احب بنت اتعرفت عليها فى الجامعه ابتدت علاقتنا كأصدقاء مقربين جدا وابتدىت احبها وتحبنى بقالنا دلوقتى مرتبطين اكتر من 6 شهور ده غير اكتر من سنه صدقيتى هى بتحبنى جدا وانا واثق من ده جدا وانا كمان بحبها لدرجه ان علاقتنا بقت اكتر من اتنين بيحبوا بعض وابتدينا نتعامل كأتنين متجوزين (بشكل عاطفى مش اكتر ) يعنى تقولى يا جوزى وتعملى اكل وتجبهولى الشغل وتشتريلى لبسى وكده
المهم
هى بتحكيلى انها كانت قريبه من سيده لبنانيه وكانت بترحلها بيتها تزورها والست دى كانت معتبراها بنتها وكده
وجت بعد كده قالتلى انها اتوفت وكانت زعلانه عليا جدا وبعد شهر قالتلى ان ابنها عايز يقابلها ضرورى المهم قالتلى ان الست دى كتبتلها الفيلا الى كانت عايشه فيها بأسمها وانها متردده انها تاخدها ولا لا
و فى يوم اتفقنا انى اروح اشوف الفيلا دى الى بتحكى عنها و احنا فى الطريق ابتددت تقول كلام مش مفهوم وعملتها بخناقه و روحنا من غير ما نروح البيت وبعد كده اتصالحنا وكل ما نتفق نروح الاقيها بتخلق حجج مش مفهومه وكل مره بصدقها مع انى كنت شاكك فى كلامها عشان ماكنش منطقى خالص يعنى مره تقولى تعبانه ومره تقولى مامتها مش عايزه تخليها تنزل وبيكون على اخر لحظه هانتقابل فيها
وجيت فى يوم قولتلها انى مش مصدق الكلام ده وهى زعلت جدا وقررنا نروح عشان تثبتلى العكس واحنا فى الطريق لقيتها بتقولى انها تعبانه قولتلها استحملى شويه لما نوصل وبعد شويه قالتلى انها خلاص مش قادره وعايزه تروح ولقيت شكوكى اتأكدت وقولتلها انك كدابه و انا مش مصدقك ودلوقتى احنا شه منفصلين لحد ما تثبتلى العكس وهى بتحلفلى كتير قوى انها ماكدبتش عليا عشان بتحبنى
اسف لو طولت بس انا تعبان جدا حاسس انى ظالمها و خايف انى اكون ضحيه واحده مريضه بتحب تكدب وتصدق كدبها
مشاكل الشباب مع البنات
مش مقتنع بكلام حبيبتى
اضيف بتاريخ: Monday, March 26th, 2018 في 23:45
كلمات مشاكل وحلول: الجامعة, الحب, بنت, حب, شاب
انت الظاهر عبيط وساذج جدا والبنت قاعده تضحك عليك وتتسلى بك وكل تصرفاتها تؤكد انها كدابة ومش كويسة وانت صدقت كلامها ده انو في وحدة لبنانية تعرفها وان الست دي ماتت وكتبت لها الفيلا باسمها وكمان تعاملك كانك جوزها وتحضر لك الاكل وتجيبه لك لحد الشغل كل دي توكد ان البنت فعلا مش محترمة وبلاخلاق ولاتربية وكدابة ولاتستاهلك دي الحقيقة التي لزوم تعرفها علشان تقطع علاقتك بها نهايئا وتبعد عنها وتدور لك عن بنت الحلال الصالحة اللي تستاهل تكون شريكة لحياتك وجديرة بالحفاظ عليك وعلى سمعتك وشرفك وكرامتك والله يصلح حالك ويؤفقك ويكرمك بها وتلاقي الخير والسعادة معها طوال حياتك
ياعم لبنانية وماتت وفيلا وعندها ابنك وكتبتها باسم البت اللي ماشي معاها اللي انت حتي مش خاطبها وبتعتبرك جوزها وبتجبلك اكلك ف الشغل وانت مش مصدقها وحاسس انك ظالمها وكتبت مشكلة اللي هي اصلا مش مشكلة فين اهل البت دي وبطل تتفرج ع افلام انت وهي ولو عاوز تخطبها ادخل البيت من بابه الله يهدي الجميع