت بابا يكلمه وسمعت تانى وتالت عن نفس الشخص بس كان فى ناس بيكدبو الكلام ده وكانو بيقولو احنا عمرنا مسمعنا عنها حاجه وبعدين انت مش عارف دى مين وبنت مين عمرك ماتصدق الكلام ده…… انا بصراحه خت فتره كبيره لما نفضت لكلام الناس بس كان كل يوم بعشها اكتر والله كنت احاول اكلمها فى اى حاجه غلط ((مش علشان انا عايز اتكلم )) لا علشان اشوفها هتعمل ايه كانت بترفض خالص … المهم حبيبتى دى انا اول مره ابكى علشان خاطر واحده بمجرد انى بفكر وانا نايم انها مهتكنش ليا …… انا بغير عليها جدا .. بس الحاجه اللى بتزعلنى من نفسى ان انا لما بشوفها بتبص على حد سواء صدفه او غيره ازعل وازعلها … حاجه تانيه لما اشوف بنت تعمل حاجه غلط بفكر كدا ان دى ممكن تكون عملت كدا….. الحاجه التالته انى اوقات لما بكون قاعد مع حد ونتكلم فى مواضيع عن البنات وكدا فبسأله بطريقه غير مباشر عنها …. ودى اكتر حاجه مش مزعلانى انا مش عارف ان دى قلت ثقه ولا زيادة حب ولا لالالا مع العلم ان اهلى عارفين …. واهلها وكل البلد عارفين وامها وجدتها بيبعتلوى السلام معاها على طول وكل لما اجبلها هديه ولا حاجه بتوريها لمامتها …….
