بحب بنت كانت معايا ف الشغل.. وهى حسستنى انها بتحبنى وكانت دايما بتلفت نظرى ليها بكل الطرق.. وبالرغم من انى كنت بحبها جدا لدرجة العشق والوله لكن كنت دايما خايف ارتبط بيها لانى كنت بشك فى سلوكها… المهم يعنى هى ارتبطت دلوقتى بواحد كانت بتحبه ايام الكليةواتقدملها قبل كده بس اهلها رفضوه عشان مش جاهز وانا من ساعتها مُنهار ونفسيتى زى الزفت ومش فادر اناسها..خصوصا انها بعد ما اتخطبت للشخص ده كانت دايما بتحاول تغيظنى وتكلمه ف التليفون قُدامى وتبينلى انها سعيدة جدا معاه.. نسيت أقول ان فيه زميلة لينا ف الشغل عرضت عليا انى ارتبط بالبنت الىل انا بحبها دى وانها بنت كويسة وبيتقدملها شباب بس هى مش عايزة(تقريبا تقصد الشاب اللى اتقدملها واترفض) وان مافيش حد ف دماغها.. ياترى هى كانت ..باعته البنت دى تكلمنى؟؟ ..
