نسيتنى وانا عايش على ذكراها

وانا فى ابتدائى كنت من اشطر الطلبة فى المدرسة وفى سنة خامسة ابتدائى اتنقلت للفصل طالبة جديدة مش عارف ساعتها ليه حسيت باحساس غريب من ناحيتها مع انى ماكنتش اعرف حاجة اسميها حب المهم مع مرور الايام لقيت نفسى بحبها …..ازاى وامتى ؟مش عارف لقيت نفسى بحبها. وهى كانت عارفة انى بحبها بس كانت بتستغل حبى ليها فى انى اغششها فى الدراسة وعمرها ما حبتنى بس الحب اعمى زى ما بيقولو كنت عارف انها بتستغلنى ومع كده ماكنتش برفضلها طلب لغاية ماخلصت مرحلة ابتدائى ودخلت المرسة الاعدادية بصراحة ا اقدرت ما افكرش فيها وكنت ساعتها عايش حياتى زى كل اللى فى سنى لغية ما دخلت اولى ثانوى ولقيتها بالصدفة راكبة فى عربية وهى معديه قدام بيتنا بس ما شفتنيش من ساعتها وانا حالى اتقلب قعدت افكر فيها 3 سنين وبقنع نفسى انها اكيد فاكرانى وفاكره اللى عملته ليها زمان لغاية ما شوفتها بالصدفة فى الشارع وقفت واقعدت اتنح فيها وهى مايانش عليها انها فاكرانى وكل اللى بتعمله انها ماسكة الموبيل وبتتكلم ولما لاحظت انى ببصلها كتير بصتلى باستغراب استغراب انى كنت ببحلق فيها وانا ببصلها باستغراب انها مش فاكرانى معرفش ساعتها اوصف الحزن اللى انتابنى انا قبل ما اشوفها بيوم كنت بتمنى انى اشوفها وبعدت ما شفتها قولت ياريتنى ماشوفتها .. بس للاسف لغية دلوقتى مش قادر اكرهها ولا قادر انساها قولولى اعمل ايه

مشاكل وحلول ذات صلة

• بيحبنى لكن هيضيع مستقبلى
• الحب يؤثر على دراستى وانا فى الثانوى
• علاقة الحب بين التلميذة والاستاذ
• بحبه واتعلقت بيه وهو ولا على باله
• انا انعزالي غريب الاطوار تسيطر علي افكار سوداويه
• لسه بحبها وهي مؤدبة جدا
• صديقتي تركتني لسبب مجهول وانا مازلت احبها