انا شاب ابلغ من العمر 23 سنة مشكلتى بدات منذ ثلاث سنوات عندما انفصلت عن حبيبتى بعد قصة حب عنيفة استمرت خمس سنوات ومن شدة الحب حصل بيننا بعد التنازلات الى ان وصلت الى انها اصبحت حامل منى فى لحظة شيطانية ثم تكررت اللقاءات كثير وعملتلها عملية اجهاض ولم ينقص حبى ليها او تغيرت نظرتى من ناحيتها بل زاد الحب وزاد تمسكى بيها اكتر ثم خطبتها بعد ذلك ثم احسست من ناحيتها بالطمع مثل امها التى شجعتها على ذلك الى ان تركتها بعد كثرة المشاكل ولم يمر سوى اسبوعين واتخطبت لشخص تانى فكرت الحب وكرهت الدنيا ودخلت فى طريق المخدرات الى ان تعرفت على واحدة تانية وبعدين تدريجيا بدات احبها الى ان كثرت المشاكل بيننا حتى وصلت الى كل يوم خناقة تقريبا بسبب الغيرة حيث انى شخص غيور جداا غصب عنى بس اعمل ايه وبصراحة مابقاش عندى ثقة فى كل البنات والان انا تعبان نفسيا جدااااااااااااا ونفسيتى زى الزفت بسببها وبسبب المخدرات وفى نفس الوقت ولاقادر اسيبها ولا قادر ابطل المخدرات بس المخدرات حشيش وبرشام بس مش بودرة ولا اى حاجة بجد بجد محتاجلكم تساعدونى فى اسرع وقت حيث انى مقتنع بارائكم جداااااااا فى كل المشاكل ولكم منى جزيل الشكر بس ارجوكوا ماتهملوش رسالتى حيث انا ماليش حد اتكلم معاه غيركم سورى على الاطالة انا كده اختصرت مشكلتى كمان جدا يارب اهدى على ايديكم حيث رسبت فى الجامعة ومستواى الدراسى تاثر جداا واسف لو كنت ازعجتكم
هذا نتيجة المشي في طريق الحرام اخرته كدا علاقتك بالبنت دي ووقوعك معها في الزنا اوصلك الى طريق الانحراف والوقوع في المخدرات وتعاطيها حرام عليك تعمل كلهذا في نفسك وفي اهلك وسمعتهم توب الى ربك توبة صادقة واستغفره واندم على كل ماحصل منك في السابق وتقرب من ربنا عزوجل اكثر فهذا هو الطريق الصحيح لعلاجك من الحالة اللي انت فيها تخلص من السموم التي تتتعاطها واصلح من حالك وحافظ على صلاتك في اوقاتها وبكثرة الصوم وقراءة القران وكثرة الاستغفار والبر بالوالدين والاحسان لهما وصلة الرحم والابتعاد عن رفقاء السوء وتركهم ومصاحبة الرفقاء الصالحين والبحث عن عمل تعيش منه ويساعدك على ملا فراغ حياتك وفكر في الزواج من بنت الحلال الصالحة وانسى كل ماحدث لك في الماضي وربنا يسترعليك ويؤفقك ويكرمك ويبارك فيك ويصلح لك الاحوال انت وكل اخواننا المسلمين
مش كل الناس زي بعضها ومتخليش اى حاجة فاتت تأثر عليك انت شاب وليك نظرة وتعرف تقيم اي علاقة انت فيها ولو شايف انها واحدة محترمة من نفسك هاتديها الثقة وهاتحترمها كمان افتح صفحة جديدة مع ربنا وانت هاتلقي نفسك نسيت اي حاجة وحشة حصلتلك وخلي بالك من مستقبلك لان مفيش حد هاينفعك وربنا يقدملك اللي في الخير