اروي اليكم قصتي من النهايه ام البدايه لا اعلم بس المهم انا كنت اعرف كميه بنات لا حصر لها الي ان حظي اوقعني في فتاة جميله الشكل والروح كنت ارغب في المشي معاها لفتره وخلاص كعادتي ولكن تغير الحال واحببتها حب لا يوصف وهي كمان احبتني كنا نتقابل كل يوم ونتكلم موبيلات بكثافه الي ان وصلنا لمرحله لا يمكن الاستغناء فيها عن بعض روحت اتقدمتلها ولاول مره في حياتي اخطو هذه الخطوه من حبي لها اترفضت لضيق حالتي الماديه علما باني معايا شقه وسياره زيرو بس قسط وحاليا لا اعمل كنت اعمل في مكان كويس وحصل مشاكل فمشيت وهي كانت تعمل موديلز اعلانات اي دخلها المادي كويس بس انا استحرمت فلوسها وقعدتها وكنت بديها اللي اقدر عليه بس عشان اهلها بيستفيدوا منها جدااا رفضوني لاني كنت عاوز اقعدها من الشغل وبعد كده قررنا نواجه بحل انا عارف انه حرام وغير صحيح وهو اننا ننام مع بعض وحصل فعلا وفقدت عذريتها وشويه وبقت حامل كان ده بيتم في شقتي كنت فارشها كويس وبعد كده قولنا هنقول لاهلها عشان نجبرهم ونعجل الجواز وفؤجنا باللي حصل عرفوا وبعد كده قطعوها مني تماما وسابوا البيت لفتره مؤقته عشان موصلهاش وعرفت انهم اجهضوها وضربوها شويه واخوها كان بيدور عليه عشان يموتني وبعد كده الموضوع مات من حوالي اسبوعين وانقطعت اخبارنا عن بعض وهي فين من ده كله معرفش واهلها عملوا كده ليه وانا فعلا بحبها جدا ومقدرش اعيش من غيرها وهي فعلا حبتني ولا لأ ولا لما اهلها عرفوا ماصدقت وسبتني ولا اجبروها ولا ايه بس اموت واعرف اي حاجه عنها واعرف عملوا كده ليه كلهم معايا بما فيهم هي اخبروني بعقولكم يمكن انا فقدت التفكير
مشاكل الشباب مع البنات
قصتي مع الفتاة التي احبها ممكن تساعدوني
اضيف بتاريخ: Thursday, September 30th, 2010 في 01:11
كلمات مشاكل وحلول: البنات, الشباب, الشباب والبنات, جميلة, فتاة, قصة, مشاكل الشباب, مشاكل الشباب مع البنات, مشاكل الشباب والبنات
مش عاوز اقول غيرحسبناالله ونعم الوكيل فيك وفي كل شاب يعمل مع بنات الناس كده ذنب البنت المسكينة دي في رقبتك لو حصل لهااي حاجة لانك ضحكت عليها وسلبتها شرفها وجلبت لهاالعاروالفضيحة مع اهلها وكل الناس منتظر من اهلها ايه ولافاكر انهم هيسامحوك على كل مافعلته بهم ويقولك تعالي تزوجها واستر على بنتناوعلينا توب الى الله واكثرمن الاستغفار اليه والندم على كل ماحصل منك مع هذةالبنت والزنا بها والحمل بابن حرام من غير علاقة شرعية وهي لها رب يتولاها ويرحمها ويعوضها بخيرمنك بالزوج الصالح اللي يسترعليها ويقدرظروفها ويسعدها ارى انك ماتدورش عليها وتنساها لان ظهورك في حياتها بعدكل اللي عملته فيها لايمكن ان ينتسي او يتصلح ابدا اتركها تعيش حياتها وانت عيش حياتك والله يهدي الجميع
بس ياحبي الي انت عملته ده اكبر غلطه وانا شايف انك لو بتحبها بجد مش عتعمل كده معاها حتى ولو بلهدف الي انا مش مقتنع بيه كان المفروض انك تصر على قبولهم ليك مش لمجرد انك اترفضط تعمل كده كان لازم تروح تاني وثالث وعاشر
سلام عليكم
انا مش هقولا اكتر من اللى الناس قالته
بس بدل ماكنت تلجأ للحل اللى بوظ لك الدنيا دا كنت ع الأقل اتجوزتها هو برضه مش حل للمشكله
بس كان اخف الضرر ع العموم اللى حصل حصل
انت دلوقتى اقعد كده شويه مع نفسك وحاول ترجع لربنا وقرب من ربنا اكتر واصبر شويه وروح عند البيت مش دلوقتى طبعا اما الموضوع يهدى شويه يعنى بعد حوالى كده اسبوعين تلاته كمان
وروح من بعيد شوف ايه الأخبار ويمكن ربنا يوفقك طالاما نيتك خير .بس مش تروح دلوقتى خاااالص لو حد عرف انك بتروح هناك ممكن تحصل مشاكل كبيره فعلا وساعتها لو فى امل الموضوع يتحل مش هتحل ابداااااااااا
حتى ان شفتها نازله من بيتها خليك بعيد فتره لحد مالموضوع يهدى كده وربنا يقدم اللى فيه الخير .وابقى طمنا وقول عملت ايه وان شاء الله خير .
بس خلى بالك حاول تقرب من ربنا قدر المستطاع.
انت اللى عملته ده اكبر غلط لانك كده انانى وبعملتك دى مش بتحل انت زودت الموضوع صعوبة واللى عملته ده انت كده باديك دمرتها ………الحل :
تحاول تعرف اخبارها وبعدين تروح لا حد من اقاربها ويكون حد بياثر فى اهلها ومعاك حد من اقاربك وتحاول تشرح لهم وتفسر لهم اللى حصل وده بكل هدوء لانك فى الاول هتلاقى رد عنيف من اهلها وانت تعذرهم وده لما تكون معاك اى شغل وبكده يكون السبب اللى انت اترفضت علشانه اتغير ..ومش مشكلة لما تاخدهم على قد عقلهم وتقول لهم انها هتنزل الشغل وده الى ان تتزوج وبعده انت حر انت ومراتك ..وربنا يقدماللى فيه الخير..وتنقز البنت اللى وثقت فيك
المفروض انك كنت تحاول معاهم تاني وثالث لو بتحبها وممكن في الاخر كانوا يوافقوا مع ضغط بنتهم عليهم لكن لجؤك للطريقه دي غلط وممكن تحاول تروح تتكلم معاهم بالراحه مع وجودشخص من اهلك وممكن الموضوع يبقي فيه نقاش تاني وربنايوفق و يهدي جميع الشباب والبنات ويوفقهم في طريق الحلال
طبعا حرام اللى عملته معاه
بس انت ربنا نجاك من اسره مش محترمه بيستغلو بنتهم ماديا ده اهم حاجه عندهم
علشان كده انسى الموضوع ده وركز فى عملك وتجهيز شقتك وشوفك انسانه محترمه من اسره كريمه
وربنا يوفقك
اولا انت غلط جدا لما نمت معاها انت كدا ضيعتها منك زمن غيرك وكمان دا مش حل
ثانيا انت المفروض بدل ماتلجأ لحاجه زي دا تدور علي السبب الي اترفضت عشانو وتحاول تصلح من نفسك يعني لو كانو رفضوك عشان مبتشتغلش اشتغل ماهو انت كدا كدا لازم تشتغل وهتصرف عليها منين حتي لو وافقوا عليك واتجوزتو دا لو كنت بتحبها فعلا
وبعدين الحب تضحيه المفروض تبذل كل جدهدك عشان تحاول تصلح من نفسك عشان تستاهلها وهو دا الحب الايجابي انما انت مفكرتش كويس قبل ما تتخذ القرار دا وعلي العموم الحل انك تروح لحد من اهلها يكون طيب ويتوسط بينكو وتحاول تقنعهم انك تتجوزها لان دا اصلح ليك وليها في الوقت الحالي ………….. وربنا يهديك ويهديهم
(المرسل) محمد